കാസര്‍കോട്: ലോറി ബുള്ളറ്റില്‍ ഇടിച്ച് വാര്‍പ്പ് മേസ്തിരിയായ ഗൃഹനാഥന്‍ മരിച്ചു. പടന്ന പഞ്ചായത്തിലെ ആറാം വാര്‍ഡ് ആണ്ടാകൊവ്വലില്‍
താമസിക്കുന്ന പി.സുകുമാരന്‍(63) ആണ് മരിച്ചത്. വെള്ളിയാഴ്ച വൈകീട്ട് ദേശീയപാതയിലെ പയ്യന്നൂര്‍ എടാട്ട് വച്ചാണ് അപകടം. സുകുമാരന്‍ സഞ്ചരിച്ച ബുള്ളറ്റില്‍ ടാങ്കര്‍ ലോറി വന്നിടിക്കുകയായിരുന്നു. ഗുരുതരമായി പരിക്കേറ്റ ഇയാളെ പയ്യുന്നൂര്‍ സഹകരണ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
മൃതദേഹം പരിയാരം കണ്ണൂര്‍ ഗവ. മെഡിക്കല്‍ കോളേജിലേക്ക് കൊണ്ട് പോയി. ശനിയാഴ്ച രാവിലെ പോസ്റ്റ്‌മോര്‍ട്ടത്തിന് ശേഷം വീട്ടില്‍ കൊണ്ടുവരും. ദളിത് ലീഗ് സജീവപ്രവര്‍ത്തകനായിരുന്നു. ഭാര്യ: പരേതയായ ഉഷ പിവി(കോഴിക്കോട്). മക്കള്‍: സുജീഷ് പിവി(മുത്തൂറ്റ് ബാങ്ക്, പാലക്കാട്), അമൃത ലാല്‍ പിവി( പടന്ന കോ-ഓപ്പറേറ്റീവ് ബാങ്ക്). മരുമക്കള്‍: ജുമുന, അനില. സഹോദരങ്ങള്‍: സുമിതി പി, സുമിത്ര പി(അംഗന്‍വാടി വര്‍ക്കര്‍).
ഉദുമ പടിഞ്ഞാറിലെആസ്യുമ്മ അന്തരിച്ചു
Wednesday, 30 April 2025, 21:07
