ന്യൂദെല്‍ഹി: ഉത്തരാഖണ്ഡില്‍ ഏകസിവില്‍ കോഡ് നാളെ മുതല്‍ നടപ്പിലാക്കും. ഇതിന്റെ ഭാഗമായി ഏര്‍പ്പെടുത്തിയ യുസിസി പോര്‍ട്ടല്‍ മുഖ്യമന്ത്രി പുഷ്‌കര്‍ സിംഗ് ധാമി നാളെ പ്രകാശനം ചെയ്യും. രാജ്യത്ത് ഏകസിവില്‍ കോഡ് നടപ്പിലാക്കുന്ന ആദ്യ സംസ്ഥാനമാകും ഉത്തരാഖണ്ഡ്.
ഇനി മുതല്‍ വിവാഹം, വിവാഹ മോചനം, സ്വത്തവകാശം, പിന്തുടര്‍ച്ചാവകാശം മുതലായ കാര്യങ്ങളില്‍ ഏകീകൃത നിയമമായിരിക്കും നടപ്പിലാക്കുക. നിയമത്തിന്റെ പരിധിയില്‍ നിന്നു ആദിവാസി വിഭാഗക്കാരെ ഒഴിവാക്കിയിട്ടുണ്ട്.