Sunday, 8 June 2025, 20:37 : Karaval Daily

വിട്ട് മാറാതെ ചുമ: 9 മാസം പ്രായമായ കുഞ്ഞിന്റെ ശ്വാസനാളത്തിൽ നിന്ന് എൽഇഡി ബൾബ് പുറത്തെടുത്തു, വില്ലനായത് കളിപ്പാട്ടം

by WEB EDITORNational Sunday, 8 June 2025, 20:37Monday, 9 June 2025, 9:42No Comments

അഹമ്മദാബാദ്: 9 മാസം പ്രായമായ കുഞ്ഞ് അബദ്ധത്തിൽ വിഴുങ്ങിയ എൽഇഡി ബൾബ് ശസ്ത്രക്രിയയിലൂടെ പുറത്തെടുത്തു. ഗുജറാത്തിലെ അഹമ്മദാബാദിലാണ് സംഭവം. രണ്ടാഴ്ചയായി മുഹമ്മദ് എന്നു പേരുള്ള കുട്ടിയുടെ ചുമ മാറാതെ വന്നതോടെയാണ് മാതാപിതാക്കൾ ശിശു രോഗ വിദഗ്ധനെ സമീപിച്ചത്. അദ്ദേഹം തുടർ ചികിത്സയ്ക്കായി കുഞ്ഞിനെ ആശുപത്രിയിൽ പ്രവേശിപ്പിക്കാൻ നിർദേശിച്ചു. ഇവിടെ നടത്തിയ പരിശോധനയിലാണ് കുഞ്ഞിന്റെ ശ്വാസനാളത്തിൽ എൽഇഡി ബൾബ് കണ്ടെത്തിയത്. തുടർന്ന് ബ്രോങ്കോസ്കോപ്പി നടത്തി ബൾബ് നീക്കം ചെയ്തു. കുട്ടി ആരോഗ്യവാനാണെന്നും ഉടൻ ആശുപത്രി വിടുമെന്നും അധികൃതർ അറിയിച്ചു. …

സംസ്ഥാനത്ത് കോവിഡ് കേസുകൾ രണ്ടായിരത്തിലേക്ക് അടുക്കുന്നു, 3 പേർ കൂടി മരിച്ചു

by WEB EDITORNational Sunday, 8 June 2025, 20:33Sunday, 8 June 2025, 20:33No Comments

ന്യൂഡൽഹി: സംസ്ഥാനത്ത് കോവിഡ് രോഗികളുടെ എണ്ണം രണ്ടായിരത്തോട് അടുക്കുന്നു. 144 പേർക്കു കൂടി കോവിഡ് സ്ഥിരീകരിച്ചതോടെ ആകെ കേസുകളുടെ എണ്ണം 1950 ആയി. കഴിഞ്ഞ 24 മണിക്കൂറിനിടെ 3 പേർ മരിച്ചു. രാജ്യത്തെ ആകെ കേസുകളുടെ 31 ശതമാനവും കേരളത്തിലാണ്.രാജ്യത്ത് 24 മണിക്കൂറിനിടെ 378 കേസുകൾ കൂടി റിപ്പോർട്ട് ചെയ്തതോടെ രോഗികളുടെ എണ്ണം 6133 ആയി ഉയർന്നു. കഴിഞ്ഞ 24 മണിക്കൂറിനിടെ 6 മരണങ്ങളും റിപ്പോർട്ട് ചെയ്തു. 5 സംസ്ഥാനങ്ങളിൽ അഞ്ഞൂറിലധികം കേസുകളുണ്ട്. രോഗവ്യാപനം ശക്തമാകുന്ന സാഹചര്യത്തിൽ …

വിവാഹ വാഗ്ദാനം നൽകി പീഡനവും പണം തട്ടലും; സോഷ്യൽ മീഡിയ ഇൻഫ്ലുവൻസർ അറസ്റ്റിൽ

by WEB EDITORState Sunday, 8 June 2025, 20:28Sunday, 8 June 2025, 20:28No Comments

