WEB EDITOR, Author at Karaval Daily : Page 203 of 260

എം.കോം വിദ്യാര്‍ത്ഥിനി കിടപ്പുമുറിയില്‍ തൂങ്ങി മരിച്ച നിലയില്‍

by WEB EDITORLocal News Monday, 3 February 2025, 10:39Monday, 3 February 2025, 10:39No Comments

കാസര്‍കോട്: എംകോം വിദ്യാര്‍ത്ഥിനിയെ വീട്ടിലെ കിടപ്പുമുറിയില്‍ തൂങ്ങി മരിച്ച നിലയില്‍ കണ്ടെത്തി. വൊര്‍ക്കാടി, കെദംപാടിയിലെ ഇബ്രാഹിമിന്റെ മകള്‍ ആമിനത്ത് റിയാന (22)യാണ് മരിച്ചത്. വിദൂര വിദ്യാഭ്യാസ പദ്ധതി പ്രകാരമാണ് എംകോമിനു പഠിച്ചു കൊണ്ടിരുന്നത്. ഞായറാഴ്ച ഉച്ച കഴിഞ്ഞ് രണ്ടു മണിക്കും രണ്ടര മണിക്കും ഇടയിലാണ് ആമിനത്ത് റിയാന തൂങ്ങിയതെന്നു മഞ്ചേശ്വരം പൊലീസ് രജിസ്റ്റര്‍ ചെയ്ത കേസില്‍ പറയുന്നു. ഭക്ഷണം കഴിക്കാനായി വിളിച്ചപ്പോള്‍ യുവതി പുറത്തേക്ക് വന്നില്ല. വാതില്‍ തുറക്കാന്‍ ശ്രമിച്ചപ്പോള്‍ അകത്തു നിന്നു കുറ്റിയിട്ടതായി വ്യക്തമായി. തുടര്‍ന്ന് …

കുണ്ടംകുഴിയിലെ ജ്യോത്സ്യന്റെ ഭാര്യയെ കാണാതായി; വീടുവിട്ടത് ‘ഞാന്‍ പോകുന്നു’ വെന്ന് കത്ത് എഴുതി വച്ച ശേഷം

by WEB EDITORLocal News Monday, 3 February 2025, 10:27Monday, 3 February 2025, 10:52No Comments

കാസര്‍കോട്: കുണ്ടംകുഴി ശ്രീനിലയത്തിലെ ടി.കെ രത്‌നാകരന്റെ ഭാര്യ ശ്രീകല (52)യെ കാണാതായി. ജ്യോത്സ്യനാണ് രത്‌നാകരന്‍. ശനിയാഴ്ച രാവിലെ എട്ടു മണിക്കും രാത്രി 10.45 മണിക്കും ഇടയിലുള്ള സമയത്താണ് ശ്രീകലയെ കാണാതായതെന്നു രത്‌നാകരന്‍ ബേഡകം പൊലീസില്‍ നല്‍കിയ പരാതിയില്‍ പറഞ്ഞു. ‘ ഞാന്‍ പോകുന്നു’ എന്ന് കുറിപ്പ് എഴുതി വച്ചാണ് ശ്രീകല വീട്ടില്‍ നിന്നു പോയത്. സംഭവത്തില്‍ ബേഡകം പൊലീസ് കേസെടുത്ത് അന്വേഷണം തുടങ്ങി. ശ്രീകല കണ്ണൂര്‍ ജില്ലയില്‍ ഉണ്ടെന്നാണ് പൊലീസ് അന്വേഷണത്തില്‍ ലഭിച്ച വിവരം.

