കാസർകോട്: യുവാവിനെ വീട്ടിൽ മരിച്ച നിലയിൽ കണ്ടെത്തി. കൂടാൽ മെർക്കള സുബ്ബയ്യ ക്കട്ടയിലെ പ്രകാശ് ഷെട്ടി (48 ) ആണ് മരിച്ചത്. മൃതദേഹത്തിന് ആറ് ദിവസത്തോളം പഴക്കമുണ്ടെന്നാണ് പൊലീസ് പറയുന്നു. വീട്ടിനുള്ളിൽ തൂങ്ങിമരിച്ച നിലയിലായിരുന്നു മൃതദേഹം. വീട്ടിൽ പ്രകാശ് ഷട്ടി തനിച്ചായിരുന്നു താമസം എന്നു പറയുന്നു. ശനിയാഴ്ച രാവിലെ വീട്ടിൽനിന്ന് ദുർഗന്ധം വമിച്ചതിനെ തുടർന്ന് നാട്ടുകാർ നടത്തിയ അന്വേഷണത്തിലാണ് യുവാവിനെ മരിച്ച നിലയിൽ കണ്ടെത്തിയത്. ഭാര്യയും രണ്ടു മക്കളുമുണ്ട്. ഇവർ കർണാടകയിലെ അവരുടെ വീട്ടിലായിരുന്നുവെന്നു പറയുന്നു. ഷെട്ടിയെ ഏതാനും ദിവസമായി കാണാനില്ലായിരുന്നുവെന്നു നാട്ടുകാർ പറയുന്നു. മഞ്ചേശ്വരം പൊലീസ് എത്തി ഇൻക്വസ്റ്റ് നടത്തി.