WEB EDITOR, Author at Karaval Daily : Page 258 of 260

കൊട്ടംകുഴിയില്‍ തുടര്‍ച്ചയായ മൂന്നാം നാളിലും ഒറ്റയാനിറങ്ങി

by WEB EDITORKasaragod, Latest, local Thursday, 20 June 2024, 10:21Thursday, 20 June 2024, 10:22No Comments

കാസര്‍കോട്: മുളിയാര്‍, കൊട്ടംകുഴിയില്‍ തുടര്‍ച്ചയായ മൂന്നാം ദിവസവും ഒറ്റയാന്‍ ഇറങ്ങി. വീടുകള്‍ക്ക് സമീപത്തെത്തി ചിന്നം വിളിച്ച ഒറ്റയാനെ നാട്ടുകാര്‍ ബഹളം വെച്ച് കാടുകയറ്റി. ബുധനാഴ്ച രാത്രി ഏഴരമണിയോടെയാണ് കൊട്ടംകുഴിയിലെ ചന്ദ്രന്റെ റബ്ബര്‍ തോട്ടത്തില്‍ ഒറ്റയാന്‍ എത്തിയത്. അവിടെ നിന്നും നടന്നു നീങ്ങിയ ആന ഒരു വീടിന്റെ പിന്‍വശത്ത് എത്തിയപ്പോഴാണ് നാട്ടുകാര്‍ വിവരം അറിഞ്ഞത്. ഉടന്‍ തന്നെ പരിസരവാസികള്‍ സംഘടിതരായി ബഹളം വെച്ചതോടെയാണ് ആന കാട്ടിലേക്ക് കയറിപ്പോയത്. തുടര്‍ച്ചയായ മൂന്നാം ദിവസമാണ് ഒറ്റയാന്‍ കൊട്ടംകുഴിയില്‍ എത്തുന്നതെന്നു നാട്ടുകാര്‍ പറഞ്ഞു.

ചാറ്റല്‍മഴ: കോയിപ്പാടിയില്‍ വൈദ്യുതി പോസ്റ്റുകള്‍ പൊട്ടിവീണു; ഗതാഗതം സ്തംഭിച്ചു

by WEB EDITORKasaragod, Latest, local Thursday, 20 June 2024, 10:10Thursday, 20 June 2024, 10:25No Comments

കാസര്‍കോട്: വ്യാഴാഴ്ച രാവിലെയുണ്ടായ കാറ്റില്‍ കുമ്പള കോയിപ്പാടിയില്‍ അടുത്ത കാലത്തു സ്ഥാപിച്ച 4 വൈദ്യുതി പോസ്റ്റുകള്‍ ഒടിഞ്ഞുവീണു. കോയിപ്പാടി ജംഗ്ഷനിലാണ് അപകടമുണ്ടായത്. ഭാഗ്യം കൊണ്ട് വന്‍ ദുരന്തം ഒഴിവായി. കമ്പിയും വൈദ്യുതി പോസ്റ്റും റോഡില്‍ കിടക്കുന്നതിനാല്‍ സ്‌കൂള്‍ ബസുകള്‍ വഴിയില്‍ കുടുങ്ങിയിരിക്കുകയാണ്. അഞ്ചുമാസം മുമ്പ് പുതുതായി സ്ഥാപിച്ച വൈദ്യുതി പോസ്റ്റുകളാണ് ചുവട്ടില്‍ വെച്ച് ഒടിഞ്ഞു വീണിട്ടുള്ളത്. വവൈദ്യുതി പോസ്റ്റ് നിര്‍മ്മാണത്തിലെ തരികിടയാണ് അപകടത്തിന് കാരണമെന്ന് പരാതിയുണ്ട്. പൊട്ടിവീണ പോസ്റ്റുകള്‍ നാട്ടുകാര്‍ ചേര്‍ന്ന് നീക്കം ചെയ്ത ശേഷമാണ് ഗതാഗതം …

സീതാംഗോളിയില്‍ ഇന്നോവ കാറും ബൈക്കും കൂട്ടിയിടിച്ചു; ദമ്പതികള്‍ക്ക് പരിക്ക്

by WEB EDITORCRIME, Kasaragod, Latest, Local News Thursday, 20 June 2024, 10:04Thursday, 20 June 2024, 10:07No Comments