തിരുവനന്തപുരം: വിവാഹ വാഗ്ദാനം നൽകി ഒട്ടേറെ പെൺകുട്ടികളെ പീഡിപ്പിച്ച സോഷ്യൽ മീഡിയ ഇൻഫ്ലുവൻസർ അറസ്റ്റിൽ. ഇൻസ്റ്റഗ്രാമിൽ ഒട്ടേറെ ഫോളോവേഴ്സുള്ള മോഡലിങ് കൊറിയോഗ്രഫറായ കോഴിക്കോട് സ്വദേശി ഷാഹിദിനെ (23) കഴക്കൂട്ടം പൊലീസാണ് പിടികൂടിയത്. ടെക്നോ പാർക്കിലെ ജീവനക്കാരിയുടെ പരാതിയിന്മേലാണ് അറസ്റ്റ്. ലൈംഗികമായി പിഡിപ്പിച്ച ശേഷം പണവും സ്വർണാഭരണങ്ങളും കവർന്നതായി പരാതിയിൽ പറയുന്നു. ഇയാൾ ഒട്ടേറെ സ്ത്രീകളെ സമാനമായി ചൂഷണം ചെയ്തിരുന്നതായി പൊലീസ് കണ്ടെത്തിയിട്ടുണ്ട്. ഇൻസ്റ്റഗ്രാമിലൂടെ പരിചയപ്പെടുന്ന പെൺകുട്ടികളെ വിവാഹ വാഗ്ദാനം നൽകിയാണ് ഇയാൾ പീഡിപ്പിച്ചിരുന്നത്. ഇയാളുടെ ഫോണിൽ നിന്നു …

സംസ്ഥാനത്ത് നാളെ ഓൺലൈൻ ടാക്സി പണിമുടക്ക്

by WEB EDITORState Sunday, 8 June 2025, 20:25Monday, 9 June 2025, 9:43No Comments

തിരുവനന്തപുരം: സംസ്ഥാനത്ത് നാളെ ഓൺലൈൻ ടാക്സി ഡ്രൈവർമാർ പണിമുടക്ക് നടത്തും. ഊബറും ഓലയും ഉൾപ്പെടെയുള്ള കമ്പനികളുടെ തൊഴിൽ ചൂഷണത്തിനു എതിരായാണ് നടപടി. വിവിധ സംഘടനകൾ സംയുക്തമായാണ് പണിമുടക്ക് പ്രഖ്യാപിച്ചിട്ടുള്ളത്. സിഐടിയു, എഐടിയുസി യൂണിയനുകളും പണിമുടക്കിനെ പിന്തുണയ്ക്കും.സർവീസ് നടത്തുന്ന ഓൺലൈൻ ടാക്സി ഡ്രൈവർമാരെ തടയുമെന്നും സമരാനുകൂലികൾ വ്യക്തമാക്കി. നാളെ രാവിലെ 10ന് എറണാകുളം കലക്ടറേറ്റിലേക്ക് ഓൺലൈൻ ടാക്സി ഡ്രൈവർമാർ മാർച്ച് നടത്തും.

പൊലീസ് തിരച്ചിലിൽ വെള്ളക്കെട്ടിനു സമീപം ചെരിപ്പുകൾ; വെള്ളക്കെട്ടിൽ വീണ് അഞ്ചാം ക്ലാസ് വിദ്യാർഥി മരിച്ചു

by WEB EDITORState Sunday, 8 June 2025, 18:00Sunday, 8 June 2025, 18:00No Comments

ആലപ്പുഴ: വീടിനു സമീപത്തെ വെള്ളക്കെട്ടിൽ വീണ് അഞ്ചാം ക്ലാസ് വിദ്യർഥി മരിച്ചു. കായംകുളം പുതിയ വിള പട്ടോളി മാർക്കറ്റ് പ്രദീപ് ഭവത്തിൽ പ്രദീപിന്റെ മകൻ അഭിജിത്(9) ആണ് മരിച്ചത്. കുട്ടിയെ കാണാനില്ലെന്ന് ചൂണ്ടിക്കാട്ടി വീട്ടുകാർ പൊലീസിനെ സമീപിച്ചു. തുടർന്ന് നടത്തിയ തിരച്ചിലിൽ വെള്ളക്കെട്ടിന് സമീപം കുട്ടിയുടെ ചെരുപ്പ് കണ്ടെത്തി. വെള്ളക്കെട്ടിൽ നടത്തിയ പരിശോധനയിൽ കുട്ടിയെ കണ്ടെത്തി. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പല്ലന കുമാരനാശാൻ സ്കൂളിലെ വിദ്യാർഥിയാണ്. മാനസിക വൈകല്യമുള്ള കുട്ടിയാണ് അഭിജിത്. മൃതദേഹം പോസ്റ്റ്മോർട്ടത്തിനു …