നാലുകിലോ വ്യാജസ്വര്‍ണ്ണവുമായി യുവതീയുവാക്കള്‍ ചെറുവത്തൂരില്‍ പിടിയില്‍; നിധിയെന്ന് പറഞ്ഞ് സിനിമാ പ്രവര്‍ത്തകനു വില്‍ക്കാന്‍ ശ്രമിച്ചു, ഓരോ മാലയ്ക്കും 2 കിലോ വീതം തൂക്കം, വിവിധ സ്ഥലങ്ങളില്‍ സമാന തട്ടിപ്പുകള്‍ നടത്തിയതായി സംശയം

by WEB EDITORLocal News Monday, 3 February 2025, 10:17Monday, 3 February 2025, 10:18No Comments

കാസര്‍കോട്: നാലുകിലോ വ്യാജ സ്വര്‍ണ്ണവുമായി യുവതീയുവാക്കള്‍ അറസ്റ്റില്‍. കര്‍ണ്ണാടക, മാണ്ട്യ, സാഗര്‍ ശ്രീരംഗ പട്ടണത്തെ ധര്‍മ്മ (42), ശ്യാംലാല്‍ (42) എന്നിവരാണ് അറസ്റ്റിലായത്. ശ്യാംലാലിന്റെ ഭാര്യയേയും പൊലീസ് കസ്റ്റഡിയിലെടുത്തിട്ടുണ്ട്. പൂക്കച്ചവടക്കാരാണ് മൂന്നുപേരും. ചെറുവത്തൂര്‍ റെയില്‍വെ സ്റ്റേഷനു സമീപത്തെ വാടക വീട്ടിലാണ് ഇവര്‍ താമസം. മാലകള്‍ ഒരു സിനിമാ പ്രവര്‍ത്തകനു 15 ലക്ഷം രൂപയ്ക്കു വില്‍പ്പന നടത്താന്‍ ശ്രമിച്ചതോടെയാണ് തട്ടിപ്പ് സംഭവത്തിന്റെ തുടക്കം. ഈ വിവരം സിനിമാ പ്രവര്‍ത്തകന്‍ ജില്ലാ പൊലീസ് മേധാവി ഡി. ശില്‍പയുടെ കീഴിലുള്ള സ്‌ക്വാഡ് …

മനോ വ്യാപാരം പലവക

by WEB EDITORCulture Monday, 3 February 2025, 9:42Monday, 3 February 2025, 10:32No Comments

നാരായണന്‍ പേരിയ മാധ്യമ മേഖലയുടെ വിശ്വാസ്യത തകര്‍ന്നു പോകരുത്ഇക്കാലത്ത് അങ്ങനെ സംഭവിക്കുന്നുണ്ട് എന്ന് മന്ത്രി വി അബ്ദുറഹിമാന്‍ പറയുന്നു. മദ്യ മാഫിയക്കെതിരെ തൂലിക ചലിപ്പിച്ചതിന്, വധശ്രമത്തിനിരയായിരുന്ന ധീരനായ കെ കൃഷ്ണന്റെ വേര്‍പാടിന്റെ ഇരുപതാം വര്‍ഷത്തില്‍ പത്രപ്രവര്‍ത്തകര്‍ക്കുള്ള അവാര്‍ഡ് സമര്‍പ്പിച്ചുകൊണ്ട് നടത്തിയ പ്രസംഗത്തിനിടയിലായിരുന്നു മന്ത്രി ഈ നിലപാട് വ്യക്തമാക്കിയത്. മാധ്യമപ്രവര്‍ത്തകര്‍ക്കുള്ള മുന്നറിയിപ്പും താക്കീതും. വാര്‍ത്ത പ്രസിദ്ധീകരിക്കുന്നതില്‍ അങ്ങേയറ്റം സത്യസന്ധത പുലര്‍ത്തണം എന്ന് ചൂണ്ടിക്കാട്ടിയ മന്ത്രി, ചില വാര്‍ത്തകള്‍ക്ക് മുമ്പില്‍ ചില ലേഖകര്‍ നിസ്സഹായരാകുന്നു, പതറുന്നു എന്ന് പറഞ്ഞു. ഇതിന് …

Read more “മനോ വ്യാപാരം പലവക”

പോക്‌സോ കേസിലെ ഇരയായ പെണ്‍കുട്ടി ഗുരുതര നിലയില്‍; ആണ്‍ സുഹൃത്ത് കസ്റ്റഡിയില്‍

by WEB EDITORState Wednesday, 29 January 2025, 9:25Wednesday, 29 January 2025, 9:25No Comments