കാസര്‍കോട്: കുമ്പള, സീതാംഗോളി സര്‍ക്കിളില്‍ ഇന്നോവ കാറും ബൈക്കും കൂട്ടിയിടിച്ചു. അപകടത്തില്‍ ദമ്പതികള്‍ക്ക് പരിക്കേറ്റു. കുംബഡാജെ, പാവൂര്‍ ഹൗസിലെ ജനീസിസ് മൊന്തേരോ(48), ഭാര്യ വയലറ്റ് വരദ(45) എന്നിവര്‍ക്കാണ് പരിക്കേറ്റത്. ഇരുവരെയും കുമ്പള ജില്ലാ സഹകരണ ആശുപത്രിയില്‍ പ്രവേശിപ്പിച്ചു. ബുധനാഴ്ച വൈകുന്നേരമാണ് അപകടം. കുമ്പള ഭാഗത്ത് നിന്ന് കുംബഡാജെയിലേക്ക് പോവുകയായിരുന്നു ദമ്പതികള്‍ സഞ്ചരിച്ചിരുന്ന ബൈക്ക്.

മുളിയാറില്‍ വന്‍ ലഹരി വസ്തു വേട്ട; 3,76,830 രൂപയുമായി രണ്ട് പേര്‍ അറസ്റ്റില്‍

by WEB EDITORCRIME, Kasaragod, Latest, Local News Thursday, 20 June 2024, 9:54Thursday, 20 June 2024, 9:59No Comments

കാസര്‍കോട്: മുളിയാറില്‍ വന്‍ ലഹരി വസ്തുവേട്ട. 3,76,830 രൂപയുമായി രണ്ടു പേര്‍ അറസ്റ്റില്‍. മുളിയാര്‍, കോലാച്ചിയടുക്കം, കെട്ടുംകല്ലിലെ ബിസ്മില്ല മന്‍സിലിലെ മൊയ്തു (40), കാര്‍ ഡ്രൈവര്‍ പാടി എടനീരിലെ എം.എം റഷീദ് (29) എന്നിവരെയാണ് ആദൂര്‍ എസ്.ഐ കെ. അനുരൂപും സംഘവും അറസ്റ്റ് ചെയ്തത്. രഹസ്യവിവരം ലഭിച്ചതിനെ തുടര്‍ന്നാണ് ബുധനാഴ്ച വൈകുന്നേരം പൊലീസ് സംഘം മൊയ്തുവിന്റെ വീട്ടില്‍ എത്തിയത്. വീട്ടുമുറ്റത്ത് നിര്‍ത്തിയിട്ടിരുന്ന കാറിലും വീട്ടിലെ കിടപ്പുമുറിയിലുമായി സൂക്ഷിച്ചിരുന്ന 1618 പാക്ക് പുകയില ഉല്‍പ്പന്നങ്ങളും 340 പാക്കറ്റ് സിഗരറ്റുകളുമാണ് …

മട്ടലായിയില്‍ സ്വകാര്യബസും ഗുഡ്‌സ് ഓട്ടോയും കൂട്ടിയിടിച്ച് മൂന്നുപേര്‍ക്ക് പരിക്ക്; ഒരാള്‍ക്ക് ഗുരുതരം

by WEB EDITORKasaragod, Latest, Local News Thursday, 20 June 2024, 9:48Thursday, 20 June 2024, 9:49No Comments

കാസര്‍കോട്: ദേശീയപാത മട്ടലായിയില്‍ സ്വകാര്യ ബസും ഗുഡ്‌സ് ഓട്ടോയും കൂട്ടിയിടിച്ച് അപകടം. മൂന്നുപേര്‍ക്ക് പരിക്കേറ്റു. ഒരാള്‍ക്ക് ഗുരുതരം. ക്ലായിക്കോട് സ്വദേശി ശ്യാംജിത്ത്, പിലിക്കോട് കണ്ണങ്കൈ സ്വദേശി സുരേഷ്(44), പൊന്‍മാലം സ്വദേശി സന്തോഷ് (45) എന്നിവര്‍ക്കാണ് പരിക്ക്. വ്യാഴാഴ്ച രാവിലെ എട്ടരയോടെയാണ് അപകടം. ഒരാളെ കണ്ണൂരിലെ ആശുപത്രിയിലേക്ക് കൊണ്ടുപോയി.