കുട്ടികളെ മയക്കുമരുന്ന് നൽകി ലൈംഗികമായി പീഡിപ്പിച്ചു; ഒളിവിലായിരുന്ന പ്രതി പിടിയിൽ

by WEB EDITORState Sunday, 8 June 2025, 17:54Sunday, 8 June 2025, 18:15No Comments

കോഴിക്കോട്: കുറ്റ്യാടിയിൽ പ്രായപൂർത്തിയാകാത്ത കുട്ടികളെ മയക്കുമരുന്ന് നൽകി ലൈംഗികമായി പീഡിപ്പിച്ച കേസിൽ ഒളിവിലായിരുന്ന പ്രതി അറസ്റ്റിൽ. കോഴിക്കോട് കള്ളാട് സ്വദേശി ചേക്കു എന്ന അജ്നാസാണ് മംഗളൂരുവിൽ അറസ്റ്റിലായത്. കഴിഞ്ഞ മാസം 24നാണ് 2 കുട്ടികൾ ഇയാൾക്കെതിരെ കുറ്റ്യാടി പൊലീസിനെ സമീപിച്ചത്. പിന്നാലെ അജ്മീറിലേക്കു കടന്നു. ഇയാൾ തിരികെ കേരളത്തിലേക്കു വരുന്നതായി വിവരം ലഭിച്ചതിന്റെ തുടർന്നാണ് മംഗളൂരു റെയിൽവേ സ്റ്റേഷനിൽ വച്ച് പിടികൂടിയത്.കുറ്റാടിയിൽ ബെക്കാം എന്ന പേരിൽ ബാർബർ ഷോപ്പ് നടത്തപകയായിരുന്നു ഇയാൾ. നിലവിൽ 2 കുട്ടികളാണ് ഇയാൾക്കെതിരെ …

ഉണ്ണി മുകുന്ദൻ മാപ്പ് പറഞ്ഞെന്ന അവകാശവാദം തെറ്റ്, വിപിനെതിരെ അച്ചടക്ക നടപടി സ്വീകരിക്കുമെന്ന് ഫെഫ്ക

by WEB EDITORState Sunday, 8 June 2025, 17:49Sunday, 8 June 2025, 17:49No Comments

കൊച്ചി: നടൻ ഉണ്ണിമുകുന്ദൻ മാപ്പു പറഞ്ഞതോടെയാണ് താനുമായുള്ള പ്രശ്നങ്ങൾ പരിഹരിച്ചതെന്ന മുൻ മാനേജർ വിപിൻ കുമാറിന്റെ അവകാശവാദം തള്ളി ഫെഫ്ക. വിപിന്റെ അവകാശവാദം ശരിയല്ലെന്നും അച്ചടക്ക നടപടി സ്വീകരിക്കുമെന്നും ഫെഫ്ക പ്രസ്താവനയിൽ അറിയിച്ചു.നേരത്തേ ഉണ്ണിമുകുന്ദനും വിപിനുമായുള്ള പ്രശ്നങ്ങൾ ചർച്ചയിലൂടെ പരിഹരിച്ചതായി ഫെഫ്ക ജനറൽ സെക്രട്ടറി ബി. ഉണ്ണിക്കൃഷ്ണൻ അറിയിച്ചിരുന്നു. ഇതിനു പിന്നാലെയാണ് ഉണ്ണിമുകുന്ദൻ മാപ്പ് പറഞ്ഞതിനാലാണ് പ്രശ്നം പരിഹരിക്കപ്പെട്ടതെന്ന് വിപിൻ ഒരു ചാനലിനോട് പ്രതികരിച്ചത്. എന്നാൽ അവകാശവാദം തെറ്റാണെന്ന് ഫെഫ്ക വ്യക്തമാക്കി. ചർച്ചയിൽ ഉണ്ടായ ധാരണകൾക്കു വിരുദ്ധമായി …

