പയ്യന്നൂർ :സി.പി.എം ബ്രാഞ്ച് സെക്രട്ടറിയെ ബൈക്കിലെത്തി വെട്ടിക്കൊല്ലാന്‍ ശ്രമിച്ച കേസിൽ മൂന്ന് എന്‍.ഡി.എഫ് പ്രവര്‍ത്തകര്‍ കുറ്റക്കാരാണെന്ന് തളിപ്പറമ്പ് അഡീ. സെഷന്‍സ് കോടതി ജഡ്ജി കെ.എന്‍ പ്രശാന്ത് കണ്ടെത്തി.രാമന്തളി വടക്കുമ്പാട് സ്വദേശികളായ ടി. ഹനന്‍, മുഹമ്മദ് അബ്ദുള്ള, എം.പി ഫൈസല്‍ എന്നിവരെയാണ് ശിക്ഷാര്‍ഹരാണെന്ന് കണ്ടെത്തിയത്. സി.പി.എം വടക്കുമ്പാട് ബ്രാഞ്ച് സെക്രട്ടറിയും സഹകരണ ബാങ്ക് ജീവനക്കാരനുമായ കെ.വിജയനെ വെട്ടിക്കൊല്ലാന്‍ ശ്രമിച്ച കേസിലെ പ്രതികളെയാണ് കുറ്റക്കാരാണെന്ന് കണ്ടെത്തിയത്. ശിക്ഷ നാളെ പ്രസ്താവിക്കും.2015 സപ്തംബര്‍ 17നാണ് കേസിനാസ്പദമായ സംഭവം. സ്ഥലത്ത് ഓണാഘോഷം കഴിഞ്ഞ് …

Read more “സി പി എം ബ്രാഞ്ച് സെക്രട്ടറിയെ വെട്ടിക്കൊല്ലാൻ ശ്രമം; 3എൻ ഡി എഫ് പ്രവർത്തകർ കുറ്റക്കാർ”

കാസര്‍കോട്: രാജപുരം പൊലീസ് സ്റ്റേഷന്‍ പരിധിയിലെ പാണത്തൂര്‍, ചാമുണ്ഡിക്കുന്നില്‍ അജ്ഞാത മൃതദേഹം അഴുകിയ നിലയില്‍ കണ്ടെത്തി. റിസര്‍വ്വ് ഫോറസ്റ്റില്‍ കൂണ്‍ ശേഖരിക്കാന്‍ പോയവരാണ് മൃതദേഹം ആദ്യം കണ്ടത്. ദിവസങ്ങളുടെ പഴക്കമുള്ളതായി സംശയിക്കുന്നു. തലയും ഉടലും വേര്‍പെട്ട നിലയിലാണ് മൃതദേഹം കാണപ്പെട്ടത്.പുരുഷന്റെ മൃതദേഹമാണെന്നാണ് പ്രാഥമിക സംശയം. തൂങ്ങി മരിച്ചതാണോയെന്നു സംശയിക്കുന്നു. അഴുകിയതിനെ തുടര്‍ന്ന് താഴേക്ക് വീണതാണെന്നും കരുതുന്നു. രാജപുരം പൊലീസ് സ്ഥലത്തെത്തി അന്വേഷണം തുടങ്ങി.