കൊച്ചി:യുവതിക്ക് ലിഫ്റ്റ് കൊടുത്ത് കാറില്‍ കൊണ്ട് പോയി പീഡിപ്പിച്ച സംഭവത്തില്‍ പ്രതി അറസ്റ്റില്‍.അങ്കമാലി തുറവൂർ സ്വദേശി വിമല്‍ ആന്‍റോ വർഗീസിനെയാണ് അങ്കമാലി പൊലീസ് കഴി‌ഞ്ഞ ദിവസം അറസ്റ്റ് ചെയ്തത്. സമാനമായ സംഭവത്തില്‍ ഇയാള്‍ക്കെതിരെ കാലടി പൊലീസ് സ്റ്റേഷനിലും കേസ് നിലവിലുണ്ടെന്ന് പൊലീസ് പറഞ്ഞു.
        കഴിഞ്ഞ മാസം പത്തൊൻപതാം തീയ്യതിയായിരുന്നു സംഭവം. യുവതിയുമായി പരിചയത്തിലായിരുന്ന വിമല്‍ ആന്‍റോ വർഗീസ് വീട്ടിലെത്തിക്കാമെന്ന് പറ‌ഞ്ഞാണ് യുവതിയെ വഴിയില്‍ നിന്ന് കാറില്‍ കയറ്റിയത്. പിന്നീട് ഒരു ദ്രാവകം നല്‍കി. ഇത് കുടിച്ചതോടെ യുവതി മയങ്ങി. പിന്നീട് തുറവൂരിലുള്ള ഇയാളുടെ വീട്ടിൽ  കൊണ്ടുപോയി ലൈംഗികമായി  പീഡിപ്പിച്ചു. സംഭവം പുറത്തുപറഞ്ഞാല്‍ യുവതിയെയും കുടുംബത്തേയും കൊലപ്പെടുത്തുമെന്നും, നഗ്നചിത്രങ്ങള്‍ സോഷ്യല്‍ മീഡിയയില്‍ പ്രചരിപ്പിക്കുമെന്നും ഭീഷണിപ്പെടുത്തി വീണ്ടും പീഡിപ്പിച്ചതായും യുവതിയുടെ പരാതിയിൽ പറയുന്നു. പൊലീസ് അറസ്റ്റ്  ചെയ്ത പ്രതിയെ റിമാൻഡ് ചെയ്തു.