റോഡരികിൽ സ്കൂട്ടർ നിർത്തിയിടുമ്പോൾ പിന്നാലെ വന്ന കണ്ടെയ്നർ ലോറിയിടിച്ച് നഴ്സിംഗ് വിദ്യാർഥിക്ക് ദാരുണാന്ത്യം
മംഗളൂരു: റോഡ് അരികിൽ സ്കൂട്ടർ നിർത്തിയിടുമ്പോൾ പിന്നാലെ വന്ന കണ്ടെയ്നർ ലോറി ഇടിച്ച് വിദ്യാർത്ഥി മരിച്ചു. മൊദൻകാപു സ്വദേശി മെൽറോയ് ഷോൺ ഡിസൂസ (24) ആണ് മരിച്ചത്. വ്യാഴാഴ്ച വൈകിട്ട് മംഗളൂരു ബൽമട്ടയിൽ ആണ് അപകടം. ഗുരുതരമായി പരിക്കേറ്റ വിദ്യാർത്ഥിയെ ആശുപത്രിയിൽ എത്തിച്ചുവെങ്കിലും മരിച്ചു. മംഗളൂരുവിലെ സ്വകാര്യ നഴ്സിംഗ് കോളേജിലെ മൂന്നാം വർഷ ജിഎൻഎം വിദ്യാർത്ഥിയായിരുന്നു.കദ്രി ട്രാഫിക് പൊലീസ് കേസ് രജിസ്റ്റർ ചെയ്തു. മൃതദേഹം വെൻലോക് ആശുപത്രി മോർച്ചറിയിലേക്ക് മാറ്റി.