കൊച്ചി: പോക്‌സോ കേസിലെ ഇരയായ 19കാരിയെ വീട്ടിനുള്ളില്‍ ഗുരുതര നിലയില്‍ കണ്ടെത്തി. സംഭവത്തില്‍ പെണ്‍കുട്ടിയുടെ ആണ്‍ സുഹൃത്തിനെ പൊലീസ് കസ്റ്റഡിയിലെടുത്തു. അര്‍ധനഗ്നയായ നിലയില്‍ പെണ്‍കുട്ടിയെ ഞായറാഴ്ചയാണ് വീട്ടിനകത്തു അവശനിലയില്‍ കണ്ടെത്തിയത്. കഴുത്തില്‍ കയര്‍ മുറുകിയതിന്റെ അടയാളങ്ങളും കൈയില്‍ മുറിവും ഉണ്ടായിരുന്നു. പെണ്‍കുട്ടി നിലവില്‍ കൊച്ചിയിലെ സ്വകാര്യ ആശുപത്രിയില്‍ ചികിത്സയിലാണ്. പൊലീസ് കസ്റ്റഡിയിലുള്ള ആണ്‍ സുഹൃത്താണ് പെണ്‍കുട്ടിയെ മര്‍ദ്ദിച്ചതെന്നു സംശയിക്കുന്നു. തല്ലുകേസിലെ പ്രതിയായ ഇയാള്‍ പെണ്‍കുട്ടിയുടെ കഴുത്തില്‍ കയര്‍ കുരുക്കിയതാണോയെന്നും സംശയിക്കുന്നുണ്ട്. ഇയാളെ വിശദമായി ചോദ്യം ചെയ്തു വരികയാണെന്നു …

ഭാര്യാ പീഡനം; ആത്മഹത്യാ കുറിപ്പ് എഴുതി വച്ച് ഭര്‍ത്താവ് ജീവനൊടുക്കി

by WEB EDITORNational Tuesday, 28 January 2025, 14:52Tuesday, 28 January 2025, 14:52No Comments

ബംഗ്‌ളൂരു: ഭാര്യാ പീഡനത്തില്‍ മനംനൊന്താണെന്നു പറയുന്നു, ആത്മഹത്യാ കുറിപ്പ് എഴുതി വച്ച് യുവാവ് ജീവനൊടുക്കി. ബംഗ്‌ളൂരു, ചാമുണ്ഡേശ്വരി നഗറിലെ പേത്തൂരു എന്ന പീറ്റര്‍ ഗൊല്ലറള്ളി (40)യാണ് ജീവനൊടുക്കിയത്. പിബെ എന്ന പിങ്കിയും പീറ്ററും തമ്മിലുള്ള വിവാഹം രണ്ടുവര്‍ഷം മുമ്പാണ് നടന്നത്. എന്നാല്‍ ആദ്യത്തെ മൂന്നു മാസത്തിനു അകം ഇരുവരും തമ്മിലുള്ള ദാമ്പത്യത്തില്‍ വിള്ളല്‍ വീണു. പ്രശ്‌നം രൂക്ഷമായതോടെ പിങ്കി പിണങ്ങി സ്വന്തം വീട്ടിലേയ്ക്ക് പോയി. വിവാഹ മോചനം നടത്തുന്നതിനു പത്തുലക്ഷം രൂപ ആവശ്യപ്പെടുകയും ചെയ്തു. ഇതിനു പിന്നാലെയാണ് …

കൊലക്കേസ് പ്രതി വീട്ടിനുള്ളിൽ തൂങ്ങി മരിച്ചു

by WEB EDITORState Monday, 27 January 2025, 19:16Monday, 27 January 2025, 19:16No Comments

ആലപ്പുഴ:യുവതിയെ കുത്തിക്കൊന്ന കേസിൽ ജീവപര്യന്തം തടവ് ശിക്ഷക്കു . വിധിക്കപ്പെട്ട 55 കാരൻ പരോളിലിറങ്ങി വീട്ടിനുള്ളിൽ തൂങ്ങി മരിച്ചു .വള്ളിക്കുന്നം കാമ്പിശ്ശേരിയിൽ 2022 യിൽ യുവതിയെ കുത്തിക്കൊന്ന കേസിലെ പ്രതി ഭരണിക്കാവിലെ പ്രിൻസ് ആണ് ആത്മഹത്യ ചെയ്തത്.പരോൾ കഴിഞ്ഞു ശനിയാഴ്ച തിരുവനന്തപുരം സെൻട്രൽ ജയിലിൽ തിരിച്ചെത്തേണ്ടതായിരുന്നു.എന്നാൽ പ്രതി ജയിലിലെത്താതിരുന്നതിനെതുടർന്ന് നടത്തിയ അന്വേഷണത്തിലാണ് വീട്ടിനുള്ളിൽ ആത്മഹത്യ ചെയ്ത നിലയിൽ കണ്ടെത്തിയ തെന്നു പറയുന്നു.