ശസ്ത്രക്രിയ ഉടന്‍ വേണം; ഇരുവൃക്കകളും തകരാറിലായ മാധ്യമപ്രവര്‍ത്തകന്‍ ചികില്‍സാ സഹായം തേടുന്നു

by WEB EDITORKasaragod, Latest, Local News Wednesday, 19 June 2024, 16:51Wednesday, 19 June 2024, 17:11No Comments

കാസര്‍കോട്: കുമ്പളയില്‍ മാധ്യമ പ്രവര്‍ത്തന രംഗത്ത് സജീവമായ അബ്ദുള്ള വൃക്കരോഗബാധിതനായി ചികിത്സയിലാണ്. ഇരു വൃക്കകളും ചുരുങ്ങി വരുന്ന അപൂര്‍വ രോഗത്തിന് ഇരയായ അദ്ദേഹം ഏറണാകുളത്തെ സ്വകാര്യ ആശുപത്രിയിലാണ് ചികിത്സ തേടുന്നത്. ആരോഗ്യസ്ഥിതി വീണ്ടെടുക്കാന്‍ എത്രയും വേഗം വൃക്ക മാറ്റിവെക്കണമെന്നാണ് ഡോക്ടര്‍മാര്‍ നിര്‍ദേശിച്ചിട്ടുള്ളത്. വൃക്കമാറ്റി വക്കുന്നതിന് 45 ലക്ഷം രൂപ വേണ്ടിവരും. ഇത്രയും ഭീമമായ തുക ചെലവ് വരുന്ന ഈ ശസ്ത്രക്രിയയ്ക്കുള്ള പണം കണ്ടെത്താന്‍ അബ്ദുള്ളക്കും കുടുംബത്തിനും പ്രയാസമാണ്. അതിനാല്‍ ഉദാരമതികളുടെ സഹായം തേടുകയാണ്. അബ്ദുള്ള ചികിത്സാ സഹായ …

ഓണ്‍ലൈനില്‍ എക്‌സ്‌ബോക്‌സസ് കണ്‍ട്രോളര്‍ ഓര്‍ഡര്‍ ചെയ്തു; എത്തിയ പാര്‍സല്‍ തുറന്നപ്പോള്‍ ദമ്പതികള്‍ ഒന്നു ഞെട്ടി; പെട്ടിക്കുള്ളില്‍ ‘മൂര്‍ഖന്‍ പാമ്പ്!’

by WEB EDITORLatest, National Wednesday, 19 June 2024, 16:37Wednesday, 19 June 2024, 16:38No Comments

ആമസോണ്‍ ഷോപ്പിങ് സൈറ്റില്‍ നിന്ന് എക്‌സ്‌ബോക്‌സസ് കണ്‍ട്രോളര്‍ ഓര്‍ഡര്‍ ചെയ്ത ദമ്പതികള്‍ക്ക് ലഭിച്ചത് മൂര്‍ഖന്‍ പാമ്പ്. ബംഗളുരു സര്‍ജാപൂര്‍ റോഡില്‍ താമസിക്കുന്ന ദമ്പതികള്‍ക്കാണ് പാമ്പ് അടങ്ങിയ പാര്‍സലെത്തിയത്. ഡെലിവറി പാര്‍ട്ണര്‍ ദമ്പതികള്‍ക്ക് നേരിട്ടാണ് ബോക്‌സ് കൈമാറിയത്. പാര്‍സല്‍ തുറന്നപ്പോള്‍ പാമ്പ് പുറത്തേക്കു വരികയായിരുന്നു. അപ്പോള്‍ തന്നെ പാക്കേജിംഗ് ടേപ്പ് ഉപയോഗിച്ച് പാമ്പിനെ കവറില്‍ ഒട്ടിച്ചു. ഇതിന്റെ ദൃശ്യം ദമ്പതികള്‍ ക്യാമറയില്‍ പകര്‍ത്തിയിരുന്നു. സംഭവത്തിന് ദൃക്സാക്ഷികളുള്ളതായും ഇവര്‍ അറിയിച്ചു. പാമ്പിനെ പിന്നീട് പിടികൂടി സുരക്ഷിതമായി കാട്ടില്‍ വിട്ടയച്ചതായി റിപ്പോര്‍ട്ട് …

