കൊടും ചൂട് ഉയര്‍ന്ന് തന്നെ; പാലക്കാട് ഓറഞ്ച് അലേര്‍ട്ട്; അതീവ ജാഗ്രത വേണം

ഇന്നും നാളെയും ഉഷ്ണതരംഗ സാധ്യത തുടരുന്നതിനാല്‍ കേന്ദ്ര കാലാവസ്ഥ വകുപ്പ് പാലക്കാട് ഓറഞ്ച് അലേര്‍ട്ടും തൃശൂര്‍, കോഴിക്കോട്, ആലപ്പുഴ ജില്ലകളില്‍ മഞ്ഞ അലര്‍ട്ട് പ്രഖ്യാപിച്ചു. ഇന്ന് തൃശൂര്‍, പാലക്കാട്, തൃശൂര്‍, കോഴിക്കോട്, ആലപ്പുഴ ജില്ലകളിലെ വിവിധ പ്രദേശങ്ങളില്‍ ഉഷ്ണതരംഗ സാഹചര്യം നിലനില്‍ക്കുമെന്ന് കേന്ദ്ര കാലാവസ്ഥ വകുപ്പ് അറിയിച്ചു. തുടര്‍ച്ചയായ ദിവസങ്ങളില്‍ അതിതീവ്രമായ ചൂട് രേഖപ്പെടുത്തിയതിന്റേയും, അടുത്ത ദിവസങ്ങളിലും പാലക്കാട് ജില്ലയില്‍ 40 ഡിഗ്രി സെല്‍ഷ്യസ് വരെയും, തൃശൂര്‍ ജില്ലയില്‍ 39 ഡിഗ്രി സെല്‍ഷ്യസ് വരെയും, കോഴിക്കോട് ജില്ലയില്‍ …

ഗായകന്‍ പട്ടുവം മുസ്തഫ അന്തരിച്ചു

കണ്ണൂര്‍: പ്രസിദ്ധ ഗായകന്‍ പട്ടുവം മുസ്തഫ(73) അന്തരിച്ചു. ചെറുകുന്ന് പള്ളിച്ചാലിലായിരുന്നു താമസം.ശരീരം തളര്‍ന്ന് വര്‍ഷങ്ങളായി വീട്ടില്‍ വിശ്രമത്തിലായിരുന്നു. മാപ്പിളപ്പാട്ടു ഗായകനായ മുസ്തഫ നൂറിലധികം ഗാനങ്ങള്‍ ആലപിച്ചു ശ്രദ്ധേയനായിരുന്നു.ഭാര്യ: ഖദീജ. മക്കള്‍: റഷീദ, നശീറ, റംഷീദ്. മരുമക്കള്‍: നാസര്‍, ഹാരിസ്, സഹദ. കബറടക്കം ബുധനാഴ്ച രാവിലെ ചെറുകുന്ന് ജുമാമസ്ജിദ് കബര്‍സ്ഥാനില്‍ നടന്നു.

മെമ്മറി കാര്‍ഡ് മാറ്റിയതാര്? കെഎസ്ആര്‍ടിസി ബസിലെ സിസിടിവിയുടെ മെമ്മറി കാര്‍ഡ് കാണാനില്ല