കുമ്പള ആരിക്കാടി ഹനുമാൻ കോട്ടയിലെ കിണറ്റിൽ നിധി വേട്ട: മൊഗ്രാൽപുത്തൂർ പഞ്ചായത്ത് വൈസ് പ്രസിഡൻ്റടക്കം 5 പേർ കസ്റ്റഡിയിൽ

by WEB EDITORLocal News Monday, 27 January 2025, 18:00Monday, 27 January 2025, 20:42No Comments

കാസർകോട്: കാസർകോട് ജില്ലയിലെ കുമ്പള ആരിക്കാടി ഹനുമാൻ കോട്ടയ്ക്കടുത്തെ ഹനുമാൻ ക്ഷേത്ര കിണറ്റിൽ നിധി കിളച്ചെടുക്കാൻ ശ്രമിക്കുന്നതിനിടയിൽ സംഘത്തിലെ അഞ്ചു പേരെ കുമ്പള പൊലീസ് കസ്റ്റഡിയിലെത്തു. മൊഗ്രാൽപുത്തൂർ പഞ്ചായത്ത് വൈസ് പ്രസിഡൻറ് മുജീബ് കമ്പാർ (46 ), പൊവ്വൽ സ്വദേശി മുഹമ്മദ് ഫിറോസ് (28) , മൊഗ്രാൽ പുത്തൂർ സ്വദേശി ജാഫർ ( 26 ), പാലക്കുന്ന് സ്വദേശി അജാസ് (26 ) നീലേശ്വരം ബംഗളം സ്വദേശി സഹദുദ്ദീൻ’കുമ്പള (26) എന്നിവരാണ് പൊലീസ് കസ്റ്റഡിയിലുള്ളത്.ഇവർ കോട്ടയിലെത്തിയ രണ്ടു …

ഭര്‍ത്താക്കന്മാര്‍ കുടിച്ചു പൂസായി മര്‍ദ്ദനം പതിവാക്കി; മനംനൊന്ത് വീടു വിട്ടിറങ്ങിയ ഭാര്യമാര്‍ പരസ്പരം വിവാഹിതരായി

by WEB EDITORNational Sunday, 26 January 2025, 14:05Sunday, 26 January 2025, 14:05No Comments

മദ്യലഹരിയില്‍ വീട്ടിലെത്തി പീഡിപ്പിക്കുന്നത് പതിവാക്കിയതില്‍ മനം നൊന്ത് വീടുവിട്ടിറങ്ങിയ ഭാര്യമാര്‍ പരസ്പരം വിവാഹിതരായി. ഉത്തര്‍പ്രദേശിലെ ഖൊരഖ്പൂരില്‍ നിന്നാണ് വിചിത്രമായ വാര്‍ത്ത പുറത്തുവന്നത്. ക്ഷേത്രനടയിലെത്തിയ ശേഷം യുവതികളിലൊരാളായ ഗുഞ്ച വരന്റെ വേഷം ധരിച്ചു കവിതയുടെ നെറ്റിയില്‍ സിന്ദൂരം ചാര്‍ത്തിയും പരസ്പരം വരണമാല്യം കൈമാറുകയും ചെയ്താണ് വിവാഹിതരായത്. തുല്യ ദുഃഖിതരായിരുന്നു ഗുഞ്ചയും കവിതയും. ഭര്‍ത്താക്കന്മാരുടെ മദ്യപാന ശീലത്തില്‍ മടുത്ത രണ്ടു യുവതികളും സാമൂഹ്യ മാധ്യമത്തിലൂടെയാണ് ആദ്യം പരിചയപ്പെട്ടത്. ഇരുവരും സമഃദുഃഖിതരാണെന്നു അറിഞ്ഞതോടെ സൗഹൃദത്തിന്റെ ആഴം കൂടി. ആറു വര്‍ഷത്തോളം ഇരുവരും …

