മോഷണക്കേസില്‍ റിമാന്റില്‍ കഴിയുകയായിരുന്ന പ്രതി ആശുപത്രിയില്‍ ചികില്‍സക്കിടേ മരിച്ചു
കാസര്‍കോട്: മോഷണ കേസില്‍ അറസ്റ്റിലായി കാഞ്ഞങ്ങാട് സബ് ജയിലില്‍ റിമാന്റില്‍ കഴിയുകയായിരുന്ന പ്രതി ആശുപത്രിയില്‍ മരിച്ചു. പഴയങ്ങാടി മുട്ടം വെങ്ങര സ്വദേശി എംകെ മുഹമ്മദ് ഹയാസ്(19) ആണ് മരിച്ചത്. ചൊവ്വാഴ്ച രാവിലെ പരിയാരം മെഡിക്കല്‍ കോളജ് ആശുപത്രിയില്‍ വച്ചാണ് മരണം. ഹൃദയ സംബന്ധമായ അസുഖത്തെ തുടര്‍ന്ന് ഈമാസം ആറിനാണ് യുവാവിനെ ആശുപത്രിയിലെത്തിച്ചത്. കഴിഞ്ഞ മാസം 17ന് പടന്നയിലെ പള്ളിയില്‍ കവര്‍ച്ച നടത്തിയ കേസിലെ പ്രതിയാണ്. ഫയാസ്. കണ്ണൂരിലും മോഷണ കേസ് നിലവിലുണ്ട്.
