Author: WEB EDITOR

തിരുവനന്തപുരം: സംസ്ഥാന വ്യാപകമായി പെയ്ത കനത്ത മഴയിൽ ഇന്ന് 3 മരണം.പാലക്കാട് ഗായത്രിപ്പുഴയിൽ കാണാതായ വിദ്യാർഥിയുടെ മൃതദേഹം കണ്ടെത്തി. കാവശ്ശേരി എരകുളം സ്വദേശി പ്രണവ്(21) ആണ് മരിച്ചത്.മലപ്പുറം കരുവാരക്കുണ്ടിൽ വെള്ളച്ചാട്ടത്തിൽ ഒഴുക്കിൽപെട്ട് ഒരാൾ മരിച്ചു. തരിശ് സ്വദേശി റംഷാദാണ് മരിച്ചത്. കണ്ണൂരിൽ ഇടിമിന്നലേറ്റ് കള്ള് ചെത്ത് തൊഴിലാളി മരിച്ചു.ആറളം പന്ത്രണ്ടാം ബ്ലോക്കിലെ രാജീവനാണ് മരിച്ചത്. തിരുവനന്തപുരത്ത് വള്ളം മറിഞ്ഞ് മത്സ്യത്തൊഴിലാളിയെ കാണാതായി.നാളെയും മഴ തുടരും. എറണാകുളം, ഇടുക്കി തൃശൂർ, മലപ്പുറം, വയനാട് ജില്ലകളിൽ ഓറഞ്ച് അലർട്ട് പ്രഖ്യാപിച്ചു. …

Read more “മഴക്കെടുതിയിൽ ഇന്ന് 3 മരണം, നാളെ 4 ജില്ലകളിൽ വിദ്യാഭ്യാസ സ്ഥാപനങ്ങൾക്ക് അവധി”

കോട്ടയം: വൈദ്യുതി കുടിശിക അടയ്ക്കാത്തതോടെ തലയോലപറമ്പ് ജൂനിയർ പബ്ലിക് ഹെൽത്ത് നഴ്സിങ് സെന്ററിന്റെ വൈദ്യുതി വിഛേദിച്ച് കെഎസ്ഇബി. ഇതോടെ സെന്ററും സമീപത്തെ ഹോസ്റ്റലും പൂട്ടി അധികൃതർ വിദ്യാർഥികളെ വീട്ടിലേക്ക് പറഞ്ഞയച്ചു.68,000ത്തോളം രൂപ കുടിശിക വന്നതോടെയാണ് കെഎസ്ഇബി, സെന്ററിലെ ഫ്യൂസ് ഊരിയത്. ഫണ്ട് ലഭിക്കാത്തതാണ് കുടിശികയ്ക്കു കാരണമെന്നാണ് സെന്റർ അധികൃതർ നൽകുന്ന വിശദീകരണം. സെന്റർ പൂട്ടിയത് അമ്പതോളം വിദ്യാർഥികളുടെ പഠനത്തെ ബാധിച്ചു. അധികൃതരുടെ നടപടിക്കെതിരെ വിദ്യാർഥികളും രക്ഷിതാക്കളും പരാതിയുമായി രംഗത്തെത്തി.

തിരുവനന്തപുരം: കേരള സർവകലാശാല സെനറ്റ് ഹാളിൽ ഗവർണർ പങ്കെടുത്ത പരിപാടിയിൽ കാവിക്കൊടിയേന്തിയ ഭാരതാംബ ചിത്രം വച്ചതിനെ ചൊല്ലി പ്രതിഷേധം. എസ്എഫ്ഐയും കെ.എസ്.യുവും ഉയർത്തിയ പ്രതിഷേധത്തിനിടെ ഗവർണർ രാജേന്ദ്ര ആർലേക്കർ പരിപാടിയിൽ പങ്കെടുത്തു. ശ്രീ പത്മനാഭ സേവാസമിതി സംഘടിപ്പിച്ച അടിയന്തരാവസ്ഥയുടെ അൻപതാണ്ടുകൾ എന്ന പരിപാടിയിലാണ് ഭാരതാംബ ചിത്രം പ്രത്യക്ഷപ്പെട്ടത്. സർവകലാശാല ചട്ടങ്ങൾ ലംഘിക്കുന്നതായി ചിത്രം എടുത്തുമാറ്റണമെന്ന് രജിസ്ട്രാർ കെ.എസ്. അനിൽകുമാർ നിലപാട് സ്വീകരിച്ചു. എന്നാൽ പരിപാടി ഉപേക്ഷിച്ചാലും ചിത്രം ഒരു കാരണവശാലും റദ്ദാക്കില്ലെന്ന് സംഘാടകരും വ്യക്തമാക്കി. ഇതിനിടെയാണ് എസ്എഫ്ഐ, …