കാമുകി കാലുമാറി: നേരത്തെ നല്‍കിയ ബൈക്കും മൊബൈല്‍ ഫോണും തിരികെ മേടിക്കാന്‍ എത്തിയ യുവാവിനെ യുവതിയുടെ പുതിയ കാമുകന്‍ തോക്കു കാട്ടി ആക്രമിച്ചു

by WEB EDITORNational Sunday, 26 January 2025, 13:21Sunday, 26 January 2025, 13:21No Comments

ബംഗ്‌ളൂരു: കാമുകി കാലുമാറി മറ്റൊരാളുമായി പ്രണയത്തിലായതിനു പിന്നാലെ പൂര്‍വ്വ കാമുകന് മര്‍ദ്ദനം. യുവതിയുമായി പ്രണയത്തിലുണ്ടായിരുന്ന സമയത്ത് കാമുകിക്ക് സമ്മാനമായി നല്‍കിയ ബൈക്കും മൊബൈല്‍ ഫോണും തിരികെ വാങ്ങിക്കാനെത്തിയ യുവാവിനെയാണ് യുവതിയുടെ പുതിയ കാമുകന്‍ തോക്കു കാണിച്ച് ഭീഷണിപ്പെടുത്തിയ ശേഷം അക്രമിച്ചത്. കഴിഞ്ഞ ദിവസം അമൃല്ലെ പൊലീസ് സ്റ്റേഷനു സമീപത്താണ് സംഭവം. സംഭവത്തില്‍ നേപ്പാള്‍ സ്വദേശി ബികാസി(26)നെ അമൃല്ലെ പൊലീസ് അറസ്റ്റു ചെയ്തു.ജക്കൂര്‍ ലേഔട്ടിലെ പത്ത് ബി ക്രോസില്‍ താമസിക്കുന്ന നേപ്പാള്‍ സ്വദേശിയായ ലോകേഷ് (25)ആണ് അക്രമത്തിനു ഇരയായത്. …

ഉദുമ, പള്ളത്ത് യുവാവ് ട്രെയിന്‍ തട്ടി മരിച്ചു

by WEB EDITORLocal News Sunday, 26 January 2025, 12:50Sunday, 26 January 2025, 16:14No Comments

കാസര്‍കോട്: ഉദുമ, പള്ളത്ത് യുവാവിനെ ട്രെയിന്‍ തട്ടി മരിച്ച നിലയില്‍ കണ്ടെത്തി. തിരിച്ചറിയാന്‍ പറ്റാത്ത രീതിയിലാണ് മൃതദേഹം കാണപ്പെട്ടത്. വിവരമറിഞ്ഞ് ബേക്കല്‍ പൊലീസ് സ്ഥലത്തെത്തി അന്വേഷണം ആരംഭിച്ചു. ഞായറാഴ്ച ഉച്ചക്കാണ് സംഭവം. ട്രെയിനില്‍ നിന്നു വീണതാണോ നടന്നു പോകുന്നതിനിടയില്‍ ട്രെയിന്‍ തട്ടി മരിച്ചതാണോയെന്നതില്‍ വ്യക്തതയില്ല.

ദൗത്യസംഘത്തിനു നേരെ കടുവ ആക്രമണം; ആര്‍ആര്‍ടി അംഗത്തിനു ഗുരുതര പരിക്ക്, കടുവയ്ക്ക് വെടിയേറ്റു

by WEB EDITORState Sunday, 26 January 2025, 11:35Sunday, 26 January 2025, 11:40No Comments