ഏലത്തോട്ടത്തിലെ കുഴിയിൽ വീണ കടുവയെ മയക്കുവെടിവച്ച് പിടികൂടി, നായയെയും പുറത്തെത്തിച്ചു

by WEB EDITORState Sunday, 8 June 2025, 17:44Sunday, 8 June 2025, 17:44No Comments

ഇടുക്കി: മയിലാടുംപാറയിലെ ഏലത്തോട്ടത്തിലെ കുഴിയിൽ വീണ കടുവയെ മയക്കുവെടിവച്ച് പിടികൂടി. കുഴിയിൽ കടുവയ്ക്കൊപ്പം ഉണ്ടായിരുന്ന നായയെയും മയക്കുവെടിവച്ച് പുറത്തെത്തിച്ചു. മണിക്കൂറുകളോളം നീണ്ട പ്രയത്നത്തിന് ഒടുവിലാണ് കടുവയെ പിടികൂടാനായത്. ആദ്യത്തെ മയക്കുവെടിയിൽ കടുവ മയങ്ങിയില്ല. രണ്ടാമത്തെ മയക്കുവെടിയാണ് ഫലം കണ്ടത്. കൂട്ടിൽ കയറ്റിയ കടുവയെ പെരിയാർ കടുവാ സങ്കേതത്തിലെ പ്രത്യേക കേന്ദ്രത്തിലേക്ക് മാറ്റി. പരിശോധനകൾക്കു ശേഷം പെരിയാർ കടുവാ സങ്കേതത്തിൽ തുറന്നു വിടും. നായ ഒപ്പം ഉണ്ടായിരുന്നതിനാൽ പേവിഷബാധ വാക്സീൻ നൽകിയതിനു ശേഷമാകും കടുവയെ വനത്തിൽ തുറന്നു വിടുക. …

ക്രിക്കറ്റ് താരം റിങ്കു സിംഗിന്റെയും എംപി പ്രിയ സരോജിന്റെയും വിവാഹനിശ്ചയം നടന്നു

by WEB EDITOREntertainment Sunday, 8 June 2025, 16:15Sunday, 8 June 2025, 16:20No Comments

ക്രിക്കറ്റ് താരം റിങ്കു സിങ്ങിന്റേയും സമാജ്വാദി പാര്‍ട്ടി എംപി പ്രിയ സരോജിന്റേയും വിവാഹനിശ്ചയം ലഖ്നൗവില്‍ നടന്നു. നിരവധി പ്രമുഖരുടെ സാന്നിധ്യത്തിലാണ് ചടങ്ങുകള്‍ നടന്നത്. ലഖ്നൗവിലെ ഒരു സ്വകാര്യഹോട്ടലില്‍ വെച്ചായിരുന്നു ചടങ്ങുകള്‍. ചടങ്ങില്‍നിന്നുള്ള ദൃശ്യങ്ങള്‍ സാമൂഹികമാധ്യമങ്ങളില്‍ വൈറലാണ്. എസ്പി അധ്യക്ഷനും ഉത്തര്‍പ്രദേശ് മുന്‍മുഖ്യമന്ത്രിയുമായ അഖിലേഷ് യാദവും ഭാര്യ ഡിപിംള്‍ യാദവും ചടങ്ങില്‍ പങ്കെടുത്തു. കോണ്‍ഗ്രസ് നേതാവും ബിസിസിഐ വൈസ് പ്രസിഡന്റുമായ രാജീവ് ശുക്ല, രാജ്യസഭാ എംപി ജയാ ബച്ചന്‍ എന്നിവരുടേയും സാന്നിധ്യം ചടങ്ങിലുണ്ടായിരുന്നു. രാഷ്ട്രീയരംഗത്തെ ഒട്ടേറെ പ്രമുഖരും ക്രിക്കറ്റ് …

അവശനിലയില്‍ ആശുപത്രിയില്‍ പ്രവേശിപ്പിക്കപ്പെട്ട ആള്‍ മരണപ്പെട്ടു

by WEB EDITORLocal News Sunday, 8 June 2025, 15:46Sunday, 8 June 2025, 15:46No Comments

