കാസര്‍കോട്: 20 വര്‍ഷം മുമ്പ് വിവാഹിതയായ യുവതിയെ കൂടുതല്‍ സ്ത്രീധനം ആവശ്യപ്പെട്ട് പീഡിപ്പിക്കുന്നതായി പരാതി. സംഭവത്തില്‍ കുമ്പള പൊലീസ് അന്വേഷണം ആരംഭിച്ചു.മംഗല്‍പാടി കുബണൂരിലെ രേവതി (47)യുടെ പരാതി പ്രകാരം ഭര്‍ത്താവ് ചന്ദ്രശേഖരനും രണ്ടു സഹോദരിമാര്‍ക്കുമെതിരെയാണ് കേസെടുത്തത്. രേവതി-ചന്ദ്രശേഖരന്‍ ദമ്പതികള്‍ക്ക് 18 വും13 വും വയസ്സുള്ള രണ്ട് മക്കളുമുണ്ട്.
കാസര്‍കോട്: നെയ്യാറ്റിന്‍കര ജില്ലാ വിദ്യാഭ്യാസ ഓഫീസറായി ജിഎച്ച്എസ്എസ് പൈവളിക നഗര്‍ സ്‌കൂള്‍ ഹെഡ്മാസ്റ്റര്‍ ബി ഇബ്രാഹിംമിന് പ്രൊമോഷന്‍ ലഭിച്ചു. മഞ്ചേശ്വരം നിയോജകമണ്ഡലത്തിലെ മിയാപദവ് സ്വദേശിയാണ്. തൊട്ടത്തോടി എല്‍പി സ്‌കൂള്‍, മിയാപ്പദവ് സ്‌കൂള്‍, സര്‍ക്കാര്‍ പ്രീ യൂണിവേഴ്‌സിറ്റി മംഗളൂരു, ഗവണ്‍മെന്റ് ഡിഗ്രി കോളേജ് മംഗളൂരു, ഗവണ്‍മെന്റ് ബിഎഡ് സെന്റര്‍ മംഗളൂരു എന്നിടങ്ങളില്‍ പഠനം പൂര്‍ത്തിയാക്കി. 1996 ല്‍ ജിഎച്ച്എസ്എസ് ബന്തടുക്ക സ്‌കൂളില്‍ അധ്യാപകനായി ജോലിയില്‍ പ്രവേശിച്ചു. ജിഎച്ച്എസ്എസ് പൈവളിക കായര്‍ക്കട്ട, ജിഎച്ച്എസ്എസ് പൈവളിക നഗര്‍ സ്‌കൂളില്‍ സയന്‍സ് അധ്യാപകനായി …
Read more “നെയ്യാറ്റിന്‍കര ജില്ലാ വിദ്യാഭ്യാസ ഓഫീസറായി കാസര്‍കോട് നിന്ന് ബി ഇബ്രാഹിം”
തിരുവനന്തപുരം: സംസ്ഥാനത്ത് അതിതീവ്ര മഴക്ക് സാധ്യതയുള്ളതിനാല്‍ കേന്ദ്ര കാലാവസ്ഥ വകുപ്പ് ജാഗ്രതാ നിര്‍ദേശം പുറപ്പെടുവിച്ചു. അടുത്ത 3 മണിക്കൂറില്‍ ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ ഒറ്റപ്പെട്ടയിടങ്ങളില്‍ ഇടിമിന്നലോട് കൂടിയ മിതമായ മഴയ്ക്കു സാധ്യയുണ്ടെന്ന് മുന്നറിയിപ്പില്‍ പറയുന്നു. കാസര്‍കോട്, കണ്ണൂര്‍, കോഴിക്കോട് ജില്ലകളില്‍ ഇന്ന് ഓറഞ്ച് അലേര്‍ട്ടാണ് പ്രഖ്യാപിച്ചത്. നാളെ ഇടുക്കി, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലയില്‍ ഓറഞ്ച് പ്രഖ്യാപിച്ചിട്ടുണ്ട്. ഞായറാഴ്ച കണ്ണൂര്‍, കോഴിക്കോട്, വയനാട് ജില്ലകളില്‍ …
