Author: WEB EDITOR

ന്യൂഡൽഹി: ഇസ്രയേലിലെ ബെൻ ഗുരിയോൺ വിമാനത്താവളത്തിനു നേരെ മിസൈൽ ആക്രമണം ഉണ്ടായതിനെ തുടർന്ന് എയർഇന്ത്യ വിമാനം വഴിതിരിച്ചു വിട്ടു. ടെൽ അവീവിലേക്കു പോകുകയായിരുന്ന എയർഇന്ത്യ വിമാനം അബുദാബിയിലേക്കു തിരിച്ചു വിടുകയായിരുന്നു. വിമാനം ടെൽഅവീവിൽ ലാൻഡ് ചെയ്യുന്നതിനു ഒരു മണിക്കൂർ മുൻപാണ് അക്രമണം നടന്നത്. ഈ സമയം വിമാനം ജോർദാൻ വ്യോമാതിർത്തിയിലായിരുന്നു. ആക്രമണ വിവരം അറിഞ്ഞതോടെ അബുദാബിയിലേക്ക് പോകുകയായിരുന്നു. ആക്രമണത്തിന്റെ പശ്ചാത്തലത്തിൽ ടെൽഅവീവിൽ നിന്ന് ഡൽഹിയിലേക്കുള്ള ഇന്നത്തെ സർവീസും എയർ ഇന്ത്യ റദ്ദാക്കി.യെമനിൽ നിന്ന് ഹൂതി വിമതർ തൊടുത്തുവിട്ട …

Read more “ലാൻഡ് ചെയ്യുന്നതിനു ഒരു മണിക്കൂർ മുൻപ് വിമാനത്താവളത്തിൽ മിസൈൽ ആക്രമണം: എയർ ഇന്ത്യ വിമാനം വഴിതിരിച്ചുവിട്ടു”

ന്യൂഡൽഹി: രാജ്യസഭയിലെ സിപിഎം കക്ഷി നേതാവായി ജോൺ ബ്രിട്ടാസിനെ തിരഞ്ഞെടുത്തു. ബംഗാളിൽ നിന്നുള്ള ബികാഷ് രഞ്ജൻ ഭട്ടാചാര്യയെ മാറ്റിയാണ് നിയമനം. നിലവിൽ ബ്രിട്ടാസ് ഉപനേതാവായിരുന്നു. നേരത്തേ സിപിഎം കേന്ദ്ര കമ്മിറ്റിയിലേക്കും ബ്രിട്ടാസിനെ തിരഞ്ഞെടുത്തിരുന്നു. മധുരയിൽ നടന്ന പാർട്ടി കോൺഗ്രസിലാണ് ബ്രിട്ടാസിനെ കേന്ദ്ര കമ്മിറ്റിയിലെ ക്ഷണിതാവാക്കിയത്.മികച്ച പാർലമെന്റേറിയനുള്ള പുരസ്കാരത്തിന് 2 തവണ അർഹനായി. വിദേശകാര്യ സ്റ്റാന്റിങ് കമ്മിറ്റി, പബ്ലിക് അണ്ടർടേക്കിങ് കമ്മിറ്റി, ഐടി വകുപ്പിന്റെ ഉപദേശക സമിതി എന്നിവയിൽ അംഗമാണ്.

ന്യൂഡൽഹി: ഇന്ത്യയുമായി യുദ്ധം ഉണ്ടായാൽ ഉടൻ രാജ്യം വിടാനാണ് പദ്ധതിയെന്ന് പാക് എംപിയുടെ വെളിപ്പെടുത്തൽ. ലക്കി മർവത്ത് മണ്ഡലത്തിൽ നിന്നുള്ള എംപിയായ ഷെർ അഫ്സൽ ഖാനാണ് ഇന്ത്യ ആക്രമിച്ചാൽ ഉടൻ ഇംഗ്ലണ്ടിലേക്കു കടക്കുമെന്ന് വ്യക്തമാക്കിയത്. ഇന്ത്യയുടെ ആക്രമണം ഉണ്ടായാൽ രാജ്യത്തിനായി യുദ്ധ മുഖത്തേക്ക് ഇറങ്ങുമോയെന്ന മാധ്യമപ്രവർത്തകരുടെ ചോദ്യത്തിനാണ് പ്രതികരണം.മുൻ പ്രധാനമന്ത്രി ഇമ്രാൻ ഖാന്റെ പാർട്ടിയായ തെഹ്രീക്കെ ഇൻസാഫിന്റെ എംപിയും ദേശീയ വക്താവുമാണ് ഷെർ അഫ്സൽ ഖാൻ. ഇമ്രാൻ ഖാന്റെ പ്രധാന അഭിഭാഷകൻ കൂടിയാണ്.എന്നാൽ പാക് സൈന്യത്തിലും പ്രതിരോധ …

Read more “ഇന്ത്യ അക്രമിച്ചാൽ രാജ്യം വിടുമെന്ന് പാക് എംപി: പാക് സൈന്യത്തെ പൗരന്മാർ വിശ്വസിക്കുന്നില്ലെന്നതിന്റെ തെളിവെന്ന് ബിജെപി”