കാസര്‍കോട്: അവശനിലയില്‍ ആശുപത്രിയില്‍ പ്രവേശിപ്പിക്കപ്പെട്ട ആള്‍ മരിച്ചു. മുളിയാര്‍ ചിപ്ലിക്കയ സ്വദേശി ബി അച്ചുതന്‍(63) ആണ് മരിച്ചത്. ശനിയാഴ്ച രാത്രി 11 മണിയോടെ അവശനിലയില്‍ വീട്ടില്‍ കണ്ടെത്തിയതിനെ തുടര്‍ന്ന് ചെര്‍ക്കളയിലെ സ്വകാര്യ ആശുപത്രിയിലെത്തിച്ചെങ്കിലും മരിച്ചതായി അധികൃതര്‍ സ്ഥിരീകരിച്ചു. മൃതദേഹം പോസ്റ്റുമോര്‍ട്ടത്തിനായി കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റി. മുന്‍ പഞ്ചായത്ത് ജീവനക്കാരനായിരുന്നു. ബിജെപി മണ്ഡലം കമ്മിയംഗമാണ്. ഭാര്യ: ജലജാക്ഷി. മക്കള്‍: അജയ് കുമാര്‍(എന്‍ജിനീയര്‍), അക്ഷയ്കുമാര്‍. സഹോദരി: കാര്‍ത്യായനി.

പോസ്റ്റുമോര്‍ട്ടം ചെയ്യാന്‍ ആളില്ല; കാസര്‍കോട് ജനറല്‍ ആശുപത്രിയില്‍ പോസ്റ്റുമോര്‍ട്ടം വൈകി

by WEB EDITORLocal News Sunday, 8 June 2025, 15:34Sunday, 8 June 2025, 15:35No Comments

കാസര്‍കോട്: ജനറല്‍ ആശുപത്രിയില്‍ പോസ്റ്റുമോര്‍ട്ട നടപടികള്‍ വൈകുന്നതായി പരാതി. ഡോക്ടര്‍ ഇല്ലാത്തതിനാല്‍ ഞായറാഴ്ച മൂന്നു മൃതദേഹങ്ങളുടെ പോസ്റ്റുമോര്‍ട്ടം വൈകി. ഒടുവില്‍ അനസ്‌തേഷ്യാ വിദഗ്ധനെത്തിയാണ് ഉച്ചയ്ക്ക് ശേഷം പോസ്റ്റുമോര്‍ട്ടം ആരംഭിച്ചത്. രണ്ടു ഫൊറന്‍സിക് സര്‍ജന്‍ന്മാരാണ് ആശുപത്രിയിലുണ്ടായിരുന്നത്. ഒരാള്‍ സ്ഥലം മാറിപ്പോയിരുന്നു. മറ്റൊരാള്‍ ഇന്ന് അവധിയിലായതിനാലണ് പ്രതിസന്ധിയുണ്ടായത്. തുടര്‍ന്ന് മരണപ്പെട്ടവരുടെ ബന്ധുക്കള്‍ ബഹളം വച്ചതോടെ അനസ്‌തേഷ്യാ വിദഗ്ധനെ എത്തിക്കുകയായിരുന്നു. മൃതദേഹം എത്തിച്ചാല്‍ മണിക്കൂറുകള്‍ക്ക് ശേഷമാണ് ഫ്രീസറിലേക്ക് മാറ്റുന്നതെന്നും ആശുപത്രിയിലെത്തിയവര്‍ ആരോപിച്ചു. സാധാരണ നിലയില്‍ അഞ്ച് ഡോക്ടര്‍മാരാണ് ആശുപത്രിയില്‍ ഉണ്ടാകുക. നിലവില്‍ …

ഭാര്യ നെഞ്ചുവേദന മൂലം മരിച്ചെന്ന് ഭര്‍ത്താവ്; ഇന്‍ക്വസ്റ്റിനിടെ പൊലീസിന് സംശയം, ചോദ്യം ചെയ്തതോടെ സത്യം പുറത്തുവന്നു

by WEB EDITORState Sunday, 8 June 2025, 14:41Sunday, 8 June 2025, 14:44No Comments