ഇന്ന് കാസര്‍കോട് അടക്കം 9 ജില്ലകളില്‍ യല്ലോ അലേര്‍ട്ട്; ഞായറാഴ്ച ഒറ്റപ്പെട്ട സ്ഥലങ്ങളില്‍ അതിതീവ്ര മഴയ്ക്ക് സാധ്യത

by WEB EDITORKasaragod, Latest, Local News Wednesday, 19 June 2024, 15:56Wednesday, 19 June 2024, 16:00No Comments

തിരുവനന്തപുരം: സംസ്ഥാനത്ത് ഇന്ന് ചിലയിടങ്ങളില്‍ ശക്തമായ മഴയ്ക്ക് സാധ്യത. തിരുവനന്തപുരം, കൊല്ലം, പത്തനംതിട്ട, ആലപ്പുഴ, എറണാകുളം, കോട്ടയം, ഇടുക്കി, കണ്ണൂര്‍, കാസര്‍കോട് എന്നീ ജില്ലകളിലാണ് ഇന്ന് യെല്ലോ അലര്‍ട്ട് പ്രഖ്യാപിച്ചു. ഞായറാഴ്ച കനത്ത മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. 12 ജില്ലകളിലാണ് ഞായറാഴ്ച മഴ മുന്നറിയിപ്പ് പ്രഖ്യാപിച്ചിരിക്കുന്നത്. വടക്കന്‍ ജില്ലകളില്‍ ശനിയാഴ്ചയും ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്.ആന്ധ്രാതീരത്തിനും തെലുങ്കാനയ്ക്കും മുകളിലായി ചക്രവാതച്ചുഴി സ്ഥിതിചെയ്യുന്നതിനാല്‍ജൂണ്‍ 21 മുതല്‍ കേരള തീരത്ത് പടിഞ്ഞാറന്‍, തെക്ക് പടിഞ്ഞാറന്‍ കാറ്റ് ശക്തമാകാന്‍ …

വിരമിക്കുമ്പോള്‍ കിട്ടിയ പത്തുലക്ഷം നിക്ഷേപിച്ചത് കാറഡുക്ക സൊസൈറ്റിയില്‍; അയച്ചുകിട്ടിയ പണം പിന്‍വലിക്കാന്‍ കഴിയാതെ മക്കള്‍, പൊലീസിന് മുന്നില്‍ തൊഴുകൈകളുമായി വയോധികന്‍

by WEB EDITORKasaragod, Latest, Local News Wednesday, 19 June 2024, 15:20Wednesday, 19 June 2024, 15:23No Comments

കാസര്‍കോട്: കാറഡുക്ക അഗ്രിക്കള്‍ച്ചറിസ്റ്റ് വെല്‍ഫയര്‍ സൊസൈറ്റിയില്‍ നിക്ഷേപിച്ച പത്തുലക്ഷം രൂപ തിരികെ കിട്ടാതെ റിട്ട. ജീവനക്കാരന്‍ കണ്ണീരൊഴുക്കുന്നു. ആദൂര്‍ സ്വദേശിയും കാസര്‍കോട് വിത്തുല്‍പാദന കേന്ദ്രത്തിലെ മുന്‍ ജീവനക്കാരനുമായ വയോധികനാണ് തട്ടിപ്പിന്റെ പേരില്‍ കണ്ണീരൊഴുക്കുന്നത്.വിരമിക്കുന്ന സമയത്ത് ലഭിച്ച എല്ലാ ആനുകൂല്യങ്ങളും സുരക്ഷിത കേന്ദ്രമെന്ന നിലയില്‍ കാറഡുക്ക അഗ്രിക്കള്‍ച്ചറിസ്റ്റ് സൊസൈറ്റിയിലാണ് നിക്ഷേപിച്ചിരുന്നത്. ഈ തുക ഇക്കഴിഞ്ഞ മെയ് മാസം ഒന്‍പതിനു ബംഗ്ളൂരുവിലുള്ള മകന്റെയും മകളുടെയും അക്കൗണ്ടുകളിലേക്ക് കാറഡുക്ക സൊസൈറ്റി അക്കൗണ്ട് വഴി അയച്ചിരുന്നു. തുക ബംഗ്ളൂരുവിലെ അക്കൗണ്ടില്‍ എത്തുന്നതിന് മുമ്പ് …