തിരുവനന്തപുരം മേയറും കെഎസ്ആര്‍ടിസി ഡ്രൈവറും തമ്മില്‍ നടുറോഡിലുണ്ടായ തര്‍ക്കത്തില്‍ വഴിത്തിരിവ്. സംഭവത്തില്‍ നിര്‍ണായക തെളിവായി മാറുമെന്ന് പ്രതീക്ഷിച്ച ദൃശ്യങ്ങള്‍ ലഭിച്ചില്ല. കെഎസ്ആര്‍ടിസി ബസിനുളളിലെ സിസിസിടി ക്യാമറയില്‍ ഒരു ദൃശ്യവുമില്ലെന്ന് പൊലീസ് പരിശോധനയില്‍ വ്യക്തമായി. മെമ്മറി കാര്‍ഡ് കാണ്മാനില്ലെന്നാണ് ബസ് പരിശോധിച്ച ശേഷം പൊലീസ് വിശദീകരണം. മൂന്ന് ക്യാമറകളാണ് ബസിലുണ്ടായിരുന്നത്. റെക്കോര്‍ഡ് ചെയ്യുന്നുണ്ടായിരുന്നുവെന്നും ബസ് ഓടിക്കുന്ന സമയത്ത് മെമ്മറി കാര്‍ഡുണ്ടായിരുന്നുവെന്നാണ് ഡ്രൈവര്‍ യദു പറയുന്നത്. അങ്ങനെയെങ്കില്‍ മെമ്മറി കാര്‍ഡ് എങ്ങനെ നഷ്ടപ്പെട്ടുവെന്നത് ദുരൂഹമാണ്. മെമ്മറി കാര്‍ഡ് മാറ്റിയതായി സംശയിക്കുന്നുവെന്നും …

ലോക തൊഴിലാളി ദിനം; നാടെങ്ങും മെയ് ദിന റാലികള്‍ നടന്നു

കാസര്‍കോട്: പോരാട്ട വീര്യം നെഞ്ചിലേറ്റി നാടെങ്ങും വിവിധ തൊഴിലാളി യൂനിയനുകളുടെ നേതൃത്വത്തില്‍ മെയ്ദിന റാലി നടന്നു. ഇടതു പക്ഷ ട്രേഡ് യൂണിയന്‍ -സര്‍വീസ് സംഘടനയുടെ നേതൃത്വത്തില്‍ കാസര്‍കോട് ടൗണില്‍ മെയ് ദിന റാലി സംഘടിപ്പിച്ചു. കാസര്‍കോട് കെഎസ്ആര്‍ടിസി ബസ് സ്റ്റാന്‍ഡ് പരിസരത്തു നിന്ന് ആരംഭിച്ച മെയ് ദിന റാലി പുതിയ ബസ് സ്റ്റാന്‍ഡ് പരിസരത്തു സമാപിച്ചു. തുടര്‍ന്ന് നടന്ന പൊതുയോഗം സിഐടിയു സംസ്ഥാന സെക്രട്ടറി ടി. കെ. രാജന്‍ ഉദ്ഘടനം ചെയ്തു. എഐടിയുസി ജില്ലാ സെക്രട്ടറി ബിജു …

കുട്ടിക്കാല സൗഹൃദം

കൂക്കാനം റഹ്‌മാന്‍ സമപ്രായക്കാരായ സുഹൃത്തുക്കളുമായി സംസാരിച്ചിരിക്കുകയെന്നുള്ളത് മനസിന് സന്തോഷം നല്‍കുന്ന കാര്യമാണ്. മുമ്പൊക്കെ മുഖാമുഖം നോക്കി സംസാരിക്കാമായിരുന്നു. ഇന്ന് ഫോണ്‍ വഴിയാണ് ബന്ധപ്പെടുന്നത്. അത് എളുപ്പവുമാണ്. ഇന്ന് രാവിലെ മൊബൈലിലേക്ക് ഒരു വിളിവന്നു. നമ്പര്‍ പരിചയമില്ലാത്തതാണ്. അത്തരം കോളുകള്‍ ഞാന്‍ അറ്റന്‍ഡ് ചെയ്യാറില്ല. ആരെങ്കിലുമാവട്ടെ എന്ന ചിന്തയോടെ ഫോണ്‍ എടുത്തു,‘ ഹലോ ഞാന്‍ ഇസ്മായില്‍ മാഷ്. ഓര്‍മ്മയുണ്ടോ?’ ‘ഇല്ല’ എന്നായിരുന്നു എന്റെ മറുപടി. ‘2006 ല്‍ കക്കറ ഗവ:യു.പി. സ്‌കൂളില്‍ നിന്ന് വിരമിച്ച ഹെഡ്മാസ്റ്റര്‍’‘ഓ…, മനസ്സിലായി.”പിന്നീട് 18 …

