മഴ: ഇന്നും മൂന്നു ജില്ലകളില് റെഡ് അലര്ട്ട്; കൊടുങ്കാറ്റിനു സാധ്യത
തിരുവനന്തപുരം: കോട്ടയം, പത്തനംതിട്ട, ഇടുക്കി ജില്ലകളില് ഇന്നും കാലാവസ്ഥാ നിരീക്ഷണ കേന്ദ്രം റെഡ് അലര്ട്ട് പ്രഖ്യാപിച്ചു. പത്തനംതിട്ടയില് ബുധനാഴ്ചയും റെഡ് അലര്ട്ട് മുന്നറിയിപ്പു നല്കിയിട്ടുണ്ട്. വ്യാഴാഴ്ച വരെ ഒറ്റപ്പെട്ട സ്ഥലങ്ങളില് അതിതീവ്ര മഴയുണ്ടായേക്കും. തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂര് ജില്ലകളില് ഇന്ന് ഓറഞ്ച് അലര്ട്ട് ഏര്പ്പെടുത്തിയിട്ടുണ്ട്. മറ്റു ജില്ലകളില് യെല്ലോ അലര്ട്ട് പ്രഖ്യാപിച്ചു. കേരള- കര്ണ്ണാടക- ലക്ഷദ്വീപ് മേഖലകളില് ചില അവസരങ്ങളില് കാറ്റിന്റെ വേഗത മണിക്കൂറില് 55 കിലോ മീറ്റര് വരെ ആകാന് സാധ്യതയുണ്ടെന്നു മുന്നറിയിച്ചു.
