കാസര്‍കോട്: സഹോദരന്റെ ഭാര്യാവീട്ടിലെത്തിയ യുവതിയെ പട്ടാപ്പകല്‍ ദുരൂഹ സാഹചര്യത്തില്‍ കാണാതായി. മംഗളൂരു, കുദ്രോളി സ്വദേശിനി നിലാഫറി (30)നെയാണ് മാര്‍ച്ച് 28 മുതല്‍ കാണാതായത്. സഹോദരന്‍ കബീര്‍ അഹമ്മദ് നല്‍കിയ പരാതിയില്‍ കുമ്പള പൊലീസ് കേസെടുത്ത് അന്വേഷണം തുടങ്ങി. നിലാഫറിന്റെ സഹോദരന്‍ കുമ്പള, ബംബ്രാണയില്‍ നിന്നാണ് കല്യാണം കഴിച്ചത്. സഹോദരന്റെ ഭാര്യ അടുത്തിടെ മംഗളൂരുവിലെ ആശുപത്രിയില്‍ പ്രസവിച്ചിരുന്നു. മാര്‍ച്ച് ഏഴിന് ആശുപത്രിയില്‍ നിന്നു ഡിസ്ചാര്‍ജ് വാങ്ങി. അതിന് ശേഷമാണ് സഹോദരന്റെ ഭാര്യക്കൊപ്പം ബംബ്രാണയിലെ വീട്ടിലേക്ക് നിലോഫര്‍ എത്തിയത്. മാര്‍ച്ച് 28 വരെ നിലോഫര്‍ ബംബ്രാണയിലെ വീട്ടില്‍ ഉണ്ടായിരുന്നുവെന്നു പരാതിയില്‍ പറഞ്ഞു. അതിന് ശേഷം ബന്ധുവീടുകളിലും മറ്റും അന്വേഷിച്ചുവെങ്കിലും കണ്ടെത്താന്‍ കഴിയാത്തതിനെത്തുടര്‍ന്നാണ് പൊലീസില്‍ പരാതി നല്‍കിയത്.
പെര്വാഡും നാങ്കിയിലും കടലാക്രമണം രൂക്ഷം; 25 തെങ്ങുകള് നിലംപതിച്ചു
Tuesday, 16 July 2024, 11:52