കല്‍പ്പറ്റ: വയനാട് ജില്ലയിലെ പഞ്ചാരക്കൊല്ലിയില്‍ സ്ത്രീയെ കൊലപ്പെടുത്തിയ നരഭോജി കടുവയെ കണ്ടെത്താനുള്ള തെരച്ചിലിനിടയില്‍ കടുവ ആക്രമണം. ആര്‍.ആര്‍.ടി സംഘാംഗത്തിനു പരിക്കേറ്റു. മാനന്തവാടി ആര്‍ആര്‍ടി സംഘത്തിലെ ജയസൂര്യയ്ക്കാണ് പരിക്കേറ്റത്. പരിക്ക് ഗുരുതരമാണെന്നാണ് റിപ്പോര്‍ട്ടുകള്‍.ഇയാളെ വനത്തില്‍ നിന്നു പുറത്തെത്തിക്കാനുള്ള ശ്രമത്തിലാണ് ദൗത്യസംഘം. ദൗത്യസംഘത്തിനു നേരെ കടുവ ആക്രമണം ഉണ്ടായ കാര്യം വനംവകുപ്പ് മന്ത്രി എ.കെ ശശീന്ദ്രനും സ്ഥിരീകരിച്ചു. വെടിയേറ്റ കടുവയാണ് അക്രമിച്ചതെന്നാണ് സൂചന.പഞ്ചാരക്കൊല്ലിയില്‍ സ്ത്രീയെ ആക്രമിച്ചു കൊലപ്പെടുത്തിയ കടുവയെ കണ്ടെത്താനുള്ള ദൗത്യസംഘം ഞായറാഴ്ച പുലര്‍ച്ചെയാണ് വനത്തിലേക്ക് കയറിയത്. തറാട്ട് ഭാഗത്ത് …

ഉദുമ, കൊപ്പല്‍ ബീച്ച് റോഡില്‍ കൂലിപണിക്കാരന്‍ കിണറ്റില്‍ തൂങ്ങി മരിച്ച നിലയില്‍

by WEB EDITORLocal News Sunday, 26 January 2025, 11:19Sunday, 26 January 2025, 11:19No Comments

കാസര്‍കോട്: കൂലിപ്പണിക്കാരനെ കിണറ്റില്‍ തൂങ്ങി മരിച്ച നിലയില്‍ കണ്ടെത്തി. ഉദുമ, കൊപ്പല്‍ ബീച്ച് റോഡിലെ പരേതനായ ജനാര്‍ദ്ദനന്റെ മകന്‍ കെ. ജയദീപ് (50)ആണ് ജീവനൊടുക്കിയത്. ശനിയാഴ്ച രാത്രി ഏഴരമണിയോടെയാണ് സംഭവം. മൃതദേഹം ജനറല്‍ ആശുപത്രി മോര്‍ച്ചറിയില്‍ പോസ്റ്റുമോര്‍ട്ടം ചെയ്തു. ബേക്കല്‍ പൊലീസ് കേസെടുത്തു. മാതാവ്: കുഞ്ഞമ്മ. ഭാര്യ: ലിസ. മകള്‍: സിയ. സഹോദരങ്ങള്‍: ഉഷ, വിജയലക്ഷ്മി, പരേതനായ ദിലീപ്.

ഭാര്യ കുളിക്കാന്‍ പോയ സമയത്ത് ഭര്‍ത്താവ് തൂങ്ങി മരിച്ചു

by WEB EDITORLocal News Sunday, 26 January 2025, 10:59Sunday, 26 January 2025, 11:00No Comments

കാസര്‍കോട്: ഭാര്യ കുളിക്കാന്‍ പോയ സമയത്ത് ഭര്‍ത്താവ് വീട്ടിനുള്ളില്‍ തൂങ്ങി മരിച്ചു. മുട്ടത്തൊടി, ഹിദായത്ത് നഗര്‍, മാലങ്കളയിലെ സുന്ദര(60)യാണ് മരിച്ചത്. ശനിയാഴ്ച വൈകുന്നേരം ഏഴുമണിയോടെയാണ് സംഭവം. ഉടന്‍ ആശുപത്രിയിലെത്തിച്ചുവെങ്കിലും ജീവന്‍ രക്ഷിക്കാനായില്ല. ഭാര്യ: സുന്ദരി. മക്കള്‍: ആനന്ദ, വേണു, രാജേശ്വരി, വിനു, പരേതനായ ജനാര്‍ദ്ദനന്‍. മരുമകന്‍: ഈശ്വര. സഹോദരങ്ങള്‍: രാമചന്ദ്രന്‍, ഐത്തപ്പ, ലക്ഷ്മി, പരേതയായ മാത, ചൗക്കാറു, കമല, കുംബെ, അങ്കാര. വിദ്യാനഗര്‍ പൊലീസ് അസ്വാഭാവിക മരണത്തിനു കേസെടുത്തു.

