പരസ്യ പ്രചരണം സമാപിച്ചു; കൊട്ടിക്കലാശം കൊണ്ടു മണ്ഡലം കേന്ദ്രങ്ങൾ ആവേശഭരിതമായി; മറ്റന്നാൾ ബൂത്തിലേക്ക്
കാസർകോട്: 23 ദിവസം നീണ്ട തിരഞ്ഞടുപ്പു പരസ്യപ്രചാരണം ആറുമണിക്കു സമാപിച്ചു. സമാപനത്തോടനു ബന്ധിച്ചു മണ്ഡലം തലങ്ങളിൽ നടന്ന കൊട്ടിക്കലാശം പ്രചരണ രംഗത്തെ ആവേശം തുറന്നു വിട്ടു. മൂന്നു മുന്നണികളും ഇക്കാര്യത്തിലും ഒന്നിനൊന്നു മത്സരിച്ചു. വാദ്യമേളങ്ങളുടെ താളത്തിനനുസരിച്ചു പ്രത്യേക വേഷങ്ങളണിഞ്ഞ പ്രവർത്തകർ പാട്ടുപാടിയും നൃത്തം വച്ചും ഉറഞ്ഞുതുള്ളിയും കാണികളെ ആവേശം കൊള്ളിച്ചു. കലാശക്കൊട്ട് കാണാനും ധാരാളമാളുകൾ കലാശക്കൊട്ടു കേന്ദ്രങ്ങളിലും വഴിയോരങ്ങളിലും തടിച്ചു കൂടിയിരുന്നു. കലാശക്കൊട്ട് കാണികളിലും ആവേശം പകർന്നു . മഞ്ചേശ്വരം മണ്ഡലത്തിലെ തിരഞ്ഞെടുപ്പു കൊട്ടിക്കലാശം കുമ്പളയിലായിരുന്നു. ഇടതു- …
