കാസര്കോട്: ബൈക്കില് കെ.എസ്.ആര്.ടി.സി ബസ് ഇടിച്ചുണ്ടായ അപകടത്തില് ഐടിഐ വിദ്യാര്ത്ഥി മരിച്ചു. നീലേശ്വരം, ആലിങ്കീഴിലെ ജ്യോതിഷിന്റെ മകന് വിഷ്ണു (18)വാണ് മരിച്ചത്. കയ്യൂര് ഗവ. ഐ.ടി.ഐയിലെ വിദ്യാര്ത്ഥിയാണ്. വെള്ളിയാഴ്ച രാവിലെ പാലായി, ഷട്ടര്കം ബ്രിഡ്ജിനടുത്താണ് അപകടം ഉണ്ടായത്. ഐടിഐയിലേക്ക് ബൈക്കോടിച്ചു പോവുകയായിരുന്നു വിഷ്ണു. ഇതിനിടയിലാണ് എതിര് ഭാഗത്ത് നിന്നും വന്ന ബസിടിച്ചത്. വിഷ്ണുവിന്റെ പിതാവ് ജ്യോതിഷ് ഉദുമ, ബാര സ്വദേശിയാണ്. മാതാവിന്റെ നീലേശ്വരത്തെ വീട്ടില് താമസിച്ചാണ് വിഷ്ണു ഐടിഐയിലേക്ക് പോയിരുന്നത്.