Read more “ഭാരതാംബ ചിത്ര വിവാദത്തിൽ വീണ്ടും സംഘർഷം, ഗവർണർ പങ്കെടുത്ത സെനറ്റ് ഹാളിലെ പരിപാടിയിൽ പ്രതിഷേധവുമായി എസ്എഫ്ഐയും കെ.എസ്.യുവും”

തൃശൂർ: വിശ്വാസിയായ സ്ത്രീയെ ലൈംഗികമായി പീഡിപ്പിച്ച അറബി ജ്യോതിഷിയെ പൊലീസ് അറസ്റ്റ് ചെയ്തു. ഒറ്റപ്പാലം സ്വദേശിയായ യൂസഫലി(45) ആണ് പിടിയിലായത്. കുടുംബ പ്രശ്നങ്ങളും കഷ്ടതകളും അറബി ജ്യോതിഷം വഴി മാറ്റുന്നതിനായി യൂസഫലിയെ കാണാൻ ചെല്ലാറുള്ള സ്ത്രീയാണ് പീഡനത്തിനു ഇരയായത്. പ്രശ്ന പരിഹാരം സാധ്യമാകുമെന്ന് വിശ്വസിപ്പിച്ച് ജ്യോതിഷ കേന്ദ്രത്തിലേക്കു വിളിച്ചു വരുത്തി പീഡിപ്പിക്കുകയായിരുന്നു. 2024ൽ സമാനമായി നെഗറ്റീവ് എനർജി ഒഴിപ്പിക്കാമെന്നു വിശ്വസിപ്പിച്ചു ഒരു സ്ത്രീയെ പീഡിപ്പിക്കുകയും പുറത്ത് പറഞ്ഞാൽ കൊല്ലുമെന്ന് ഭീഷണിപ്പെടുത്തുകയും ചെയ്ത കേസിലും ഇയാൾ പ്രതിയാണ്.

പത്തനംതിട്ട: യൂണിഫോമിന് പിന്നിൽ പേന കൊണ്ട് കുത്തിവരച്ചത് ചോദ്യം ചെയ്ത പ്ലസ്ടു വിദ്യാർഥിക്ക് സഹപാഠികളുടെ ക്രൂര മർദനം. എഴുമറ്റൂർ ഗവൺമെന്റ് ഹയർ സെക്കണ്ടറി സ്കൂളിലെ വിദ്യാർഥി അഭിനവ് ബി. പിള്ളയ്ക്കാണ്(17) മർദനമേറ്റത്. തലയ്ക്ക് പിന്നിലും മുഖത്തിനും കണ്ണിനും പരുക്കേറ്റ അഭിനവ് മല്ലപ്പള്ളി താലൂക്ക് ആശുപത്രിയിൽ ചികിത്സ തേടി.ബ്ലെസൻ എന്ന വിദ്യാർഥിയുടെ നേതൃത്വത്തിലുള്ള അഞ്ചംഗ സംഘമാണ് ആക്രമണത്തിനു പിന്നിലെന്നാണ് ആരോപണം. ഇന്ന് വൈകിട്ട് 3നാണ് സംഭവം. അഭിനവും മർദിച്ച വിദ്യാർഥികളും ഇംഗ്ലിഷ് ക്ലാസിൽ ഒരുമിച്ചാണ് പഠനം. ക്ലാസിനിടെ അഭിനവിന്റെ …