ഉത്തരാഖണ്ഡില്‍ ഏക സിവില്‍കോഡ് നാളെ മുതല്‍; രാജ്യത്ത് യുസിസി നടപ്പിലാക്കുന്ന ആദ്യ സംസ്ഥാനം

by WEB EDITORNational Sunday, 26 January 2025, 10:56Sunday, 26 January 2025, 10:56No Comments

ന്യൂദെല്‍ഹി: ഉത്തരാഖണ്ഡില്‍ ഏകസിവില്‍ കോഡ് നാളെ മുതല്‍ നടപ്പിലാക്കും. ഇതിന്റെ ഭാഗമായി ഏര്‍പ്പെടുത്തിയ യുസിസി പോര്‍ട്ടല്‍ മുഖ്യമന്ത്രി പുഷ്‌കര്‍ സിംഗ് ധാമി നാളെ പ്രകാശനം ചെയ്യും. രാജ്യത്ത് ഏകസിവില്‍ കോഡ് നടപ്പിലാക്കുന്ന ആദ്യ സംസ്ഥാനമാകും ഉത്തരാഖണ്ഡ്.ഇനി മുതല്‍ വിവാഹം, വിവാഹ മോചനം, സ്വത്തവകാശം, പിന്തുടര്‍ച്ചാവകാശം മുതലായ കാര്യങ്ങളില്‍ ഏകീകൃത നിയമമായിരിക്കും നടപ്പിലാക്കുക. നിയമത്തിന്റെ പരിധിയില്‍ നിന്നു ആദിവാസി വിഭാഗക്കാരെ ഒഴിവാക്കിയിട്ടുണ്ട്.

റിപ്പബ്ലിക് ദിനാഘോഷം: ഗവര്‍ണ്ണറുടെ പ്രസംഗത്തിനിടെ പൊലീസ് ഓഫീസര്‍ കുഴഞ്ഞുവീണു; അസ്വസ്ഥത അനുഭവപ്പെട്ടത് മുന്‍ കാസര്‍കോട് ജില്ലാ പൊലീസ് മേധാവിക്ക്

by WEB EDITORState Sunday, 26 January 2025, 10:20Sunday, 26 January 2025, 12:22No Comments

തിരുവനന്തപുരം: തിരുവനന്തപുരം സെന്‍ട്രല്‍ സ്റ്റേഡിയത്തില്‍ റിപ്പബ്ലിക് ദിന പരേഡില്‍ അഭിസംബോധന ചെയ്ത് ഗവര്‍ണര്‍ സംസാരിക്കുന്നതിനിടയില്‍ സിറ്റി പൊലീസ് കമ്മീഷണര്‍ തോംസണ്‍ ജോസ് കുഴഞ്ഞുവീണു. ഗവര്‍ണറുടെ സമീപത്ത് നില്‍ക്കുകയായിരുന്നു പൊലീസ് കമ്മീഷണര്‍. വിവിധ സേനാ വിഭാഗങ്ങളുടെ സല്യൂട്ട് സ്വീകരിച്ച ശേഷം ഗവര്‍ണര്‍ പ്രസംഗിച്ചു കൊണ്ടിരിക്കവെയായിരുന്നു സംഭവം. കാസര്‍കോട് ജില്ലാ മുന്‍ പൊലീസ് ചീഫായിരുന്നു ഇദ്ദേഹം. കുഴഞ്ഞുവീണ തോംസണ്‍ ജോസിനെ സമീപത്തെ ആംബുലന്‍സിലേക്ക് മാറ്റി. പ്രാഥമികശുശ്രൂഷയ്ക്ക് ശേഷം അദ്ദേഹം വേദിയില്‍ തിരിച്ചെത്തി.

