ന്യൂഡൽഹി : ആഴ്ചയിൽ അഞ്ചു ദിവസത്തെ പണി മതിയെന്ന് ആവശ്യപ്പെട്ടു ബാങ്ക് ജീവനക്കാർ ഇന്നു രാജ്യവ്യാപകമായി പണിമുടക്കും. പണിമുടക്ക് ബാങ്ക് പ്രവർത്തനം തടസ്സപ്പെടുത്തിയേക്കുമെന്ന് സൂചനയുണ്ട്. എല്ലാ ശനിയാഴ്ചയും ബാങ്ക് അവധിയാക്കണം എന്ന യൂണിയനുകളുടെ ആവശ്യത്തെക്കുറിച്ച് ലേബർ കമ്മീഷണറു മായി നടത്തിയ ചർച്ച പരാജയപ്പെട്ടതിനെത്തുടർന്നാണ് ബാങ്ക് ജീവനക്കാരുടെ 9 സംഘടനകൾ ചേർന്നു പണിമുടക്ക് ആഹ്വാനം നൽകിയിട്ടുള്ളത്. രണ്ടാമത്തെയും നാലാമത്തെയും ശനിയാഴ്ച നിലവിൽ ബാങ്ക് ജീവനക്കാർക്ക് അവധിയാണ്. എന്നാൽ സ്വകാര്യ ബാങ്കുകളെ പണിമുടക്കു ബാധിക്കില്ല.