ബദിയഡുക്കയിലെ കൂട്ടത്തല്ല്; അഞ്ചുപേര്‍ അറസ്റ്റില്‍; നരഹത്യാശ്രമത്തിന് കേസ്

കാസര്‍കോട്: ബദിയഡുക്കയില്‍ പച്ചക്കറി വ്യാപാരിയും ബാര്‍ബറും തമ്മിലുണ്ടായ വാക്കു തര്‍ക്കത്തെ തുടര്‍ന്നുണ്ടായ അക്രമത്തില്‍ അഞ്ചുപേരെ ബദിയടുക്ക പൊലീസ് അറസ്റ്റുചെയ്തു. പരിക്കേറ്റ ബദിയടുക്കയിലെ പച്ചക്കറി വ്യാപാരി ചെടേക്കാലിലെ ഷരീഫിന്റെ പരാതിയില്‍ ബാര്‍ബര്‍ ഷോപ്പ് ഉടമ രാജേഷ്, സഹോദരന്‍ രഞ്ജിത്ത്, മുന്ന, ഗിരീഷ് എന്നിവരെയും, രഞ്ജിത്തിന്റെ പരാതിയില്‍ സക്കറിയയെയും അറസ്റ്റുചെയ്തു. പ്രതികളെ കോടതിയില്‍ ഹാജരാക്കി റിമാന്റുചെയ്തു. ഇവര്‍ക്കെതിരെ നരഹത്യാശ്രമത്തിന് പൊലീസ് കേസെടുത്തിരുന്നു. തിങ്കളാഴ്ച രാത്രി 9.30 മണിയോടെയാണ് കേസിന് ആസ്പദമായ സംഭവം നടന്നത്. ഷരീഫും സമീപത്തെ ബാര്‍ബര്‍ ഷോപ്പ് ഉടമ …

യുകെയില്‍ ജോലിക്ക് പോകാന്‍ വിമാനത്താവളത്തിലെത്തിയ യുവതി കുഴഞ്ഞുവീണു മരിച്ചു; വില്ലനായത് ‘അരളിപ്പൂവാണോ?’

ആലപ്പുഴ: യുകെയില്‍ ജോലിക്ക് പോകാന്‍ വിമാനത്താവളത്തിലെത്തിയപ്പോള്‍ കുഴഞ്ഞുവീണ യുവതി ചികിത്സയിലിരിക്കെ മരിച്ചു. പള്ളിപ്പാട് നീണ്ടൂര്‍ കൊണ്ടൂരേത്ത് സുരേന്ദ്രന്റെ മകള്‍ സൂര്യ സുരേന്ദ്രനാ (24)ണ് മരിച്ചത്. മരണത്തില്‍ വില്ലനായത് അരളിപ്പൂവ് കടിച്ചതാണെന്ന് വ്യാപകമായി പ്രചരിക്കുകയാണ്. ഒരു സ്ത്രീയുടെ ഓഡിയോ സന്ദേശവും വൈറലാണ്. അതേസമയം പൂവിന്റെ അലര്‍ജി കാരണമാണോ മരണമെന്ന് പോസ്റ്റ്‌മോര്‍ട്ടം റിപ്പോര്‍ട്ടിനും ഫോറന്‍സിക് പരിശോധനക്കും ശേഷമേ വ്യക്തമാകൂവെന്ന് ഡോക്ടര്‍മാര്‍ പറഞ്ഞു. തിങ്കളാഴ്ച രാവിലെ പരുമലയിലെ സ്വകാര്യ ആശുപത്രയിലായിരുന്നു ചികിത്സ. ഞായറാഴ്ച രാവിലെ 11.30-ന് ബന്ധുക്കള്‍ക്കൊപ്പം നെടുമ്പാശ്ശേരി വിമാനത്താവളത്തിലെത്തിയതായിരുന്നു സൂര്യ. …