Read more “യൂണിഫോമിന് പിന്നിൽ പേന കൊണ്ട് കുത്തിവരച്ചത് ചോദ്യം ചെയ്തു : പ്ലസ്ടു വിദ്യാർഥിക്ക് സഹപാഠികളുടെ ക്രൂര മർദനം, ഗുരുതര പരുക്ക്”

തിരുവനന്തപുരം: സംസ്ഥാനത്ത് കാലവർഷമെത്തി ഒരു മാസം പിന്നിടുമ്പോൾ 53 % അധിക മഴ ലഭിച്ചതായി കാലാവസ്ഥ വകുപ്പ്. കണ്ണൂർ ജില്ലയിലാണ് കൂടുതൽ മഴ ലഭിച്ചത്. 1432 മില്ലി മീറ്റർ. കാസർകോട്, കോഴിക്കോട് ജില്ലകളും കനത്ത മഴ പെയ്തു. ഒരു മാസത്തിനിടെ 17 ദിവസവും ശരാശരിയിൽ കൂടുതൽ മഴ ലഭിച്ചു. കാലവർഷം കേരളത്തിലെത്തിയ മേയ് 24 മുതൽ 31 വരെ പെയ്തത് 440% അധിക മഴയാണ്. ഇക്കാലയളവിൽ മണിക്കൂറിൽ 50 മുതൽ 70 കിലോമീറ്റർ വരെ വേഗതയിൽ കാറ്റടിച്ചു. …

Read more “ഇത്തവണ കാലവർഷം കനത്തു, ഒരു മാസത്തിനിടെ പെയ്തത് 53% അധിക മഴ, കൂടുതൽ മഴ കണ്ണൂരിൽ”

തിരുവനന്തപുരം: സംസ്ഥാനത്ത് അടുത്ത 5 ദിവസം ഒറ്റപ്പെട്ട കനത്ത മഴ തുടരാൻ സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഇന്നും നാളെയും യെല്ലോ അലർട്ട് പ്രഖ്യാപിച്ചു. നാളെ മുതൽ മധ്യകേരളത്തിലേക്കും മഴ വ്യാപിക്കാനാണ് സാധ്യത. കാസർകോട്ടെ കുഞ്ചത്തൂർ മുതൽ കോട്ടക്കുന്ന് വരെ തീരമേഖലയിൽ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു. തീരദേശവാസികളും മത്സ്യത്തൊഴിലാളികളും ജാഗ്രത പാലിക്കണം. എന്നാൽ കേരള, കർണാടക, …

Read more “സംസ്ഥാനത്ത് അടുത്ത 5 ദിവസം ഒറ്റപ്പെട്ട കനത്ത മഴ തുടരും; കാസർകോട് ഇന്നും നാളെയും യെലോ അലർട്ട്, കടലാക്രമണത്തിനും സാധ്യത”

ആലപ്പുഴ: ബെംഗളൂരുവിൽ നിന്ന് എംഡിഎംഎയുമായി നാട്ടിലെത്തിയ 2 യുവാക്കളെ പൊലീസ് അറസ്റ്റ് ചെയ്തു. കായംകുളി സ്വദേശികളായ അഖിൽ അജയൻ (27), പ്രശാന്ത് (29) എന്നിവരാണ് പിടിയിലായത്. ഇവരിൽ നിന്ന് 29 ഗ്രാം എംഡിഎംഎ പിടിച്ചെടുത്തു.ബെംഗളൂരുവിൽ നിന്ന് മധുര, തെങ്കാശി, പുനലൂർ വഴിയാണ് ഇവർ ആലപ്പുഴയിലെ ചാരുംമൂട്ടിലെത്തിയത്. ഇവിടെ നിന്ന് കായംകുളത്തു പോകാൻ കെഎസ്ആർടിസി ബസിൽ കയറി. രഹസ്യ വിവരത്തിന്റെ അടിസ്ഥാനത്തിൽ പൊലീസ് ഇവിടെത്തി. പൊലീസിനെ കണ്ട പ്രതികൾ ബസിൽ നിന്ന് ഇറങ്ങി ഓടുകയായിരുന്നു. തുടർന്ന് ഉദ്യോഗസ്ഥർ ഇവരെ …

