ഡിണ്ടിഗല്- ശബരി റെയില് പാതയില് സാധ്യതാ പഠനം നടത്തുമെന്ന് റെയില്വേ മന്ത്രി അശ്വനി വൈഷ്ണവ്
ന്യൂഡല്ഹി: ഡിണ്ടിഗല്- ശബരി റെയില് പാതയില് സാധ്യതാ പഠനം നടത്തുമെന്ന് റെയില്വേ മന്ത്രി അശ്വനി വൈഷ്ണവ്. ലോക് സഭയില് ചോദ്യോത്തരവേളയില് സംസാരിക്കുകയായിരുന്നു മന്ത്രി. അങ്കമാലി- ശബരിമല പാതയില് സ്ഥലം ഏറ്റെടുക്കല് പൂര്ത്തിയാക്കിയാല് പാത നിര്മാണം തുടങ്ങുമെന്നും മന്ത്രി അറിയിച്ചു. എന്നാല് ഭൂമി ഏറ്റെടുക്കല് നടപടികളുടെ നിലവിലെ പുരോഗതിയെക്കുറിച്ചുള്ള ആന്റോ ആന്റണി എംപി ഉള്പ്പെടെയുള്ളവരുടെ ചോദ്യങ്ങള്ക്ക് മന്ത്രി വ്യക്തമായ മറുപടി നല്കിയില്ല. ശബരിമല തീര്ത്ഥാടകര്ക്കായി നിര്ദ്ദേശിക്കപ്പെട്ട ഒരു റെയില്വേ പദ്ധതിയാണ് ഡിണ്ടിഗല്-ശബരി റെയില് പാത.
