കാസര്‍കോട്: കള്ളക്കടല്‍ പ്രതിഭാസത്തെത്തുടര്‍ന്നുണ്ടായ ശക്തമായ തിരമാലയില്‍പ്പെട്ട് മത്സ്യബന്ധനബോട്ട് കരയിലേക്ക് ഇടിച്ചുകയറി. വ്യാഴാഴ്ച രാത്രി 9.30 മണി മണിയോടെ നെല്ലിക്കുന്ന് ലൈറ്റ് ഹൗസ് കടപ്പുറത്താണ് സംഭവം. നങ്കൂരമിടാത്തതാണ് ബോട്ട് കരയിലേക്ക് ഇടിച്ചു കയറാന്‍ കാരണമായത്. ബോട്ടില്‍ നിറയെ മത്സ്യമുണ്ടായിരുന്നു. കോസ്റ്റല്‍ പൊലീസും നാട്ടുകാരും മത്സ്യത്തൊഴിലാളികളും ചേര്‍ന്ന് മൂന്ന് ബോട്ടുകളില്‍ കയര്‍ കെട്ടി വലിച്ചാണ് കരയില്‍ ഇടിച്ചുനിന്ന ബോട്ടിനെ തിരികെ കടലില്‍ എത്തിച്ചത്.