Read more “ബെംഗളൂരുവിൽ നിന്ന് എംഡിഎംഎയുമായി മധുര, തെങ്കാശി, പുനലൂർ വഴി ആലപ്പുഴയിൽ; 2 യുവാക്കൾ അറസ്റ്റിൽ”

പാലക്കാട്: ചാലിശേരിയിൽ പെൺസുഹൃത്തിനൊപ്പം ബൈക്കിൽ സഞ്ചരിച്ചതിനു യുവാവിനെ ക്രൂരമായി മർദിച്ച 2 പേരെ പൊലീസ് അറസ്റ്റ് ചെയ്തു. പാലക്കാട് ചാലിശേരി കപ്പൂരാണ് സംഭവം. വട്ടക്കുന്ന് കോളനിയിലെ കള്ളിത്തൊടി വീട്ടിൽ സംഗീത്(42), കിഴക്കേകാട്ടിൽ വീട്ടിൽ ശിവൻ (47) എന്നിവരാണ് പിടിയിലായത്. കഴിഞ്ഞ ദിവസം യുവതിയെ വട്ടേക്കുന്നിലെ വീട്ടിൽ കൊണ്ടുവന്നിറക്കിയതു കണ്ട പ്രതികൾ യുവാവിനെ ചോദ്യം ചെയ്തു. തുടർന്ന് ക്രൂരമായി മർദിച്ചു. ശരീരമാസകലം പരുക്കേറ്റ യുവാവ് ആശുപത്രിയിൽ ചികിത്സ തേടി. യുവാവിന്റെ വാരിയെല്ലിന് ക്ഷതമേറ്റെന്നാണ് വിവരം. ചാലിശേരി പൊലീസ് കേസെടുത്ത് …

Read more “വീണ്ടും സദാചാര ഗുണ്ടായിസം; പെൺസുഹൃത്തിനൊപ്പം ബൈക്കിൽ സഞ്ചരിച്ചതിനു യുവാവിനു ക്രൂര മർദനം, 2 പേർ അറസ്റ്റിൽ”

തിരുവനന്തപുരം : സംസ്ഥാന സെക്രട്ടറിക്കു നേരെയുണ്ടായ ഗുണ്ടാ ആക്രമണത്തിൽ പ്രതിഷേധിച്ച് എബിവിപി നാളെ സംസ്ഥാന വ്യാപകമായി വിദ്യാഭ്യാസ ബന്ദിന് ആഹ്വാനം ചെയ്തു.സംസ്ഥാന സർക്കാർ പിഎം ശ്രീ പദ്ധതിയിൽ ഒപ്പുവയ്ക്കണമെന്ന് ആവശ്യപ്പെട്ട് എബിവിപി നടത്തുന്ന സമരങ്ങൾക്കു നേരെ നടന്ന പൊലീസ് അതിക്രമങ്ങളിൽ പ്രതിഷേധിച്ചാണ് ബന്ദ് ആഹ്വാനം. എബിവിപിയുടെ സമരത്തെ ഗുണ്ടകളെ ഉപയോഗിച്ച് അടിച്ചമർത്താനാണ് വിദ്യാഭ്യാസ മന്ത്രി വി. ശിവൻകുട്ടി ശ്രമിക്കുന്നത്. ഇതിനു ഉദാഹരണമാണ് ഇന്നലെ രാത്രിയിൽ തിരുവനന്തപുരം തമ്പാനൂരിൽ സംസ്ഥാന സെക്രട്ടറിക്ക് നേരെ ഉണ്ടായ ആക്രമണം. 50 വോളം …

Read more “എബിവിപി സംസ്ഥാന വിദ്യാഭ്യാസ ബന്ദ് തിങ്കളാഴ്ച”