തൃശ്ശൂര്‍: വരന്തരപ്പള്ളിയിലെ യുവതിയുടെ മരണം കൊലപാതം. 34 കാരിയായ ദിവ്യയാണ് കൊല്ലപ്പെട്ടത്. ഭര്‍ത്താവ് കുഞ്ഞുമോന്‍ (40) യുവതിയെ ശ്വാസം മുട്ടിച്ച് കൊലപ്പെടുത്തിയതാണെന്ന് പൊലീസ് അന്വേഷണത്തില്‍ വ്യക്തമായി. ഭാര്യ നെഞ്ചുവേദന മൂലം മരിച്ചെന്നാണ് കുഞ്ഞുമോന്‍ ബന്ധുക്കളോട് പറഞ്ഞത്. മരണ വിവരമറിഞ്ഞ് വീട്ടിലെത്തിയ പൊലീസിന് ഇന്‍ക്വസ്റ്റിനിടെ സംശയം തോന്നി. ഇതോടെ കുഞ്ഞുമോനെ ചോദ്യം ചെയ്തതോടെയാണ് കൊലപാതകമാണെന്ന് വ്യക്തമായത്. സെയില്‍സ് ഗേളായി ജോലി ചെയ്യുന്ന ദിവ്യ ബസിലാണ് ജോലിക്ക് പോകാറുള്ളത്. ദിവ്യക്ക് മറ്റൊരു യുവാവുമായി സൗഹൃദം ഉണ്ടെന്ന് വിവരം ലഭിച്ചിരുന്നു. സംശയം …

പെരിയ ബസാര്‍-ആയംകടവ് പാലം-കുണ്ടംകുഴി റൂട്ടിലെ കെഎസ്ആര്‍ടിസി ബസ് സര്‍വ്വീസ് പുനഃരാരംഭിക്കണം: മഹിളാ അസോസിയേഷന്‍

by WEB EDITORLocal News Sunday, 8 June 2025, 13:40Sunday, 8 June 2025, 13:40No Comments

കാസര്‍കോട്: പെരിയ ബസാര്‍-ആയംകടവ് പാലം-കുണ്ടംകുഴി റൂട്ടിലെ കെഎസ്ആര്‍ടിസി ബസ് സര്‍വ്വീസ് പുനഃരാരംഭിക്കണമെന്ന് അഖിലേന്ത്യാ ജനാധിപത്യ മഹിളാ അസോസിയേഷന്‍ ആയമ്പാറ യൂണിറ്റ് സമ്മേളനം ആവശ്യപ്പെട്ടു. ചെക്കിപ്പള്ളം മുതല്‍ പെരിയ ബസാര്‍ വരെ തെരുവു വിളക്കുകള്‍ സ്ഥാപിക്കുക, ചെക്കിപ്പള്ളത്ത് ഹൈമാസ്റ്റ് ലൈറ്റ് സ്ഥാപിക്കുക തുടങ്ങിയ ആവശ്യങ്ങളും സമ്മേളനം ഉന്നയിച്ചു. കാഞ്ഞങ്ങാട് നഗരസഭാ അധ്യക്ഷ കെ.വി സുജാത ഉദ്ഘാടനം ചെയ്തു. യൂണിറ്റ് പ്രസിഡണ്ട് അനിഷ ആധ്യക്ഷം വഹിച്ചു. സന്ധ്യ കാനത്തിങ്കാല്‍ സംസാരിച്ചു. ഭാരവാഹികള്‍: അനിത കാപ്യവീട് (സെക്ര.), ശില്‍പ കാനത്തിങ്കാല്‍ (പ്രസി.).

വഴിക്കടവില്‍ വിദ്യാര്‍ഥി ഷോക്കേറ്റ് മരിച്ച സംഭവം; അന്വേഷണം ക്രൈംബ്രാഞ്ചിന്

by WEB EDITORState Sunday, 8 June 2025, 13:38Sunday, 8 June 2025, 13:39No Comments