കരിന്തളം: നീലേശ്വരം ഭീമനടി റോഡില്‍ കാര്‍ നിയന്ത്രണം വിട്ട് മറിഞ്ഞു. പിഞ്ചുകുഞ്ഞുള്‍പ്പെടെ അത്ഭുതകരമായി രക്ഷപ്പെട്ടു. വെള്ളിയാഴ്ച രാവിലെ 11.30 ഓടെ തലയടുക്കത്താണ് അപകടം. മലപ്പച്ചേരി സ്വദേശി സുകുമാരന്റെ മകന്‍ സുനീഷും സഹോദരിയുടെ കുട്ടിയും സഞ്ചരിച്ച ആള്‍ട്ടോ കാര്‍ ആണ് അപകടത്തില്‍ പെട്ടത്. ഇരുവരും പരിക്കുകള്‍ ഒന്നും ഇല്ലാതെ രക്ഷപ്പെട്ടു. പതിവായി അപകടം നടക്കുന്നിടമാണ് ഇവിടെ. മുമ്പ് ബൈക്ക് അപകടത്തില്‍ യുവാവ് മരണപ്പെട്ടിരുന്നു.
കാസര്‍കോട്: വളര്‍ത്തു നായയെ പുലി പിടിച്ചുവെന്നും രണ്ടിടങ്ങളില്‍ പുലിയെ കണ്ടുവെന്നുമുള്ള പ്രചരണങ്ങളെ തുടര്‍ന്ന് മുളിയാര്‍ പുലിപ്പേടിയില്‍. പാണൂര്‍, തൈരയില്‍ കഴിഞ്ഞ ദിവസമാണ് പുലിയിറങ്ങിയത്. കാനത്തൂരിലെ ഓട്ടോ ഡ്രൈവര്‍ ജഗേഷ് ആണ് തൈരയില്‍ പുലിയെ കണ്ടത്. രാത്രി ഒന്‍പതു മണിയോടെ ഓട്ടോയില്‍ വീട്ടിലേക്ക് മടങ്ങുന്നതിനിടയില്‍ പുലി റോഡിന് കുറുകെ ഓടിപ്പോയെന്നാണ് ജഗേഷ് വ്യക്തമാക്കിയത്.വിവരമറിഞ്ഞ് വനം വകുപ്പ് ആര്‍.ആര്‍.ടി ടീം സ്ഥലത്തെത്തി പരിശോധന നടത്തി. എന്നാല്‍ തെളിവുകള്‍ കണ്ടെത്താന്‍ കഴിഞ്ഞില്ല. സ്ഥലത്ത് വനം വകുപ്പ് നിരീക്ഷണ ക്യാമറ സ്ഥാപിച്ചിട്ടുണ്ട്.ഏതാനും ദിവസം …
Read more “പുലിപ്പേടിയില്‍ നാട്; കടുമനയില്‍ ആനയിറങ്ങി, എട്ടാംമൈലില്‍ പുലിയും”
കാസര്‍കോട്: ഉപ്പളയിലെ ഫ്ളാറ്റില് മധ്യവയസ്‌കനെ മരിച്ച നിലയില്‍ കണ്ടെത്തി. ആനക്കല്ല്, കതിനമൂലയിലെ ഇബ്രാഹീം-നഫീസ ദമ്പതികളുടെ മകന്‍ ഷേയ്ക്ക് അബ്ദുല്‍ ഖാദറി(50)ന്റെ മൃതദേഹമാണ് കണ്ടെത്തിയത്. ഉപ്പള റോസ് ഗാര്‍ഡ് അപ്പാര്‍ട്ടുമെന്റില്‍ ഇയാള്‍ താമസിക്കുന്ന ഫ്ളാറ്റിലെ ബാത്ത് റൂമിലാണ് മൃതദേഹം കണ്ടെത്തിയത്. ഭാര്യയും മക്കളും സ്വന്തം വീട്ടിലേക്ക് പോയതിനാല്‍ മൂന്നുദിവസമായി ഇയാള്‍ ഫ്ളാറ്റില് ഒറ്റയ്ക്കായിരുന്നു. വെള്ളിയാഴ്ച രാവിലെ മുറിയില്‍ നിന്നും ദുര്‍ഗന്ധം വമിച്ചതിനെ തുടര്‍ന്ന് നോക്കിയപ്പോഴാണ് അകത്തുനിന്നും പൂട്ടിയനിലയില്‍ ബാത്ത് റൂമില്‍ മൃതദേഹം കണ്ടെത്തിയത്. പൊലീസ് സ്ഥലത്തെത്തി അന്വേഷണം ആരംഭിച്ചു. …
കാസര്‍കോട്: എല്ലാ വര്‍ഷവും ജൂണ്‍ 21 ന് അന്താരാഷ്ട്ര യോഗാ ദിനം ആഘോഷിക്കുന്നു. യോഗയുടെ പ്രധാന്യത്തെ കുറിച്ചും അവബോധം ഉണ്ടാക്കുന്നതിനാണ് ഈ ദിനം ആചരിക്കുന്നത്. യോഗ ദിനത്തിന്റെ ഭാഗമായി നെഹ്റു യുവകേന്ദ്ര കാസര്‍കോടും കേന്ദ്രിയ വിദ്യാലയം നമ്പര്‍ 2 കാസര്‍കോടും ചേര്‍ന്ന് അന്താരാഷ്ട്ര യോഗ ദിനത്തിന്റെ ഭാഗമായി യോഗ പ്രദര്‍ശനം സംഘടിപ്പിച്ചു. ശാരീരികവും മാനസികവും ആത്മീയവുമായ വശങ്ങള്‍ ഉള്‍ക്കൊള്ളുന്ന യോഗയുടെ നിരവധി നേട്ടങ്ങളെക്കുറിച്ച് അവബോധം വളര്‍ത്തുകയെന്ന ലക്ഷ്യം വെച്ച് കൊണ്ടാണ് പരിപാടി സംഘടിപ്പിച്ചത്.ജില്ലാ കളക്ടര്‍ ഇമ്പശേഖര്‍ ഉദ്ഘാടനം …
Read more “അന്താരാഷ്ട്ര യോഗ ദിനം; ജില്ലാ കളക്ടര്‍ ഇമ്പശേഖര്‍ ഉദ്ഘാടനം ചെയ്തു”
കാസര്‍കോട്: ജില്ലയിലെ എസ്.ഐമാരെ മാറ്റി നിയമിച്ചു. ലോക്‌സഭാ തെരഞ്ഞെടുപ്പിന്റെ പശ്ചാത്തലത്തില്‍ മറ്റു ജില്ലകളിലേക്ക് മാറ്റി നിയമിച്ചവരെയാണ് വീണ്ടും കാസര്‍കോട് ജില്ലയിലേക്ക് മാറ്റി നിയമിച്ചത്. പുതുതായി നിയമിക്കപ്പെട്ട എസ്.ഐ മാരും പൊലീസ് സ്റ്റേഷനുകളും:ബാബു: കണ്‍ട്രോള്‍ റൂം കാഞ്ഞങ്ങാട്ശാര്‍ങ്ധരന്‍: ഹൊസ്ദുര്‍ഗ്അരവിന്ദന്‍ എം: ബേഡകംവത്സന്‍ സി: ഹെഡ്ക്വാര്‍ട്ടേഴ്സ്, കാസര്‍കോട്സുരേഷ് എം: ഡിസിആര്‍ബിമുരളീധരന്‍ കെ: ചന്തേരനാരായണന്‍ നായര്‍ കെ: ഹെഡ്ക്വാര്‍ട്ടേഴ്്സ് കാസര്‍കോട്ജോണ്‍ എം.എസ്: കണ്‍ട്രോള്‍ റൂം കാസര്‍കോട്അരുണ്‍ മോഹന്‍: ബേക്കല്‍റുമേഷ്: കാസര്‍കോട് ടൗണ്‍വൈശാഖ്: മഞ്ചേശ്വരംഅന്‍സാര്‍ എന്‍: ഹൊസ്ദുര്‍ഗ്ഉമേശ് കെ.ആര്‍: ബദിയഡുക്കഅജീഷ്: വിദ്യാനഗര്‍വിഷ്ണുപ്രസാദ് എം.വി: …