സ്‌കൂട്ടി മറിഞ്ഞ് ഗുരുതരമായി പരിക്കേറ്റ ചികിത്സയിലായിരുന്ന ഗൃഹനാഥന്‍ മരിച്ചു

കാസര്‍കോട്: സ്‌കൂട്ടി മറിഞ്ഞ് ഗുരുതരമായി പരിക്കേറ്റ ചികിത്സയിലായിരുന്ന ഗൃഹനാഥന്‍ മരിച്ചു.ചെറുവത്തൂര്‍ പാല കുഴിപ്രാട്ട് സ്വദേശി കെ.ഗോവിന്ദന്‍(48) ആണ് മരിച്ചത്. കഴിഞ്ഞ ഏപ്രില്‍ രണ്ടാം തീയതി രാത്രി 10.30 മണിക്ക് ആനിക്കാടിയിലായി രുന്നു അപകടം. ഗോവിന്ദന്‍ ഓടിച്ച സ്‌കൂട്ടി നിയന്ത്രണം മറിയുകയായിരുന്നു. ഗുരുതരമായി പരിക്കേറ്റ മംഗളൂരുവിലെ സ്വകാര്യ ആശുപത്രിയില്‍ പ്രവേശിപ്പിച്ചിരുന്നു. ചികിത്സയ്ക്കിടെ കഴിഞ്ഞ ദിവസം പുലര്‍ച്ചേ മരിച്ചു. ചീമേനി പൊലീസ് മൃതദേഹം ഇന്‍ക്വസ്റ്റ് നടത്തി. കുഴിപ്രാട്ടെ കുഞ്ഞിക്കണ്ണന്റെയും കാര്‍ത്യായനിയുടെയും മകനാണ്. ഭാര്യ: ഷീമ. മക്കള്‍: അമൃത, അമേയ(ഇരുവരും വിദ്യാര്‍ത്ഥികള്‍). …

ഹെയർപിൻ വളവിൽ വെച്ച് നിയന്ത്രണം നഷ്ടപ്പെട്ടു; ബസ്സ് കൊക്കയിലേക്ക് മറിഞ്ഞു നാലുപേർ മരിച്ചു; 63 പേർക്ക് പരിക്ക്, അപകടം സേലത്ത്!

തമിഴ്നാട്ടിലെ സേലത്ത് നിയന്ത്രണം വിട്ട ബസ് കൊക്കയിലേക്ക് മറിഞ്ഞ് നാല് പേർ മരിച്ചു. 63 പേർക്ക് ഗുരുതര പരിക്ക്. സേലം ആണ്ടിപ്പട്ടി സ്വദേശിയായ എസ്. കാർത്തിക് (35), നാമക്കൽ തിരുച്ചൻകോട് സ്വദേശി സി. മുനീശ്വരൻ (11), സേലം കണ്ണൻകുറിച്ചി സ്വദേശി കെ. ഹരി റാം (57), കിച്ചിപാളയം സ്വദേശി ആർ. മധു (60) എന്നവരാണ് മരിച്ചത്.ചൊവ്വാഴ്ച വൈകുന്നേരം സേലത്തിന് സമീപം യെർക്കാടായിരുന്നു അപകടം. 69 യാത്രക്കാരുമായി യെർക്കാട് നിന്ന് സേലത്തേക്ക് പോവുകയായിരുന്ന സ്വകാര്യ ബസാണ് അപകടത്തിൽപ്പെട്ടത്.13-ാം ഹെയർപിൻ …

12 വർഷം മുമ്പ് കാണാതായ മൂക്കുത്തി ശ്വാസകോശത്തിൽ; ഒരു സെന്റീമീറ്റർ നീളമുള്ള ചങ്കിരി ശസ്ത്രക്രിയയിലൂടെ പുറത്തെടുത്തു