റിപ്പബ്ലിക് ദിന പരേഡില്‍ പങ്കെടുക്കുന്നതിനു മണിക്കൂറുകള്‍ക്കു മുമ്പു അപകടം; പത്താംക്ലാസ് വിദ്യാര്‍ത്ഥികളുടെ മൃതദേഹം കണ്ടെത്തി

by WEB EDITORState Sunday, 26 January 2025, 10:08Sunday, 26 January 2025, 10:37No Comments

പത്തനംതിട്ട: റിപ്പബ്ലിക് ദിന പരേഡില്‍ പങ്കെടുക്കേണ്ടുന്നതിനു മണിക്കൂറുകള്‍ക്കു മുമ്പ് കനാലില്‍ കാണാതായ പത്താംക്ലാസ് വിദ്യാര്‍ത്ഥികളുടെ മൃതദേഹം കണ്ടെത്തി. കിടങ്ങന്നൂര്‍, നാക്കാലിയ്ക്കല്‍ എസ്.വി.ജി.എച്ച്.എസ് വിദ്യാര്‍ത്ഥികളായ അഭിരാജ്, അനന്തുനാഥ് എന്നിവരുടെ മൃതദേഹങ്ങളാണ് പി.എ.പി കനാലില്‍ നിന്നു കണ്ടെത്തിയത്.ശനിയാഴ്ച വൈകുന്നേരമാണ് എസ്പിസി കാഡറ്റുകളായ രണ്ടു പേരെയും കനാലില്‍ കാണാതായത്. കനാലില്‍ കുളിക്കാന്‍ ഇറങ്ങിയ ഇരുവരെയും കാണാതാവുകയായിരുന്നു. മൂന്നു വിദ്യാര്‍ത്ഥികളാണ് കനാലില്‍ കുളിക്കാനിറങ്ങിയത്. ഇവരില്‍ ഒരാള്‍ അപകടത്തില്‍പ്പെട്ടപ്പോള്‍ രക്ഷിക്കാന്‍ ഇറങ്ങിയതായിരുന്നു കൂട്ടുകാരന്‍. ഞായറാഴ്ച രാവിലെ ഫയര്‍ഫോഴ്‌സ് നടത്തിയ തെരച്ചിലിലാണ് മൃതദേഹങ്ങള്‍ കണ്ടെത്തിയത്.വിദ്യാര്‍ത്ഥികളുടെ അപകടമരണം …

പിഎംകെ നേതാവ് രാമലിംഗം വധക്കേസ്; ഒളിവില്‍ പോയ രണ്ടു പ്രതികള്‍ അറസ്റ്റില്‍

by WEB EDITORNational Sunday, 26 January 2025, 9:45Sunday, 26 January 2025, 9:46No Comments

ന്യൂദെല്‍ഹി: തമിഴ്‌നാട്ടിലെ പിഎംകെ നേതാവ് രാമലിംഗ കൊലക്കേസില്‍ പ്രതികളായ രണ്ടുപേരെ എന്‍ഐഎ അറസ്റ്റു ചെയ്തു. തമിഴ്‌നാട്, തഞ്ചാവൂര്‍ സ്വദേശികളായ അബ്ദുല്‍ മജീദ്, ഷാഹുല്‍ ഹമീദ് എന്നിവരാണ് അറസ്റ്റിലായത്. 2019 ഫെബ്രുവരി 5നു തിരുഭവനം പെരിയപ്പള്ളി പള്ളിക്ക് സമീപത്തു വച്ചാണ് രാമലിംഗം കൊല്ലപ്പെട്ടത്. വര്‍ഗീയ സംഘര്‍ഷം സൃഷ്ടിക്കുകയെന്ന ലക്ഷ്യത്തോടെ കൊലപാതകം നടത്തിയെന്നാണ് കേസ്. സംഭവത്തിനു ശേഷം ഇരുവരും ഒളിവില്‍ പോവുകയായിരുന്നു.ഇസ്ലാമിക് ഗ്രൂപ്പിന്റെ നിര്‍ബന്ധിത മതപരിവര്‍ത്തനത്തെ എതിര്‍ത്തതിനാണ് രാമലിംഗത്തെ കൊലപ്പെടുത്തിയതെന്നു പൊലീസ് നേരത്തെ കണ്ടെത്തിയിരുന്നു.കേസ്. നിരോധിത സംഘടനയായ പോപ്പുലര്‍ ഫ്രണ്ട് …