കണ്ണൂര്: കണ്ണൂര് കോര്പറേഷന് മേയറായി മുസ്ലിം ലീഗിലെ മുസ്ളീഹ് മഠത്തില് ചുമതലയേറ്റു. തിങ്കളാഴ്ച്ച രാവിലെ പതിനൊന്നു മണിയോടെ നടന്ന തെരഞ്ഞെടുപ്പില് എല്.ഡി.എഫിലെ എന്. സുകന്യയൊണ് 17 വോട്ടുകള്ക്ക് പരാജയപ്പെടുത്തിയത്. യു.ഡി.എഫ് സ്ഥാനാര്ത്ഥിയായി മത്സരിച്ച മുസ്ലിഹ് മഠത്തിലിന് 36 വോട്ടുകളും എന്.സുകന്യയ്ക്ക് 18 വോട്ടുകളും ലഭിച്ചു. എല്.ഡി.എഫ് പക്ഷത്തുനിന്നും ഒരു വോട്ട് യു.ഡി.എഫ് മേയര് സ്ഥാനാര്ത്ഥിക്ക് ലഭിച്ചു. ബി.ജെ.പിയുടെ ഏക കൗണ്സിലര് വി.കെ ഷൈജു വോട്ടെടുപ്പില് പങ്കെടുത്തില്ല. കണ്ണൂരിന്റെ അഞ്ചാമത്തെ മേയറാണ് മുസ്ലിഹ് മഠത്തില്.
![](https://mlozaudj56ft.i.optimole.com/w:576/h:450/q:mauto/f:best/https://malayalam.karavaldaily.com/wp-content/uploads/2024/07/inbound3740448758195716508.jpg)