12 വ​ർ​ഷം​മു​മ്പ്​ കാ​ണാ​താ​യ മൂ​ക്കു​ത്തി​യു​ടെ ഭാ​ഗം വീ​ട്ട​മ്മ​യു​ടെ ശ്വാ​സ​കോ​ശ​ത്തി​ൽ​നി​ന്ന്​ കണ്ടെത്തി. കൊ​ല്ലം ശാ​സ്താം​കോ​ട്ട സ്വ​ദേ​ശി​നി​യാ​യ 44കാ​രി​യു​ടെ ശ്വാ​സ​കോ​ശ​ത്തി​ൽ​നി​ന്നാ​ണ് മൂ​ക്കു​ത്തി​യു​ടെ ഒ​രു​സെ​ന്‍റീ​മീ​റ്റ​ർ നീ​ള​മു​ള്ള ച​ങ്കി​രി പു​റ​ത്തെ​ടു​ത്ത​ത്. കൊ​ച്ചി അ​മൃ​ത ആ​ശു​പ​ത്രി​യി​ലാ​ണ്​ ശ​സ്​​ത്ര​ക്രി​യ ന​ട​ത്തി​യ​ത്.12 വ​ർ​ഷം മു​മ്പാ​ണ് വീ​ട്ട​മ്മ​ക്ക്​ മൂ​ക്കു​ത്തി​യു​ടെ ച​ങ്കി​രി ന​ഷ്ട​മാ​യ​ത്. മൂ​ക്കു​ത്തി​യു​ടെ പ്ര​ധാ​ന​ഭാ​ഗം വീ​ട്ടി​ൽ​നി​ന്ന് കി​ട്ടി​യെ​ങ്കി​ലും പി​റ​കി​ലെ പി​രി കി​ട്ടി​യിരുന്നില്ല. ശ്വാസതടസ്സവും മറ്റു ബുദ്ധിമുട്ടുകളും നേരിട്ടതിനെ തുടർന്ന് അവർ ആസ്ത്‌മയ്ക്ക് ചികിത്സ തേടുകയും ചെയ്തിരുന്നു. അസ്വസ്ഥതയെ തുടർന്ന്ക​ഴി​ഞ്ഞ​യാ​ഴ്ച കൊ​ല്ല​ത്തെ സ്വ​കാ​ര്യ ആ​ശു​പ​ത്രി​യി​ൽ നടത്തിയ സ്കാനിംഗിൽ ആണ് മൂക്കുത്തി …

ഫ്ലാറ്റിലെ സ്വിമ്മിംഗ് പൂളിൽ കുളിക്കുന്നതിനിടെ അഞ്ചു വയസ്സുകാരി മുങ്ങി മരിച്ചു

ആലുവയിലെ ഫ്ലാറ്റിൽ സ്വിമ്മിങ്ങ് പൂളിൽ കളിക്കുന്നതിനിടെ അഞ്ചുവയസ്സുകാരി മുങ്ങിമരിച്ചു. പഴഞ്ഞി വെസ്റ്റ് മങ്ങാട് അയ്യംകുളങ്ങര വീട്ടിൽ ഷെബിന്റെയും ലിജിയുടെയും മകൾ ജനിഫർ (അഞ്ച്) ആണ് മരിച്ചത്. ഫ്ലാറ്റിലുള്ള സ്വിമ്മിങ് പൂളിൽ മറ്റു കുട്ടികൾക്കൊപ്പം കളിക്കുന്നതിനിടെയാണ് അപകടം. സമീപത്തുണ്ടായിരുന്നവർ കുട്ടിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.കുന്നംകുളം ഡിസൈപ്പിൾസ് ടാബർനാക്കിൾ ചർച്ച് സഭാംഗമാണ് ഷെബിൻ. പഴഞ്ഞിയിൽ ബുധനാഴ്ച തുടങ്ങുന്ന ഗുഡ്‌ന്യൂസ് ഫെസ്റ്റിൽ പങ്കെടുക്കാൻ വീട്ടുകാർക്കൊപ്പം നാട്ടിലേക്ക് മടങ്ങാനിരിക്കെയാണ് അപകടം. മൃതദേഹം ബുധനാഴ്ച പത്തിന് പഴഞ്ഞിയിലേക്ക് കൊണ്ട് വരും. സംസ്കാരം കുന്നംകുളം …