കൊച്ചി: രണ്ടാം പിണറായി സർക്കാരിന്റെ നാലാം വാർഷികത്തോടനുബന്ധിച്ച് ഇടുക്കിൽ നടത്തുന്ന ആഘോഷ പരിപാടിയിൽ റാപ്പർ വേടന്റെ പരിപാടി വീണ്ടും ഉൾപ്പെടുത്തി. തിങ്കളാഴ്ച വൈകിട്ട് 7നാകും വേടന്റെ റാപ്പ് നടക്കുക. വേടൻ കഞ്ചാവ് കേസിൽ പ്രതിയായതോടെ ഒഴിവാക്കിയ പരിപാടി വീണ്ടും നടത്താൻ സർക്കാർ തീരുമാനിക്കുകയായിരുന്നു.ഇടുക്കി വാഴത്തോപ്പ് സംഘടിപ്പിച്ചിട്ടുള്ള എന്റെ കേരളം പ്രദർശന വിപണന മേളയിൽ 29നാണ് വേടന്റെ പരിപാടി നിശ്ചയിച്ചിരുന്നത്. എന്നാൽ 28ന് കൊച്ചിയിലെ ഫ്ലാറ്റിൽ കഞ്ചാവുമായി വേടനും സുഹൃത്തുക്കളും അറസ്റ്റിലായി. ഇതോടെ പരിപാടി ഒഴിവാക്കിയതായി അധികൃതർ അറിയിച്ചു. …

Read more “സർക്കാരിന്റെ വാർഷികാഘോഷ പരിപാടിയിൽ വേടൻ പാടും; അറസ്റ്റിനെ തുടർന്ന് റദ്ദാക്കിയ പരിപാടി വീണ്ടും നടത്തും”

ഹൈദരാബാദ്: സഹപ്രവർത്തകയുടെ മകനായ 17 വയസ്സുകാരനെ ലൈംഗികമായി പീഡിപ്പിച്ച യുവതിയെ പൊലീസ് അറസ്റ്റ് ചെയ്തു. ജൂബിലി ഹിൽസിലെ വീട്ടു ജോലിക്കാരിയായ 28 വയസ്സുകാരിയാണ് ഇതേ വീട്ടിലെ മറ്റൊരു ജോലിക്കാരിയുടെ മകനെ പീഡിപ്പിച്ചത്. പീഡനത്തിനിരയായ 17 വയസ്സുകാരന്റെ കുടുംബവും പ്രതിയും വീട്ടുജോലിക്കാർക്കുള്ള ക്വാർട്ടേഴ്സിലാണ് താമസിച്ചിരുന്നത്. പ്രതി 17 വയസ്സുകാരനെ ചുംബിക്കുന്നത് കണ്ട വീട്ടിലെ മാനേജർ ഇതു അമ്മയെ അറിയിച്ചിരുന്നു. എന്നാൽ കുട്ടിയെ സഹോദരനെപോലെയാണ് കാണുന്നതെന്നായിരുന്നു പ്രതിയുടെ മറുപടി.ഇതു സംബന്ധിച്ച ചോദ്യങ്ങളോടു കൃത്യമായി മറുപടി നൽകാതെ പൊട്ടി കരയുകയാണ് കുട്ടി …

Read more “പല തവണ മോശമായി പെരുമാറി ; സഹപ്രവർത്തകയുടെ മകനായ 17 വയസ്സുകാരനെ ലൈംഗികമായി പീഡിപ്പിച്ച യുവതി അറസ്റ്റിൽ”

ന്യൂഡൽഹി: ഇന്ത്യ-പാക് ബന്ധം സൈനിക സംഘർഷത്തിലേക്കു നീങ്ങുന്നതിനിടെ 2 ചാരന്മാരെ പഞ്ചാബ് പൊലീസ് അറസ്റ്റ് ചെയ്തു. പാലക് ഷേർ മസ്സി, സൂരജ് മസ്സി എന്നിവരാണ് പിടിയിലായത്. അമൃത്സറിലെ പട്ടാളത്താവളത്തിന്റെയും എയർബേസിന്റെയും നിർണായക വിവരങ്ങളും ഫോട്ടോകളും ഇവർ പാകിസ്താനു കൈമാറുകയായിരുന്നു. പാകിസ്താൻ രഹസ്യാന്വേഷണ ഏജൻസികളുമായി ഇവർക്ക് ബന്ധമുണ്ടെന്നും പൊലീസ് വ്യക്തമാക്കി. നിലവിൽ അമൃത്സർ ജയിലിൽ കഴിയുന്ന കൊടും കുറ്റവാളി ഹർപ്രീത് സിങ്ങാണ് ഇവർക്കു പാക് അധികൃതരെ പരിചയപ്പെടുത്തിയത്. ഇയാളെയും കേസിൽ പ്രതി ചേർത്തിട്ടുണ്ട്.കഴിഞ്ഞ ദിവസം രാജസ്ഥാനിലെ രാജ്യാന്തര അതിർത്തിയിലെ …

Read more “പട്ടാളത്താവളങ്ങളുടെ ഫോട്ടോകളും വിവരങ്ങളും പാകിസ്താന് ചോർത്തി; 2 ചാരന്മാർ അമൃത്സറിൽ അറസ്റ്റിൽ”

ഭോപ്പാൽ: അവധി കഴിഞ്ഞു മടങ്ങിയ മലയാളി സൈനികനെ ഭോപ്പാൽ റെയിൽവേ സ്റ്റേഷനിലെ ലോഡ്ജ് മുറിയിൽ മരിച്ച നിലയിൽ കണ്ടെത്തി. തിരുവനന്തപുരം നെടുമങ്ങാട് സ്വദേശി നിദർശ്(36) ആണ് മരിച്ചത്. ഭോപ്പാലിലെ ഇഎംഇ ബറ്റാലിയനിൽ അംഗമായിരുന്നു. വ്യാഴാഴ്ചയാണ് ലീവ് കഴിഞ്ഞു നാട്ടിൽ നിന്നു മടങ്ങിയത്. ആത്മഹത്യയാണെന്നാണ് പ്രാഥമിക നിഗമനം. വിവാഹിതനാണ്. അച്ഛൻ സുദർശനൻ, അമ്മ നിർമല. പൊലീസ് സ്ഥലത്തെത്തി തുടർ നടപടികൾ ആരംഭിച്ചു.