Read more “കാസര്‍കോട് ജില്ലയിലെ എസ്.ഐമാര്‍ക്ക് സ്ഥലം മാറ്റം; ടൗണ്‍ സ്‌റ്റേഷനില്‍ റുമേഷ്”
ആലപ്പുഴ: ചലച്ചിത്ര സംവിധായകന്‍ വേണു ഗോപന്‍ (67) അന്തരിച്ചു. ചേര്‍ത്തല കടക്കരപ്പള്ളിയിലെ വീട്ടിലായിരുന്നു അന്ത്യം. കുസൃതി കുറുപ്പ്, ഷാര്‍ജ ടു ഷാര്‍ജ, ചൂണ്ട, സ്വര്‍ണം, തുടങ്ങിയ സിനിമകളുടെ സംവിധായകനായിരുന്നു. ഭാര്യ ലത, മകള്‍: ലക്ഷ്മി. സംസ്‌കാരം രാത്രി വീട്ടുവളപ്പില്‍.സംവിധായകന്‍ പി. പദ്മരാജന്റെ കൂടെ 10 വര്‍ഷം സഹസംവിധായകന്‍ ആയി പ്രവര്‍ത്തിച്ചു. 1995ല്‍ പുറത്തിറങ്ങിയ കുസൃതി കുസൃതി കുറുപ്പ് ആണ് ആദ്യ ചിത്രം. പദ്മരാജന്റെ കരിയിലക്കാറ്റുപോലെ എന്ന സിനിമയുടെ സഹസംവിധായകനായാണ് അദ്ദേഹം സിനിമാ രംഗത്തേക്ക് കടന്നുവരുന്നത്. തുടര്‍ന്ന് നമുക്ക് …
Read more “ഷാര്‍ജ ടു ഷാര്‍ജ സിനിമയുടെ സംവിധായകന്‍ വേണു ഗോപന്‍ അന്തരിച്ചു”
കാസര്‍കോട്: വാഹനപരിശോധനയ്ക്കിടയില്‍ നിര്‍ത്താതെ പോയ സ്‌കൂട്ടറില്‍ നിന്ന് എക്‌സൈസ് സംഘം കര്‍ണ്ണാടക നിര്‍മ്മിത മദ്യം കണ്ടെടുത്തു. യുവാവിനെ അറസ്റ്റ് ചെയ്തു. ചെങ്കള കൊടകോലുവീട്ടില്‍ കെ.ജെ പ്രസാദി(36)നെയാണ് ബദിയഡുക്ക എക്‌സൈസ് അറസ്റ്റ് ചെയ്തത്.വെള്ളിയാഴ്ച പുലര്‍ച്ചെ ബദിയഡുക്ക ബീജന്തടുക്കയിലാണ് സംഭവം. ബദിയഡുക്ക റേഞ്ച് ഇന്‍സ്പെക്ടര്‍ കെ. സുബിന്‍ രാജും സംഘവും വാഹന പരിശോധന നടത്തുന്നതിനിടയിലാണ് സ്‌കൂട്ടര്‍ എത്തിയത്. എക്‌സൈസ് ഉദ്യോഗസ്ഥര്‍ കൈകാണിച്ചുവെങ്കിലും സ്‌കൂട്ടര്‍ നിറുത്താതെ പോവുകയായിരുന്നു. ഇതില്‍ സംശയം തോന്നിയ എക്‌സൈസ് രണ്ടു കിലോമീറ്ററോളം പിന്‍തുടര്‍ന്നാണ് സ്‌കൂട്ടര്‍ പിടികൂടിയത്.സ്‌കൂട്ടറിന്റെ ഡിക്കി …
