കാസര്കോട്: ആദൂര് പൊലീസ് സ്റ്റേഷന് പരിധിയിലെ അഡൂരില് യുവതിയെ കുത്തികൊല്ലാന് ശ്രമം. സംഭവത്തില് ആണ് സുഹൃത്തിനെ ആദൂര് പൊലീസ് തെരയുന്നു.
അഡൂര്, കുറത്തിമൂലയിലെ 27കാരിക്കാണ് കുത്തേറ്റത്. തിങ്കളാഴ്ച വൈകുന്നേരം വീട്ടിലേയ്ക്ക് നടന്നു പോവുകയായിരുന്നു യുവതി. ഇതിനിടയില് വഴിയില് കാത്തു നിന്നിരുന്ന ആണ് സുഹൃത്തായ കര്ണ്ണാടക, മണ്ടക്കോല് സ്വദേശിയായ പ്രതാപ് കത്തികൊണ്ട് യുവതിയുടെ കഴുത്തില് കുത്തുകയായിരുന്നു. യുവതി നിലവിളിച്ചപ്പോള് അക്രമം നടത്തിയ ആള് ഓടി രക്ഷപ്പെട്ടു. യുവതി ജനറല് ആശുപത്രിയില് ചികിത്സയിലാണ.് വിവാഹിതയാണ് യുവതി. ഭര്ത്താവില് നിന്നുള്ള വിവാഹ മോചനത്തിനു നല്കിയ കേസ് നിലവിലുണ്ട്. ഭര്ത്താവിന്റെ സുഹൃത്താണ് അക്രമം നടത്തിയ പ്രതാപന്. ഇയാള് തന്നെ നിരന്തരം ശല്യം ചെയ്യുന്നതായി കാണിച്ച് യുവതി നേരത്തെ വനിതാ പൊലീസിലും ആദൂര് പൊലീസിലും പരാതി നല്കിയിരുന്നു. പൊലീസ് സ്റ്റേഷനില് നടത്തിയ ഒത്തുതീര്പ്പു ചര്ച്ചയില് ഇനി ശല്യം ഉണ്ടാകില്ലെന്നു ഉറപ്പു നല്കിയതിനാല് തുടര് നടപടികള് ഉണ്ടായിരുന്നില്ല. പ്രസ്തുത തീരുമാനത്തിനു പിന്നാലെയാണ് യുവതിയെ വഴിയില് കാത്തു നിന്നു കുത്തിക്കൊല്ലാന് പ്രതാപന് ശ്രമിച്ചതെന്നു പൊലീസ് കേന്ദ്രങ്ങള് പറഞ്ഞു.
ധനരാജ് രക്തസാക്ഷി ഫണ്ട്: വി.കുഞ്ഞികൃഷ്ണൻ എം എൽ എ പുസ്തകം പിൻവലിച്ച് മാപ്പ് പറയണം; ടി.ഐ മധുസൂദനൻ വക്കീൽ നോട്ടീസയച്ചു
Thursday, 16 July 2026, 15:15