പിഎന്‍ പണിക്കരെ കുറിച്ച് ഓര്‍ക്കുമ്പോള്‍

by WEB EDITORKasaragod, Latest, local Wednesday, 19 June 2024, 15:01Wednesday, 19 June 2024, 15:10No Comments

കൂക്കാനം റഹ്‌മാന്‍ 2024 ജൂണ്‍19ന് കേരള സാംസ്‌ക്കാരിക നായകരില്‍ പ്രമുഖനായ പി.എന്‍. പണിക്കര്‍ മരിച്ചിട്ട് 30 വര്‍ഷം പിന്നിട്ടിരിക്കയാണ്. കേരളത്തിന് അക്ഷരാര്‍ത്ഥത്തില്‍ നികത്താനാവാത്ത നഷ്ടം ‘വായിച്ചു വളരുക’യില്‍ തുടങ്ങി ‘നാം ഒന്നി’ല്‍ ചെന്നെത്തിയ ആ വിശാലവീക്ഷണം, ദര്‍ശനം ആത്മാര്‍ത്ഥത നിറഞ്ഞ ആ മൊഴികള്‍, ഏവരേയും ഒന്നിപ്പിച്ച് മുന്നേറാനുള്ള കഴിവ്, സ്ഥിരോല്‍സാഹം, ഒന്നു തീരുമാനിച്ചാല്‍ അത് നടത്തിയെടുക്കാനുള്ള സാമര്‍ഥ്യം തുടങ്ങിയ എത്രയോ കാര്യങ്ങള്‍ അദ്ദേഹത്തെക്കുറിച്ച് സ്മരിക്കുമ്പോള്‍ എടുത്തു പറയേണ്ടതുണ്ട്.ലോകത്തിനു തന്നെ മാതൃകയാകത്തക്കവിധം കേരളത്തിലെ ഗ്രാമഗ്രാമാന്തരങ്ങളില്‍ തലയുയര്‍ത്തി നില്‍ക്കുന്ന ഗ്രന്ഥാലയങ്ങള്‍ …

കാറും സ്‌കൂട്ടറും കൂട്ടിയിടിച്ച് വിമുക്തഭടന് ദാരുണാന്ത്യം

by WEB EDITORLatest, State Wednesday, 19 June 2024, 14:57Wednesday, 19 June 2024, 14:59No Comments

കണ്ണൂര്‍: കാറും സ്‌കൂട്ടറും കൂട്ടിയിടിച്ച് വിമുക്തഭടന്‍ മരിച്ചു. തലശ്ശേരി, പാച്ചംപൊയ്ക, പാനുണ്ട, ദേവദേയം ഹൗസിലെ ദിലീപ് ബാബു (48)വാണ് മരിച്ചത്.ബുധനാഴ്ച പുലര്‍ച്ചെ 12.40ന് പൊന്ന്യം മൂന്നാം മൈലില്‍ ആണ് അപകടം. ദിലീപ് ബാബു ഓടിച്ചിരുന്ന സ്‌കൂട്ടറും കാറും കൂട്ടിയിടിച്ചാണ് അപകടം.

