Author: WEB EDITOR

കാസര്‍കോട്: കൂലിപ്പണിക്കാരന്‍ ജോലി സ്ഥലത്ത് കുഴഞ്ഞു വീണു മരിച്ചു. പെര്‍ള, ബജകൂഡ്‌ലുവിലെ പരേതരായ ബി എം ഐത്തപ്പ- അരുണ ദമ്പതികളുടെ മകന്‍ ജയപ്രകാശ് (51)ആണ് മരിച്ചത്. മിത്തൂരിലെ ജോലി സ്ഥലത്ത് തിങ്കളാഴ്ചയാണ് സംഭവം. ഉടന്‍ പെര്‍ളയിലെ സ്വകാര്യ ആശുപത്രിയില്‍ എത്തിച്ചുവെങ്കിലു രക്ഷിക്കാന്‍ കഴിഞ്ഞില്ല. സംഭവത്തില്‍ ബദിയഡുക്ക പൊലീസ് അസ്വാഭാവിക മരണത്തിന് കേസെടുത്ത് മൃതദേഹം പോസ്റ്റുമോര്‍ട്ടത്തിനായി ജനറല്‍ ആശുപത്രി മോര്‍ച്ചറിയിലേയ്ക്ക് മാറ്റി. പെര്‍ലത്തടുക്ക അംഗണ്‍വാടിയിലെ അധ്യാപികയായ മീനാക്ഷിയാണ് ഭാര്യ. ധനുഷ്, ഹൃതിക് എന്നിവര്‍ മക്കളാണ്.

കാസര്‍കോട്: സീതാംഗോളിയിലുള്ള എച്ച് എ എല്‍ കമ്പനിയില്‍ താല്‍ക്കാലിക ജീവനക്കാരനായ യുവാവിനെ വീട്ടിനകത്ത് തൂങ്ങി മരിച്ച നിലയില്‍ കണ്ടെത്തി. മായിപ്പാടി, കുതിപ്പാടിയിലെ ശങ്കര പാട്ടാളിയുടെ മകന്‍ ഹരികൃഷ്ണ (22)യാണ് മരിച്ചത്. തിങ്കളാഴ്ച വൈകുന്നേരമാണ് ഹരികൃഷ്ണ കിടപ്പുമുറിയില്‍ തൂങ്ങിയ നിലയില്‍ കണ്ടത്. ഉടന്‍ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. സംഭവസമയത്ത് വീട്ടില്‍ മറ്റാരും ഉണ്ടായിരുന്നില്ല. ആത്മഹത്യ ചെയ്യാന്‍ ഇടയായ കാരണം എന്താണെന്നു അറിയില്ലെന്ന് ബന്ധുക്കള്‍ പറഞ്ഞു. വിദ്യാനഗര്‍ പൊലീസ് അസ്വാഭാവിക മരണത്തിനു കേസെടുത്തു. മാതാവ്: രതി. സഹോദരന്‍: കിരണ്‍.

കാസര്‍കോട്: അജാനൂര്‍ പഞ്ചായത്തിലെ വേലാശ്വരം, പാണന്തോട്ട് ഗൃഹനാഥന്റെ മൃതദേഹം അഴുകിയ നിലയില്‍ കാണപ്പെട്ടു. പാണന്തോട്ടെ ശിവാനന്ദ(75)ന്റെ മൃതദേഹമാണ് തിങ്കളാഴ്ച ഉച്ചയ്ക്ക് വീടിന്റെ വാതില്‍പ്പടിക്കല്‍ കാണപ്പെട്ടത്. അഞ്ചു ദിവസത്തോളം പഴക്കമുണ്ടെന്നാണ് പ്രാഥമിക വിവരം. വിവരമറിഞ്ഞ് ഹൊസ്ദുര്‍ഗ് പൊലീസ് സ്ഥലത്തെത്തി. വര്‍ഷങ്ങളായി തനിച്ച് താമസിക്കുകയായിരുന്നു. ഭാര്യ തങ്കമണി മറ്റൊരിടത്താണ് താമസം. മൂത്ത മകള്‍ ഏതാനും ദിവസം മുമ്പ് ഫോണില്‍ വിളിച്ചിരുന്നുവെങ്കിലും എടുത്തിരുന്നില്ല. ഇതിനിടയിലാണ് മൃതദേഹം കാണപ്പെട്ടത്. ഒറ്റപ്പെട്ട സ്ഥലത്താണ് ശിവാനന്ദന്റെ വീട്. മക്കള്‍: രജനി, മിനി, സരസ്വതി.

കാസര്‍കോട്: ബാര, അരമങ്ങാനം, ആലിങ്കാല്‍ തൊട്ടിയില്‍ നവവധു വീട്ടിനകത്തു തൂങ്ങി മരിച്ചത് മാതാവിനു കുരുക്കിന്റെ ഫോട്ടോ അയച്ചതിനു പിന്നാലെ. ആലിങ്കാല്‍ തൊട്ടിയില്‍ വീട്ടില്‍ രഞ്‌ജേഷിന്റെ ഭാര്യ കെ നന്ദന (21)യെ ഞായറാഴ്ച ഉച്ചയ്ക്കാണ് കിടപ്പു മുറിയില്‍ തൂങ്ങിയ നിലയില്‍ കണ്ടത്.ഞായറാഴ്ച രാവിലെ നന്ദന താന്‍ മരിക്കുവാന്‍ പോകുന്നുവെന്നു കാണിച്ച് മാതാവ് സീനയ്ക്കു സന്ദേശവും കുരുക്കിന്റെ ഫോട്ടോയും അയച്ചിരുന്നു. ഇത് കണ്ടയുടന്‍ ഭര്‍തൃവീട്ടുകാരെ വിവരം അറിയിച്ചു. വീട്ടുകാര്‍ കിടപ്പുമുറിയുടെ വാതില്‍ തട്ടിയിട്ടും തുറന്നില്ല. തുടര്‍ന്ന് വാതില്‍ തകര്‍ത്ത് അകത്തു …

Read more “നവവധു ജീവനൊടുക്കിയത് കുരുക്കിന്റെ ഫോട്ടോ മാതാവിനു അയച്ച ശേഷം; കാരണം അറിയാതെ നാട് തേങ്ങുന്നു, സംസ്‌കാരം പെരിയ, ആയംപാറയില്‍”