ടി20 ലോകകപ്പിനുള്ള ഇന്ത്യന്‍ ടീമിനെ പ്രഖ്യാപിച്ചു; മലയാളി താരം സഞ്ജു സാംസണ്‍ ടീമില്‍

മുംബൈ: ടി20 ലോകകപ്പിനുള്ള ഇന്ത്യന്‍ ടീമിനെ പ്രഖ്യാപിച്ചു. രോഹിത് ശര്‍മ്മ നയിക്കുന്ന ടീമില്‍ ഹാര്‍ദ്ദിക് പാണ്ഡ്യയാണ് വൈസ് ക്യാപ്റ്റന്‍. മലയാളി താരം സഞ്ജു സാംസണ്‍ സ്‌ക്വാഡില്‍ ഇടം പിടിച്ചു. സഞ്ജുവും റിഷഭ് പന്തുമാണ് വിക്കറ്റ് കീപ്പര്‍. എക്‌സ് പ്ലാറ്റ്‌ഫോമിലാണ് ബിസിസിഐ ടീമിനെ പ്രഖ്യാപിച്ചത്. ജൂണ്‍ രണ്ടിനാണ് ട്വന്റി20 ലോകകപ്പ് മത്സരങ്ങള്‍ ആരംഭിക്കുന്നത്. ജൂണ്‍ അഞ്ചിന് അയര്‍ലന്‍ഡിനെതിരെയാണ് ഇന്ത്യയുടെ ആദ്യ മത്സരം. ഐപിഎല്ലില്‍ പുറത്തെടുത്ത മിന്നുന്ന പ്രകടനാണ് സഞ്ജുവിന് ലോകകപ്പ് ടീമില്‍ ഇടം നേടികൊടുത്തത്. ടി20 ലോകകപ്പ് കളിക്കുന്ന …

എസ്എസ്എല്‍സി പരീക്ഷാഫലം മെയ് എട്ടിന്; പ്ലസ് ടു മെയ് 9 ന്

തിരുവനന്തപുരം: എസ്എസ്എല്‍സി പരീക്ഷാഫലം മെയ് എട്ടിന് പ്രഖ്യാപിക്കും. ഹയര്‍സെക്കന്‍ഡറി, വൊക്കേഷണല്‍ ഹയര്‍സെക്കന്‍ഡറി ഫലം മെയ് 9 ന് പ്രഖ്യാപിക്കും. കഴിഞ്ഞ വര്‍ഷം മേയ് 19നാണ് ഫലപ്രഖ്യാപനം നടത്തിയത്. ഇത്തവണ പതിനൊന്ന് ദിവസം മുമ്പ് തന്നെ ഫലപ്രഖ്യാപനം നടത്തുകയാണെന്ന് വിദ്യാഭ്യാസ മന്ത്രി വി ശിവന്‍കുട്ടി പറഞ്ഞു. വൈകിട്ട് മൂന്ന് മണിക്കാണ് രണ്ട് പരീക്ഷകളുടെയും ഫലപ്രഖ്യാപനം നടത്തുക. ഇക്കൊല്ലം എസ്എസ്എല്‍സി പരീക്ഷ എഴുതിയത് 4,27,105 വിദ്യാര്‍ഥികളാണ്. 2,17,525 ആണ്‍കുട്ടികളും 2,09,580 പെണ്‍കുട്ടികളുമാണ് പരീക്ഷയെഴുതിയത്. 70 ക്യാമ്പുകളിലായി 14 ദിവസം കൊണ്ട് …