പാക്കത്ത് കെ.എസ്.ഇ.ബി കരാര്‍ ജീവനക്കാരന്‍ വീട്ടില്‍ കുഴഞ്ഞുവീണ് മരിച്ചു

by WEB EDITORKasaragod, Latest, local Wednesday, 19 June 2024, 14:48Wednesday, 19 June 2024, 14:50No Comments

കാസര്‍കോട്: കെ.എസ്.ഇ.ബി കരാര്‍ ജീവനക്കാരന്‍ കുഴഞ്ഞുവീണ് മരിച്ചു. പള്ളിക്കര, പാക്കം, കോതറമ്പം വളപ്പില്‍ ശങ്കരന്‍ (58)ആണ് മരിച്ചത്. ചൊവ്വാഴ്ച വൈകുന്നേരം വീട്ടുമുറ്റത്ത് കുഴഞ്ഞുവീണ ശങ്കരനെ ആശുപത്രിയില്‍ എത്തിച്ചുവെങ്കിലും രക്ഷപ്പെടുത്താന്‍ കഴിഞ്ഞില്ല.ഭാര്യ: ഗീത (ഹരിതകര്‍മ്മ സേനാംഗം പള്ളിക്കര പഞ്ചായത്ത്). മക്കള്‍: ശരത്ശങ്കര്‍, ശ്യാംശങ്കര്‍. സഹോദരങ്ങള്‍: ബാലകൃഷ്ണന്‍, ബാലാമണി (കുണ്ടംകുഴി), ഭാസ്‌കരന്‍(ഓട്ടോ ഡ്രൈവര്‍, പെരിയ), ജയചന്ദ്രന്‍, അശോകന്‍, പരേതയായ പ്രീത.

കണ്ണൂരില്‍ ബോംബുകള്‍ കണ്ടെത്താന്‍ വ്യാപക റെയ്ഡ്; തിരുവനന്തപുരത്ത് ബോംബ് പിടികൂടി

by WEB EDITORLatest, Local News Wednesday, 19 June 2024, 14:37Wednesday, 19 June 2024, 14:42No Comments

തിരുവനന്തപുരം/കണ്ണൂര്‍: തലശ്ശേരി, വളാഞ്ചേരിയില്‍ തേങ്ങ പെറുക്കുന്നതിനിടയില്‍ സ്റ്റീല്‍ ബോംബ് പൊട്ടി വയോധികന്‍ മരണപ്പെട്ടതിന് പിന്നാലെ കണ്ണൂരില്‍ ബോംബുകള്‍ കണ്ടെത്താന്‍ വ്യാപക പൊലീസ് റെയ്ഡ്.കണ്ണൂര്‍, തലശ്ശേരി, കൂത്തുപറമ്പ് പൊലീസ് സ്റ്റേഷന്‍ പരിധികളിലാണ് ബുധനാഴ്ച രാവിലെ മുതല്‍ പൊലീസ് റെയ്ഡ് ആരംഭിച്ചത്. ആള്‍ താമസമില്ലാത്ത വീടുകളും കെട്ടിടങ്ങളും കേന്ദ്രീകരിച്ചാണ് റെയ്ഡ് നടക്കുന്നത്. എന്നാല്‍ എവിടെ നിന്നും ബോംബുകള്‍ കണ്ടെത്താന്‍ കഴിഞ്ഞതായി വിവരമില്ല.അതേ സമയം തിരുവനന്തപുരം ജില്ലയിലെ കഴക്കൂട്ടത്തു ഉപേക്ഷിക്കപ്പെട്ട നിലയില്‍ അഞ്ചു ബോംബുകള്‍ കണ്ടെത്തി. ഒരു പ്ലാസ്റ്റിക് കവറിലാണ് ബോംബുകള്‍ …

നടുറോഡില്‍ കടന്നു പിടിച്ചയാളെ യുവതി തടഞ്ഞുവെച്ചു; ഒടുവില്‍ സംഭവിച്ചത്

by WEB EDITORCRIME, Latest, State Wednesday, 19 June 2024, 14:30Wednesday, 19 June 2024, 14:32No Comments

