മഞ്ചേശ്വരം: റെയില്‍വെയുടെ ഉടമസ്ഥതയിലുള്ള സ്ഥലത്ത് നിന്നും ലക്ഷങ്ങള്‍ വിലയുള്ള തേക്കുമരങ്ങള്‍ മുറിച്ചു കടത്തിയതായി പരാതി. റെയില്‍വെ അധികൃതര്‍ നല്‍കിയ പരാതിയില്‍ മഞ്ചേശ്വരം പൊലീസ് കേസെടുത്ത് അന്വേഷണം തുടങ്ങി. വാമഞ്ചൂര്‍ ചെക്ക്പോസ്റ്റിന് സമീപത്ത് കാടുപിടിച്ചു കിടക്കുന്ന സ്ഥലത്തെ വര്‍ഷങ്ങള്‍ പഴക്കമുള്ള തേക്കുമരങ്ങളാണ് അജ്ഞാതര്‍ മുറിച്ചു കടത്തിയത്. കഴിഞ്ഞ ദിവസമാണ് മരം മോഷണം പോയ വിവരം അധികൃതര്‍ അറിഞ്ഞത്. തേക്കുമരം കൊള്ളക്കാരെ കണ്ടെത്തുന്നതിന് പൊലീസ് സമീപ പ്രദേശങ്ങളിലെ സിസിടിവി ക്യാമറകളിലെ ദൃശ്യങ്ങള്‍ പരിശോധിച്ചു വരികയാണ്. സ്ഥലത്തെക്കുറിച്ചും മരം മുറിയില്‍ പരിചയവുമുള്ള ആരെങ്കിലുമായിരിക്കും മരം കൊള്ളക്ക് പിന്നിലെന്ന് സംശയിക്കുന്നു.
നെല്ലിക്കുന്നില് പാര്ക്ക് ചെയ്ത കാറിന് മുകളില് മതിലിടിഞ്ഞ് വീണു തകര്ന്നു; ആളപായമില്ല
Friday, 26 July 2024, 14:51
