Author: WEB EDITOR

കണ്ണൂര്‍: പതിനാലുകാരിയെ മാനഭംഗപ്പെടുത്തിയ വ്യാപാരിക്കെതിരെ പോക്‌സോ പ്രകാരം കേസെടുത്തു. തളിപ്പറമ്പ, കൂവേരി, എറങ്കോപ്പൊയിലിലെ വത്സനെതിരെയാണ് തളിപ്പറമ്പ് പൊലീസ് കേസെടുത്തത്. സെപ്തംബര്‍ 22നാണ് കേസിനാസ്പദമായ സംഭവം. ലൈംഗിക ഉദ്ദേശത്തോടെ പെണ്‍കുട്ടിയെ മാറില്‍ കയറിപ്പിടിക്കുകയായിരുന്നുവെന്നു പറയുന്നു. വിവരം കുട്ടി വീട്ടുകാരെ അറിയിച്ചതിനെ തുടര്‍ന്ന് രക്ഷിതാക്കള്‍ അധികൃതരെ അറിയിച്ചു. തുടര്‍ന്ന് പെണ്‍കുട്ടിയുടെ മൊഴിയെടുത്ത ശേഷമാണ് വത്സനെതിരെ പോക്‌സോ കേസെടുത്തത്.

കണ്ണൂര്‍: ഏഴാം ക്ലാസ് വിദ്യാര്‍ത്ഥിനിയെ കടന്നുപിടിച്ചുവെന്ന പരാതിയില്‍ സ്‌കൂള്‍ പ്യൂണിനെ പോക്‌സോ പ്രകാരം കേസെടുത്ത് അറസ്റ്റു ചെയ്തു. തളിപ്പറമ്പ് പൊലീസ് സ്റ്റേഷന്‍ പരിധിയിലെ ഒരു ഹൈസ്‌കൂളില്‍ പ്യൂണായ ഒരാളെയാണ് തളിപ്പറമ്പ് പൊലീസ് അറസ്റ്റു ചെയ്തത്. സ്‌കൂള്‍ കലോത്സവത്തിന്റെ ഭാഗമായി പരിശീലനത്തിനു പോയപ്പോഴായിരുന്നു പീഡനം ഉണ്ടായതെന്നു പരാതിയില്‍ പറഞ്ഞു. കുട്ടി തന്നെയാണ് വിവരം സ്‌കൂള്‍ അധികൃതരെ അറിയിച്ചത്.