കൊല്ലം: കൊല്ലം, ആയൂരില്‍ വഴിയാത്രക്കാരിയെ കടന്നു പിടിക്കാന്‍ ശ്രമം. അക്രമിയെ യുവതി തടഞ്ഞുവെച്ച ശേഷം ഓടിക്കൂടിയ ആള്‍ക്കാരുടെ സഹായത്തോടെ പൊലീസിന് കൈമാറി. ചടയമംഗലം സ്വദേശി രാജീവാണ് പിടിയിലായത്.ആയൂര്‍, ചടയമംഗലം റോഡിലെ ഫുട്പാത്തിലൂടെ നടന്നു പോവുകയായിരുന്നു പരാതിക്കാരിയായ യുവതി. ഇതിനിടയില്‍ പിന്തുടര്‍ന്നെത്തിയ രാജീവ് യുവതിയെ കടന്നു പിടിക്കുകയായിരുന്നുവെന്ന് പരാതിയില്‍ പറയുന്നു. അക്രമിയെ തടഞ്ഞുവെച്ച യുവതി ബഹളം വെച്ച് ആളെക്കൂട്ടി. വിവരമറിഞ്ഞ് എത്തിയ ചടയമംഗലം പൊലീസ് യുവതിയുടെ പരാതി പ്രകാരം രാജീവിനെ അറസ്റ്റ് ചെയ്തു. പ്രദേശത്തെ സ്ഥിരം പ്രശ്നക്കാരനാണ് രാജീവെന്ന് …

അമ്മയുടെ പ്രസിഡന്റായി വീണ്ടും നടന്‍ മോഹന്‍ലാല്‍; 25 വര്‍ഷത്തിന് ശേഷം ജനറല്‍ സെക്രട്ടറി സ്ഥാനം ഇടവേള ബാബു ഒഴിഞ്ഞു; പകരം ആര്?

by WEB EDITOREntertainment, Latest, State Wednesday, 19 June 2024, 14:15Wednesday, 19 June 2024, 14:21No Comments

മലയാള സിനിമയിലെ താരസംഘടനയായ അമ്മയുടെ പ്രസിഡന്റായി നടന്‍ മോഹന്‍ലാലിനെ വീണ്ടും തിരഞ്ഞെടുത്തു. എതിരില്ലാതെയാണ് മോഹന്‍ ലാലിന്റെ വിജയം. ഇത് മൂന്നാം തവണയാണ് മോഹന്‍ലാല്‍ അമ്മ പ്രസിഡന്റാകുന്നത്. പ്രസിഡന്റ് സ്ഥാനത്ത് നിന്ന് മോഹന്‍ലാലും മാറി നില്‍ക്കാന്‍ സന്നദ്ധത അറിയിച്ചിരുന്നു. എന്നാല്‍ ലാല്‍ തുടരണം എന്ന് മറ്റുള്ളവര്‍ ആവശ്യപ്പെടുകയായിരുന്നുഅതേസമയം ജനറല്‍ സെക്രട്ടറി, വൈസ് പ്രസിഡന്റ് സ്ഥാനത്തേക്ക് മത്സരം നടക്കും. ഏറെ കാലത്തിന് ശേഷമാണ് അമ്മയുടെ ജനറല്‍ സെക്രട്ടറി സ്ഥാനത്ത് നിന്നും ഇടവേള ബാബു മാറിനില്‍ക്കുന്നത്. ജനറല്‍ സെക്രട്ടറി സ്ഥാനത്തേക്ക് സിദ്ദീഖ്, …

അബുദാബിയില്‍ മലയാളി യുവാവ് കോണിപ്പടിയില്‍ നിന്ന് വീണു മരിച്ചു

by WEB EDITORGulf Wednesday, 19 June 2024, 14:00Monday, 15 July 2024, 3:14No Comments

അബൂദബി: മലയാളി യുവാവ് അബൂദാബിയിലെ വീടിന്റെ കോണിപ്പടിയില്‍ നിന്ന് വീണു മരിച്ചു. കണ്ണൂര്‍ മാടായി വാടിക്കല്‍ സ്വദേശിയും അബുദാബി യൂണിവേഴ്‌സിറ്റി ഇന്റര്‍നാഷണല്‍ അക്രിഡിറ്റേഷന്‍ ഡയറക്ടറുമായ ഡോ.മുഹമ്മദ് റസാഖിന്റെ മകന്‍ മുഹമ്മദ് അമാന്‍ (21) ആണ് മരിച്ചത്. ബിരുദ വിദ്യാര്‍ത്ഥിയായ അമാന്‍ വീടിന്റെ കോണിപ്പടി ഇറങ്ങവേ കാല്‍വഴുതി വീഴുകയും തലക്കേറ്റ ക്ഷതം മൂലം പിന്നീട് മരണപ്പെടുകയുമായിരുന്നു. മൃതദേഹം ബനിയാസ് മോര്‍ച്ചറിയിലേക്ക് മാറ്റി. വാടിക്കല്‍ ഗ്രീന്‍ പാലസില്‍ കെസി ഫാത്തിബി ആണ് മാതാവ്. റോസന്‍ റൈഹാന്‍ എന്നിവര്‍ സഹോദരങ്ങളാണ്.