മലപ്പുറം: നിലമ്പൂര്‍ വഴിക്കടവില്‍ വിദ്യാര്‍ഥി ഷോക്കേറ്റ് മരിച്ച സംഭവം ക്രൈംബ്രാഞ്ച് അന്വേഷിക്കും. ജില്ലാ ക്രൈം ബ്രാഞ്ച് ഡിവൈഎസ്പി സി അലവിക്കാണ് അന്വേഷണ ചുമതല. വിഷയത്തില്‍ രാഷ്ട്രീയ ഗൂഢാലോചന സംശയിക്കുന്നുവെന്ന് മന്ത്രി എകെ ശശീന്ദ്രന്‍ വ്യക്തമാക്കിയിരുന്നു. മന്ത്രിയുടെ വാദത്തെ പിന്തുണച്ച് സിപിഎം സംസ്ഥാന സെക്രട്ടറി എംവി ഗോവിന്ദനും രംഗത്തെത്തി.വനംമന്ത്രി എ കെ ശശീന്ദ്രന്റെ പ്രസ്താവനയെ പ്രതിപക്ഷം അപലപിച്ചു. മന്ത്രി മാപ്പ് പറയണമെന്നും വനംമന്ത്രിയുടെ തെറ്റായ പ്രസ്താവനയിലും അന്വേഷണം വേണമെന്നാണ് ആവശ്യം. വിഷയത്തില്‍ നിന്ന് ശ്രദ്ധ തിരിക്കാനാണ് രാഷ്ട്രീയ ഗൂഢാലോചനാ …

തളങ്കരയില്‍ തീപിടിച്ച് വീട് പൂര്‍ണമായും കത്തിനശിച്ചു, വീട്ടുകാര്‍ രക്ഷപ്പെട്ടത് തലനാരിഴയ്ക്ക്

by WEB EDITORLocal News Sunday, 8 June 2025, 12:36Sunday, 8 June 2025, 12:36No Comments

കാസര്‍കോട്: തളങ്കരയില്‍ തീ പിടിച്ച് വീട് പൂര്‍ണമായും കത്തിനശിച്ചു. കാസര്‍കോട് തളങ്കര പടിഞ്ഞാറ് സ്വദേശി സാറയുടെ ഓട് മേഞ്ഞ വീടാണ് വീട്ടുകാര്‍ നോക്കി നില്‍ക്കെ കത്തിയമര്‍ന്നത്. ബലി പെരുന്നാള്‍ ദിനത്തില്‍ രാത്രിയിലാണ് സംഭവം നടന്നത്. രാത്രി പത്തുമണിയോടെയാണ് വീടിന്റെ അടുക്കള ഭാഗത്തുനിന്നും തീയും പുകയും ഉയര്‍ന്നത്. വീടിനുള്ളില്‍ ഏഴോളം കുടുംബാംഗളുണ്ടായിരുന്നു. വലിയതോതില്‍ തീപിടിച്ചതോടെ വീട്ടുകാര്‍ ഇറങ്ങിയോടുകയായിരുന്നു. വിവരത്തെ തുടര്‍ന്ന് കാസര്‍കോട് നിന്ന് ഫയര്‍ഫോഴ്‌സ് സ്ഥലത്തേയ്ക്ക് കുതിച്ചു. സീനിയര്‍ ഫയര്‍ ആന്റ് റെസ്‌ക്യൂ ഓഫീസര്‍ വി. സുകുവിന്റെ നേതൃത്വത്തില്‍ …

കനത്ത കാറ്റും മഴയും; മരം കടപുഴകി വീണ് ഒരാള്‍ മരിച്ചു

by WEB EDITORNational Sunday, 8 June 2025, 12:29Sunday, 8 June 2025, 12:29No Comments

സുള്ള്യ: കുടക് ജില്ലയില്‍ കനത്ത കാറ്റും മഴയും. മരം കടപുഴകി വീണ് ഒരാള്‍ മരിച്ചു. കുടക്, അമ്മത്തിഹോബ്ലിയിലെ ബനങ്കള, ജനത കോളനിയിലെ പി.സി വിഷ്ണു ബെലിയപ്പ (65)യാണ് മരിച്ചത്. ഞായറാഴ്ച രാവിലെ ഏഴു മണിയോടെയാണ് സംഭവം. ജൂണ്‍ ഒന്‍പതു മുതല്‍ വീണ്ടും മഴ കനക്കുമെന്ന കാലാവസ്ഥാ നിരീക്ഷണ കേന്ദ്രങ്ങളുടെ മുന്നറിയിപ്പ് നിലനില്‍ക്കുന്നതിനിടയിലാണ് ദാരുണമായ സംഭവം ഉണ്ടായത്.