മലപ്പുറം: കെഎസ്ആര്‍ടിസി ബസും ഓട്ടോറിക്ഷയും കൂട്ടിയിടിച്ചുണ്ടായ അപകടത്തില്‍ മൂന്ന് പേര്‍ മരിച്ചു. മലപ്പുറം മേല്‍മുറി മുട്ടിപ്പടിയിലാണ് അപകടമുണ്ടായത്. മോങ്ങം ഒളമതില്‍ സ്വദേശി അഷ്‌റഫ് (44) ഭാര്യ സാജിത (39) മകള്‍ ഫിദ (14) എന്നിവരാണ് മരിച്ചത്. ബസിന് മുന്നിലേക്ക് നിയന്ത്രണം നഷ്ടപ്പെട്ട ഓട്ടോറിക്ഷ ഇടിച്ചു കയറുകയായിരുന്നുവെന്നാണ് വിവരം. അപകടത്തില്‍ ഓട്ടോറിക്ഷ പൂര്‍ണമായും തകര്‍ന്നു. അഷറഫും മകള്‍ ഫിദയും അപകടസ്ഥലത്ത് വെച്ചു തന്നെ മരിച്ചു. ആശുപത്രിയില്‍ എത്തിയാണ് ഫാത്തിമയുടെ മരണം സ്ഥിരീകരിച്ചത്. മൃതദേഹങ്ങള്‍ മഞ്ചേരി മെഡിക്കല്‍ കോളേജ് ആശുപത്രിയില്‍.ഫിദയെ …
Read more “കെഎസ്ആര്‍ടിസി ബസും ഓട്ടോയും കൂട്ടിയിടിച്ച് ഒരുകുടുംബത്തിലെ മൂന്ന് പേര്‍ മരിച്ചു”
മടിക്കേരി: കുടക് ഗോണികൊപ്പലുവിലെ പഴയകെട്ടിടം തകര്‍ന്നുവീണു. അവശിഷ്ടങ്ങള്‍ക്കിടയില്‍ രണ്ടുപേര്‍ കുടുങ്ങിക്കിടക്കുന്നുണ്ടെന്നു സംശയം. മൂന്നു പേരെ രക്ഷപ്പെടുത്തി. വിവരത്തെ തുടര്‍ന്ന് അഗ്നിശമനാ വിഭാഗവും ദുരന്ത നിവാരണ സേനയും രക്ഷാപ്രവര്‍ത്തനം ആരംഭിച്ചു. വ്യാഴാഴ്ച ഉച്ചയോടെയാണ് അപകടം. വര്‍ഷങ്ങള്‍ പഴക്കമുള്ള ഹോട്ടല്‍ കെട്ടിടമാണ് മഴയില്‍ തകര്‍ന്നു വീണത്. ഉച്ചഭക്ഷണത്തിനായി അമ്പൂര്‍ ഹോട്ടലിന് സമീപം എത്തിയവരാണ് അപകടത്തില്‍പെട്ടത്. പരിക്കേറ്റവരെ ഗോണിക്കൊപ്പ ആശുപത്രിയിലേക്ക് മാറ്റി. പൊലീസിന്റെയും ഫയര്‍ഫോഴ്സിന്റെയും നേതൃത്വത്തില്‍ തിരച്ചില്‍ തുടരുകയാണ്. സ്ഥലത്ത് തടിച്ചുകൂടിയ ആളുകളെ പിരിച്ചുവിടാന്‍ പൊലീസ് പാടുപെടുകയാണ്. ഗോണിക്കൊപ്പാലു മെയിന്‍ റോഡിലെ …
മംഗളൂരു: കര്‍ണാടകയില്‍ പെട്രോള്‍ ഡീസല്‍ വിലവര്‍ധിപ്പിച്ച കോണ്‍ഗ്രസ് സര്‍ക്കാര്‍ നിലപാടിനെതിരെ ബിജെപി നടത്തിയ പ്രതിഷേധം ഉള്ളാളില്‍ അക്രമാസക്തമായി. യുവമോര്‍ച്ച മണ്ഡലം പ്രസിഡന്റ് മുരളിയെ പൊലീസ് അറസ്റ്റുചെയ്തതിനെ തുടര്‍ന്നാണ് പ്രതിഷേധം ഉയര്‍ന്നത്. ഇന്ധന വിലവര്‍ധവിനെതിരെ ബിജെപി വ്യാഴാഴ്ച സംസ്ഥാന വ്യാപകമായി പ്രതിഷേധിച്ചു.