വായനാപക്ഷാചരണത്തിനു ആവേശകരമായ തുടക്കം; കാസര്‍കോട് ജില്ലാതല ഉദ്ഘാടന പരിപാടി കുമ്പളയില്‍ നടന്നു

by WEB EDITORKasaragod, Latest, local Wednesday, 19 June 2024, 13:38Wednesday, 19 June 2024, 13:47No Comments

കാസര്‍കോട്: വായനാപക്ഷാചരണത്തിന് നാടെങ്ങും ആവേശകരമായ തുടക്കം. കേരള സ്റ്റേറ്റ് ലൈബ്രറി കൗണ്‍സിലിന്റെ നേതൃത്വത്തില്‍ നടന്ന ജില്ലാതല പരിപാടി കുമ്പള സീനിയര്‍ ബേസിക് സ്‌കൂളില്‍ സ്റ്റേറ്റ് ലൈബ്രറി കൗണ്‍സില്‍ അംഗം പി.വി.കെ പനയാല്‍ ഉദ്ഘാടനം ചെയ്തു.ഡോ. പി. പ്രഭാകരന്‍ ആധ്യക്ഷം വഹിച്ചു. രാധാകൃഷ്ണ ഉളിയത്തടുക്ക പി.എന്‍ പണിക്കര്‍ അനുസ്മരണം നടത്തി. ഹെഡ്മാസ്റ്റര്‍ പി. വിജയകുമാര്‍ വായനാസന്ദേശം നല്‍കി. ജില്ലാ പഞ്ചായത്തംഗം ജമീല സിദ്ദിഖ്, കേരള സ്റ്റേറ്റ് ലൈബ്രറി കൗണ്‍സില്‍ അംഗങ്ങളായ പി.കെ അഹമ്മദ് ഹുസൈന്‍, എ. കരുണാകരന്‍, പി. …

മുസ്ലിം വിരുദ്ധ പരാമര്‍ശം; ലോക്കല്‍ സെക്രട്ടറിയുടെ കസേര തെറുപ്പിച്ചു

by WEB EDITORLatest, State Wednesday, 19 June 2024, 12:51Wednesday, 19 June 2024, 12:55No Comments

കോഴിക്കോട്: വാട്സ്ആപ് ഗ്രൂപ്പില്‍ മുസ്ലിം വിരുദ്ധ പരാമര്‍ശം നടത്തിയ സിപിഎം ലോക്കല്‍ സെക്രട്ടറിയെ പുറത്താക്കി. കോഴിക്കോട് ജില്ലയിലെ പുതുപ്പാടി ലോക്കല്‍ കമ്മറ്റി സെക്രട്ടറി പി.കെ. ഷൈജലിനെയാണ് പുറത്താക്കിയത്. ഷൈജല്‍ വാട്സ്ആപ്പ് ഗ്രൂപ്പില്‍ ഇട്ട പോസ്റ്റ് വിവാദമായതിനെ തുടര്‍ന്ന് സിപിഎം പ്രവര്‍ത്തകരും വിവിധ മുസ്ലിം സംഘടനകളും രംഗത്ത് വന്നിരുന്നു. ഇതിന് പിന്നാലെയാണ് ഷൈജലിനെ സെക്രട്ടറി സ്ഥാനത്ത് നിന്ന് നീക്കിയത്. മുസ്ലിം മതവിശ്വാസികളില്‍ തെറ്റിദ്ധാരണയ്ക്ക് ഇടയാക്കും വിധം പോസ്റ്റിട്ടതിനാലാണ് സ്ഥാനത്ത് നിന്ന് നീക്കിയതെന്നു പാര്‍ട്ടി നേതൃത്വം വാര്‍ത്താകുറിപ്പില്‍ വ്യക്തമാക്കി.