ജില്ലാ കലക്ടറും നീതി പീഠവും നാട്ടുകാരും തുണയായി; ചില്ലു കൂട്ടിനകത്തു കുടുങ്ങിയ അങ്ങാടിക്കുരുവിക്ക് പുതുജീവന്
കണ്ണൂര്: ഒരു അങ്ങാടിക്കുരുവിക്കുവേണ്ടി നാട്ടുകാരും ജില്ലാ കലക്ടറും ജില്ലാ ജഡ്ജിയും ഉള്പ്പെടെയുള്ള അധികൃതരും കൈകോര്ത്തു. ഉളിക്കല് ടൗണിലാണ് സംഭവം. മാസങ്ങളായി അടഞ്ഞുകിടക്കുന്ന ഉളിക്കല് ടൗണിലെ ഇരിക്കൂര് സ്വദേശി ഫിറോസിന്റെ ഉടമസ്ഥതയിലുള്ള ജെന്റ്സ് വെയര് എന്ന കടയുടെ ചില്ലുകൂടില് രണ്ട് ദിവസം മുമ്പ് കുടുങ്ങിയ അങ്ങാടിക്കുരുവിയെ രക്ഷിക്കാന് വേണ്ടിയാണ് സമാനതകളില്ലാത്ത കൈകോര്ക്കല് നടന്നത്.ഉളിക്കല് സ്വദേശി മടയാമ്പല് മനോജ് ചൊവ്വാഴ്ച രാവിലെ നടന്നുപോകവെയാണ് ചില്ലുകൂടില് കുടുങ്ങിയ നിലയില് അങ്ങാടിക്കുരുവിയെ കണ്ടത്. കൂടിനകത്ത് കുടുങ്ങിപ്പോയ കുരുവി ചൂട് കാരണം അവശനിലയില് എത്തിയിരുന്നു. …