കടുത്ത വേനല്‍; കാസര്‍കോട് ജില്ലയില്‍ തൊഴില്‍ സമയം ക്രമീകരിച്ചു

കാസര്‍കോട്: കേരളത്തില്‍ കടുത്ത വേനല്‍ക്കാല സാഹചര്യം തുടരുന്നതിനാലും ഉഷ്ണതരംഗ സാധ്യതയുള്ളതിനാലും ജില്ലയില്‍ വെയിലത്ത് ജോലിചെയ്യുന്ന തൊഴിലാളികളുടെ തൊഴില്‍ സമയം ക്രമീകരിച്ചു കൊണ്ടുള്ള ലേബര്‍ കമ്മീഷണറുടെ ഉത്തരവിന്റെ കാലാവധി ദീര്‍ഘിപ്പിച്ചു. പകല്‍ ഷിഫ്റ്റില്‍ ജോലി ചെയ്യുന്നവര്‍ക്ക് ഉച്ചയ്ക്ക് 12 മുതല്‍ വൈകീട്ട് മൂന്ന് വരെ വിശ്രമ വേളയായിരിക്കും. ഇവരുടെ ജോലി സമയം രാവിലെ ഏഴ് മണി മുതല്‍ വൈകുന്നേരം ഏഴ്വരെയുള്ള സമയത്തിനുള്ളില്‍ എട്ടു മണിക്കൂറായി നിജപ്പെടുത്തി. ഷിഫ്റ്റ് വ്യവസ്ഥയില്‍ ജോലിചെയ്യുന്ന തൊഴിലാളികള്‍ക്ക് രാവിലത്തെ ഷിഫ്റ്റ് ഉച്ചയ്ക്ക് 12ന് അവസാനിക്കും. …

കണ്ണൂര്‍, കാസര്‍കോട് ഒഴികെ മറ്റുള്ള ജില്ലകളില്‍ നേരിയ മഴ; കൂടുതല്‍ ജില്ലകളില്‍ ഉഷ്ണതരംഗ മുന്നറിയിപ്പ്

കേരളത്തില്‍ പല ജില്ലകളിലും ഉഷ്ണതരംഗ മുന്നറിയിപ്പുണ്ടെങ്കിലും അതിനിടെ നേരിയ ആശ്വാസമായി ഇന്ന് മഴ പെയ്യുമെന്ന് കേന്ദ്ര കാലാവസ്ഥാ വകുപ്പിന്റെ അറിയിപ്പ്. നേരിയ മഴ സാധ്യതയാണ് കാലാവസ്ഥാ വകുപ്പ് പ്രവചിച്ചിരിക്കുന്നത്. മെയ് ഒന്നിന് 12 ജില്ലകളിലും മഴ പെയ്യുമെന്നാണ് പ്രവചനം. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് മഴ സാധ്യതയുള്ളത്. മെയ് 2ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, പാലക്കാട്, മലപ്പുറം, വയനാട് …

ഹൊസങ്കടി റെയില്‍വേ ഗേറ്റ് അറ്റുകുറ്റപ്പണികള്‍ക്കായി അടച്ചിട്ടു

കാസര്‍കോട്: ഹൊസങ്കടി റെയില്‍വേ ഗേറ്റ് അറ്റുകുറ്റപ്പണികള്‍ക്കായി ഒരാഴ്ചക്കാലം അടച്ചിട്ടു. ഇന്റര്‍ലേക്ക് അടക്കമുള്ള സംവിധാനം ഒരുക്കാനായാണ് അടുത്തമാസം അഞ്ചുവരെ അടച്ചിട്ടിരിക്കുന്നത്. മഞ്ചേശ്വരം പൊലീസ്റ്റേഷന്‍, ബ്ലോക്ക് പഞ്ചായത്ത്,സബ്ട്രഷറി, പഞ്ചായത്ത് ഓഫിസ്, ഗവ.സിഎച്ച്‌സി ആശുപത്രി, റജിസ്റ്റര്‍ ഓഫിസ്, സ്‌കൂളുകള്‍, വില്ലേജ് ഓഫിസ് അടക്കമുള്ള സ്ഥാപനങ്ങളിലേക്കുള്ള പോകണമെങ്കില്‍ ഇനി പത്താംമൈല്‍ അണ്ടര്‍ പാസേജ് വഴി ചുറ്റി സഞ്ചരിക്കണം. ഏപ്രില്‍ 29 മുതല്‍ അടച്ചിടുന്ന കാര്യം റെയില്‍വേ നേരത്തെ തന്നെ അറിയിപ്പു നല്‍കിയിരുന്നു.

