പ്രായപൂര്ത്തിയാകാത്തവര് വാഹനമോടിച്ചാല് രക്ഷിതാവിനെയോ വാഹന ഉടമയെയോ കുറ്റക്കാരാക്കാമോ?ഹര്ജിയില് ഹൈക്കോടതി വിശദീകരണം തേടി
കൊച്ചി: 18 വയസിന് താഴെ പ്രായമുള്ളവര് വാഹനമോടിച്ചാല് രക്ഷിതാവിനെയോ വാഹന ഉടമയെയോ കുറ്റക്കാരായി കണക്കാക്കാമെന്ന മോട്ടോര് വാഹന നിയമത്തിലെ 199 എ വകുപ്പിന്റെ ഭരണഘടനാപരമായ സാധുത ചോദ്യം ചെയ്ത് ഹൈക്കോടതിയില് ഹര്ജി. കോഴിക്കോട് സ്വദേശിനി ലിമിന നല്കിയഹര്ജി പരിഗണിച്ച ജസ്റ്റിസ് ബച്ചു കുര്യന് തോമസ് എതിര്കക്ഷികള്ക്ക് നോട്ടീസയച്ചു. എതിര്കക്ഷികളോട് വിശദീകരണം തേടി. ഹര്ജി ഡിസംബര് പത്തിന് പരിഗണിക്കും. പ്രായപൂര്ത്തിയാകാത്തയാളെ കുറ്റകൃത്യം ചെയ്യാന് രക്ഷിതാവ് സഹായിക്കുകയോ പ്രേരിപ്പിക്കുകയോ ചെയ്യാത്ത കേസുകളില് പോലും 199 എ വകുപ്പ് പ്രകാരം വാഹനത്തിന്റെ …
