മറ്റൊരാളുമായി ബന്ധമെന്നു സംശയം; പൊലീസുകാരിയായ ഭാര്യയെ വെട്ടിക്കൊന്ന് യുവാവ് ജീവനൊടുക്കി, മക്കളും ഭാര്യാമാതാവും കൊല്ലപ്പെട്ട നിലയില്‍
മറ്റൊരാളുമായി ബന്ധം ഉണ്ടെന്ന സംശയത്തെ തുടര്‍ന്ന് പൊലീസുകാരിയായ ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ജീവനൊടുക്കി. യുവാവിന്റെ മാതാവിനെയും രണ്ടു മക്കളെയും വീട്ടിനകത്തു വെട്ടേറ്റു മരിച്ച നിലയിലും കണ്ടെത്തി. ഇവരെ കൊലപ്പെടുത്തിയത് ഭാര്യയാണെന്നും അതിനുള്ള പ്രതികാരമെന്ന നിലയിലാണ് ഭാര്യയെ കൊലപ്പെടുത്തിയതെന്നു വ്യക്തമാക്കുന്ന ആത്മഹത്യാകുറിപ്പും പൊലീസ് കണ്ടെത്തി. ബീഹാറിലെ ഭാഗല്‍പൂരിലാണ് നാടിനെ നടുക്കിയ സംഭവം നടന്നത്. പൊലീസ് കോണ്‍സ്റ്റബിളായ നീതുവിനെയാണ് ഭര്‍ത്താവായ പങ്കജ് വെട്ടിക്കൊലപ്പെടുത്തിയത്. രാവിലെ വീട്ടിലേക്ക് പാലുമായി എത്തിയ ആളാണ് ചോരയില്‍ കുളിച്ച നിലയില്‍ നീതുവിന്റെ മൃതദേഹം കണ്ടത്. …