വിവാഹച്ചടങ്ങിനിടെ പെണ്‍കുട്ടിയെ ലൈംഗികമായി പീഡിപ്പിക്കാന്‍ ശ്രമിച്ചു; രണ്ടു മധ്യവയസ്‌കര്‍ പിടിയില്‍

വിവാഹച്ചടങ്ങിനിടെ പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിക്കാന്‍ശ്രമിച്ച രണ്ട് മധ്യവയസ്‌ക്കരെ പോക്സോ നിയമപ്രകാരം ഉള്ളാള്‍ പൊലീസ് അറസ്റ്റ് ചെയ്തു. കുമ്പള കുജുമ ഗദ്ദേ സ്വദേശി രത്നാകര്‍, കപിക്കാട് സ്വദേശി ഗംഗാധര്‍ എന്നിവരാണ് അറസ്റ്റിലായത്. ഞായറാഴ്ച കോല്യ ക്ഷേത്രത്തിലെ ഹാളില്‍ ഒരു വിവാഹ ചടങ്ങില്‍ പങ്കെടുക്കാന്‍ പെണ്‍കുട്ടി എത്തിയപ്പോഴായിരുന്നു സംഭവം.വിവാഹ മണ്ഡപത്തിലേക്ക് പോകുകയായിരുന്ന കുട്ടിയെ പ്രതികള്‍ ലൈംഗികമായി ഉപദ്രവിക്കുകയായിരുന്നു.പെണ്‍കുട്ടിയുടെ പരാതിയില്‍ ഉള്ളാള്‍ പൊലീസ് നടത്തിയ അന്വേഷണത്തിലാണ് പ്രതികള്‍ പിടിയിലായത്.

വൈദ്യുതി ഉപഭോഗം സര്‍വകാല റെക്കോര്‍ഡില്‍; 700ല്‍ അധികം ട്രാന്‍സ്ഫോമറുകള്‍ക്ക് തകരാറ് സംഭവിച്ചു; പവര്‍ക്കട്ട് വേണ്ടിവരുമെന്ന് കെഎസ്ഇബി

തിരുവനന്തപുരം: സംസ്ഥാനത്ത് വൈദ്യുതി ഉപഭോഗം സര്‍വകാല റെക്കോര്‍ഡില്‍. 11.31 കോടി യൂണിറ്റിന്റെ ഉപയോഗമാണു ഇന്നലെയുണ്ടായത്. പീക്ക് സമയ ആവശ്യകതയും റെക്കോര്‍ഡിലാണ്. വൈദ്യുതി ഉപയോഗം കൂടുന്ന സാഹചര്യത്തില്‍ പവര്‍ക്കട്ട് വേണമെന്നാണ് കെഎസ്ഇബിയുടെ ആവശ്യം.സര്‍ക്കാരിനോട് വീണ്ടും ലോഡ് ഷെഡിങ് വേണമെന്ന ആവശ്യം ഉന്നയിച്ചിട്ടുണ്ടെന്നാണ് വിവരം. എന്നാല്‍ ലോഡ് ഷെഡിങിന്റെ കാര്യത്തില്‍ തീരുമാനമായിട്ടില്ലെന്ന് മന്ത്രി കെ കൃഷ്ണന്‍കുട്ടി പറഞ്ഞു. മെയ് രണ്ടിന് യോഗം വിളിച്ചിട്ടുണ്ട്. ഇതിന് ശേഷം ബോര്‍ഡിന്റെ തീരുമാനം കൂടി അറിഞ്ഞ ശേഷമാകും തീരുമാനം. ഓവര്‍ലോഡ് കാരണമാണ് പലയിടത്തും അപ്രഖ്യാപിത …