അവിഹിതബന്ധത്തിന് തടസ്സമായി; യുവാവിനെ തൂക്കിക്കൊന്ന് മൃതദേഹം കത്തിച്ചു, 3 പേര്‍ അറസ്റ്റില്‍

by WEB EDITORNational Sunday, 8 June 2025, 12:23Sunday, 8 June 2025, 12:23No Comments

ചിക്കമംഗ്‌ളൂരു: അവിഹിത ബന്ധത്തിനു തടസ്സം നിന്നയാളെ കെട്ടിത്തൂക്കി കൊലപ്പെടുത്തി മൃതദേഹം കത്തിച്ചു. കേസില്‍ മൂന്നു പേര്‍ അറസ്റ്റില്‍. ചിക്കമംഗ്‌ളൂരു, കടൂര്‍ ടൗണിലെ പ്രദീപ് ആചാരി (22), കോട്ട് ലേഔട്ടിലെ സിദ്ധേഷ് (35), വിശ്വാസ് (18) എന്നിവരാണ് അറസ്റ്റിലായത്. കടൂര്‍ പട്ടണത്തിലെ മീനാക്ഷിയുടെ ഭര്‍ത്താവ് സുബ്രഹ്‌മണ്യയെ കൊലപ്പെടുത്തിയ കേസിലാണ് അറസ്റ്റ്. തന്റെ ഭര്‍ത്താവിനെ ജൂണ്‍ രണ്ടു മുതല്‍ കാണാനില്ലെന്നു കാണിച്ച് മീനാക്ഷി പൊലീസില്‍ പരാതി നല്‍കിയിരുന്നു. പൊലീസ് അന്വേഷിക്കുന്നതിനിടയിലാണ് കത്തിക്കരിഞ്ഞ നിലയില്‍ മൃതദേഹത്തിന്റെ അവശിഷ്ടങ്ങള്‍ കണ്ടെത്തിയത്. പരിശോധനയില്‍ മൃതദേഹം …

മണിപ്പൂരില്‍ വീണ്ടും സംഘര്‍ഷം; ഇന്റര്‍നെറ്റ് സേവനങ്ങള്‍ റദ്ദാക്കി, ബിഷ്ണുപൂരില്‍ പൂര്‍ണ്ണ കര്‍ഫ്യൂ

by WEB EDITORNational Sunday, 8 June 2025, 11:43Sunday, 8 June 2025, 11:43No Comments

ഇംഫാല്‍: മണിപ്പൂരില്‍ വീണ്ടും സംഘര്‍ഷം. മെയ്തെയ് തീവ്ര സംഘടന ആംരംഭായ് തെങ്കോല്‍ നേതാവിന്റെ അറസ്റ്റിനെ തുടര്‍ന്നാണ് സംഘര്‍ഷം ശക്തമായത്. ഇയാളെ വിട്ടയക്കണമെന്നാണ് പ്രതിഷേധക്കാരുടെ ആവശ്യം. സംഘര്‍ഷാവസ്ഥയെ തുടര്‍ന്ന് അഞ്ച് ജില്ലകളിലെ ഇന്റര്‍നെറ്റ് സേവനങ്ങള്‍ റദ്ദാക്കി. ഇംഫാല്‍, വെസ്റ്റ് ഇംഫാല്‍, ഥൗബല്‍, ബിഷ്ണുപുര്‍, കാചിങ് ജില്ലകളില്‍ അഞ്ച് ദിവസത്തേക്കാണ് വിലക്ക്. ഇംഫാലില്‍ പ്രതിഷേധക്കാര്‍ തെരുവിലിറങ്ങുകയും റോഡില്‍ ടയറുകള്‍ കത്തിക്കുകയും ചെയ്തു. ചിലയിടങ്ങളില്‍ വെടിവെപ്പും നടന്നതായി വിവരമുണ്ട്. വിദ്വേഷ സന്ദേശങ്ങള്‍ പ്രചരിക്കാതിരിക്കാനാണ് ഇന്റര്‍നെറ്റ് റദ്ദാക്കിയതെന്ന് ആഭ്യന്തര സെക്രട്ടറി എന്‍. അശോക് …