ലോക്‌സഭാ തെരഞ്ഞെടുപ്പില്‍ ഇടതിന് സംഭവിച്ച വീഴ്ചകള്‍ എടുത്തുപറഞ്ഞ് സിപിഎം സംസ്ഥാന സെക്രട്ടറി എംവി ഗോവിന്ദന്‍. ജനങ്ങളുടെ മനോഭാവം മനസിലാക്കുന്നതില്‍ വീഴ്ച പറ്റിയെന്ന് എംവി ഗോവിന്ദന്‍ സമ്മതിച്ചു. കേരളത്തില്‍ എല്‍ഡിഎഫിന് പ്രതീക്ഷിച്ച വിജയം നേടാന്‍ കഴിഞ്ഞില്ല, നല്ല പരാജയമാണ് ഉണ്ടായത്. യുഡിഎഫിന് 18 സീറ്റ് നേടിയപ്പോള്‍ ഒരു സീറ്റ് ബിജെപി നേടി എന്നതാണ് ഏറ്റവും അപകടകരമായ അവസ്ഥയെന്ന് അദ്ദേഹം സിപിഎം യോഗത്തിന് ശേഷം പറഞ്ഞു. എസ്എന്‍ഡിപി അടക്കമുള്ള ജാതി സംഘടനകള്‍ സംഘപരിവാറിന് കീഴ്‌പ്പെട്ടതും തോല്‍വിക്ക് കാരണമായെന്ന് അദ്ദേഹം പറഞ്ഞു. …
നഗരത്തില്‍ തളര്‍ന്നു വീണ് ആശുപത്രിയില്‍ കഴിഞ്ഞിരുന്നയാളെ ബന്ധുക്കളാരും തിരിഞ്ഞു നോക്കിയില്ല. ഒടുവില്‍ പൂഴിക്കടകന്‍ അടവുമായി പൊലീസ് രംഗത്തിറങ്ങിയതോടെ ലക്ഷ്യം കണ്ടു. ഏതാനും ദിവസം മുമ്പ് മംഗളൂരു നഗരത്തിലാണ് സംഭവം. നഗരത്തിന് സമീപത്തെ വെങ്കപ്പ ഗൗഡയുടെ തോട്ടത്തിലെ ജോലിക്കാരനായിരുന്നു ശേഖരഗൗഡ. ഇയാളുടെ കൃത്യമായ മേല്‍വിലാസം തൊഴിലുടമയ്ക്കും അറിയില്ലായിരുന്നു. പേരും. ധര്‍മ്മസ്ഥല പൊലീസ് സ്റ്റേഷന്‍ പരിധിയിലെ താമസക്കാരന്‍ എന്ന് മാത്രമേ വെങ്കപ്പഗൗഡയ്ക്ക് അറിയാമായിരുന്നുള്ളു.ഇതിനിടയിലാണ് ഒരു അത്യാവശ്യകാര്യത്തിനായി ശേഖര ഗൗഡ മംഗ്ളൂരു നഗരത്തിലെത്തിയത്. നഗരത്തില്‍ വെച്ച് കുഴഞ്ഞു വീണ ഇയാളെ സ്ഥലത്തുണ്ടായിരുന്ന …
വീട്ടില്‍ നട്ടുവളര്‍ത്തിയ കഞ്ചാവ് ചെടികള്‍ പൊലീസ് കണ്ടെത്തി. സംഭവവുമായി ബന്ധപ്പെട്ട് നെടുമങ്ങാട് പനവൂര്‍ കരിക്കുഴിയില്‍ താമസിക്കുന്ന മുഹമ്മദ് ഷെഹീനെ (23) അറസ്റ്റുചെയ്തു. രണ്ട് അടി ഉയരത്തില്‍ വളര്‍ന്ന ചെടിയാണ് പിടികൂടിയത്. പോളിത്തീന്‍ കവറിലാണ് അഞ്ച് കഞ്ചാവ് ചെടികള്‍ നട്ടുവളര്‍ത്തിയത്. രണ്ട് മാസമായി ഷെഹീന്‍ ഈ വീട്ടില്‍ ഒറ്റയ്ക്കാണ് താമസിച്ചിരുന്നത്. അയല്‍വാസികളുമായി ഒരു ബന്ധവും ഉണ്ടായിരുന്നില്ല. കുറച്ച് നാള്‍ മുമ്പ് ബൈക്കില്‍ കഞ്ചാവുമായി പോകുന്നതിനിടെ ഷെഹീനെ പൊലീസ് പിടികൂടിയിരുന്നു. രാത്രികാലങ്ങളില്‍ നിരവധി യുവാക്കള്‍ ഈ വീട്ടില്‍ വന്നു പോകുന്നത് …
കാസര്‍കോട്: കണ്ണിന് കൗതുകം പകര്‍ന്ന് നാട്ടിലിറങ്ങിയ മാന്‍കൂട്ടം. കാട്ടാനകളുടെയും പന്നികളുടെയും ശല്യം രൂക്ഷമായി തുടരുന്ന മുളിയാര്‍ പഞ്ചായത്തിലാണ് മാന്‍കൂട്ടം ഇറങ്ങിയത്. കര്‍മ്മന്തൊടി, 13-ാം മൈലിലെ കളി സ്ഥലത്തിന് സമീപത്താണ് മാന്‍കൂട്ടം ഇറങ്ങിയത്. ചെറുതും വലുതുമായി എട്ടോളം മാനുകളാണ് കൂട്ടത്തില്‍ ഉണ്ടായിരുന്നത്. ഈ ഭാഗങ്ങളില്‍ ഒറ്റപ്പെട്ട നിലയില്‍ മാനുകളെ കാണാറുണ്ടെങ്കിലും കൂട്ടത്തോടെ എത്തുന്നത് ഇതാദ്യമായിട്ടാണെന്ന് നാട്ടുകാര്‍ സാക്ഷ്യപ്പെടുത്തുന്നു.
കാസര്‍കോട്: തളങ്കരയില്‍ നിന്ന് കാണാതായ കമ്പ്യൂട്ടര്‍ വിദ്യാര്‍ത്ഥിനിയെ കോടതി മാതാവിനൊപ്പം വിട്ടയച്ചു. തളങ്കര, ബാങ്കോട്ട് താമസിക്കുന്ന തമിഴ്നാട് സ്വദേശികളായ ശെല്‍വം-ജ്യോതി ദമ്പതികളുടെ മകളാണ് ശരണ്യ. ഏതാനും ദിവസം മുമ്പ് കമ്പ്യൂട്ടര്‍ ക്ലാസിന് പോയ ശരണ്യ തിരിച്ചെത്തിയിരുന്നില്ല. ഫോണില്‍ ബന്ധപ്പെടാന്‍ ശ്രമിച്ചുവെങ്കിലും സ്വിച്ച് ഓഫാണെന്ന മറുപടിയാണ് ലഭിച്ചത്. തുടര്‍ന്ന് പൊലീസില്‍ പരാതി നല്‍കി. ടൗണ്‍ പൊലീസ് കേസെടുത്ത് അന്വേഷിച്ചുവരുന്നതിനിടയില്‍ ട്രെയിനില്‍ വെച്ചാണ് ശരണ്യയെ പൊലീസ് കണ്ടെത്തിയത്. മൊഴി രേഖപ്പെടുത്തിയ ശേഷം കോടതിയില്‍ ഹാജരാക്കിയ ശരണ്യയെ മാതാവിനൊപ്പം പോകാന്‍ അനുവദിക്കുകയായിരുന്നു.
You cannot copy content of this page
