കാസര്‍കോട്: മംഗല്‍പ്പാടിയില്‍ പ്രവര്‍ത്തിക്കുന്ന മഞ്ചേശ്വരം താലൂക്കാശുപത്രിക്ക് പുതിയ കെട്ടിടമെന്ന സ്വപ്നം ഇനിയും അകലെ. നിരന്തരമായ മുറവിളിയെ തുടര്‍ന്ന് ആശുപത്രിക്ക് കെട്ടിടം പണിയാന്‍ 2020 ല്‍ കിഫ്ബി ഫണ്ടില്‍ നിന്നും 13 കോടി രൂപ അനുവദിച്ചിരുന്നു. പഴയ കെട്ടിടം പൊളിച്ചുമാറ്റുകയും മണ്ണു പരിശോധന നടത്തിയതുമല്ലാതെ കെട്ടിട നിര്‍മ്മാണത്തിന് മറ്റു നടപടികളൊന്നും ഉണ്ടായിട്ടില്ല. നിര്‍മ്മാണ ചുമതല ‘കിഡ്കോ’ യ്ക്കാണ് നല്‍കിയതെന്ന് മംഗല്‍പാടി ജനകീയ വേദി ഭാരവാഹികള്‍ അറിയിച്ചു. എന്നാല്‍ കെട്ടിട നിര്‍മ്മാണത്തിനുള്ള നടപടികളൊന്നും നടക്കുന്നില്ലെന്നും ഭാരവാഹികള്‍ പറഞ്ഞു. ഇത്തരമൊരു സാഹചര്യത്തില്‍ പുതിയ കെട്ടിടത്തിന്റെ പണി ഉടന്‍ ആരംഭിക്കണമെന്നും ഇല്ലാത്ത പക്ഷം പ്രക്ഷോഭരംഗത്തിറങ്ങാനാണ് ജനകീയ വേദിയുടെ തീരുമാനം.
ആരോഗ്യ മന്ത്രിയുടെ രാജി ആവശ്യപ്പെട്ട് സമരം ശക്തം : കാസർകോട്ട് റോഡ് ഉപരോധിച്ച യൂത്ത് ലീഗ് പ്രവർത്തകരെ അറസ്റ്റ് ചെയ്തു
Saturday, 5 July 2025, 20:48
