കാസര്കോട്: കാസര്കോട്ടെ സുഹൃത്തുക്കളെ കാണാന് എത്തിയ അക്കൗണ്ടന്റ് ബസ് യാത്രക്കിടയില് കുഴഞ്ഞു വീണു മരിച്ചു. തളങ്കര, പുതിയ വളപ്പ് തറവാട്ടിലെ പരേതരായ ഒതേന് അയിത്താര്-നാരായണി ദമ്പതികളുടെ മകന് പി.വി രവീന്ദ്രന് (71) ആണ് മരിച്ചത്. വര്ഷങ്ങളായി തലപ്പാടിയില് താമസക്കാരനായ രവീന്ദ്രന് മംഗ്ളൂരുവില് ചാര്ട്ടേഡ് അക്കൗണ്ടന്റായി ജോലി ചെയ്തുവരികയായിരുന്നു. ശനിയാഴ്ചയും ജോലിക്കുപോയിരുന്നതായി ബന്ധുക്കള് പറഞ്ഞു. ഞായറാഴ്ച അവധിയായതിനാല് കാസര്കോട്ടെ സുഹൃത്തുക്കളെ കാണാന് എത്തിയതായിരുന്നു രവീന്ദ്രന്. സുഹൃത്തുക്കളെ സന്ദര്ശിച്ച് കുശലാന്വേഷണം നടത്തി സ്വകാര്യ ബസില് തലപ്പാടിയിലേക്ക് തിരികെ പോകുന്നതിനിടയിലാണ് സംഭവം. ബസിനകത്തു കുഴഞ്ഞു വീണ രവീന്ദ്രനെ ഉടന് ജനറല് ആശുപത്രിയിലെത്തിച്ചുവെങ്കിലും ജീവന് രക്ഷിക്കാനായില്ല. മൃതദേഹം പോസ്റ്റുമോര്ട്ടത്തിനു ശേഷം ബന്ധുക്കള്ക്കു വിട്ടു കൊടുത്തു. ഭാര്യ: യാഗിനി. സഹോദരങ്ങള്: ലക്ഷ്മി, മണി, പരേതനായ ശേഖരന്.
12 വർഷത്തെ നരേന്ദ്ര മോദി ഭരണം : രാജ്യത്തെ വികസന സുവർണകാലം:കെ. ശ്രീകാന്ത്
Wednesday, 17 June 2026, 22:34
