തൃശൂർ: വിശ്വാസിയായ സ്ത്രീയെ ലൈംഗികമായി പീഡിപ്പിച്ച അറബി ജ്യോതിഷിയെ പൊലീസ് അറസ്റ്റ് ചെയ്തു. ഒറ്റപ്പാലം സ്വദേശിയായ യൂസഫലി(45) ആണ് പിടിയിലായത്. കുടുംബ പ്രശ്നങ്ങളും കഷ്ടതകളും അറബി ജ്യോതിഷം വഴി മാറ്റുന്നതിനായി യൂസഫലിയെ കാണാൻ ചെല്ലാറുള്ള സ്ത്രീയാണ് പീഡനത്തിനു ഇരയായത്. പ്രശ്ന പരിഹാരം സാധ്യമാകുമെന്ന് വിശ്വസിപ്പിച്ച് ജ്യോതിഷ കേന്ദ്രത്തിലേക്കു വിളിച്ചു വരുത്തി പീഡിപ്പിക്കുകയായിരുന്നു. 2024ൽ സമാനമായി നെഗറ്റീവ് എനർജി ഒഴിപ്പിക്കാമെന്നു വിശ്വസിപ്പിച്ചു ഒരു സ്ത്രീയെ പീഡിപ്പിക്കുകയും പുറത്ത് പറഞ്ഞാൽ കൊല്ലുമെന്ന് ഭീഷണിപ്പെടുത്തുകയും ചെയ്ത കേസിലും ഇയാൾ പ്രതിയാണ്.