ആലപ്പുഴ:വസ്ത്ര വ്യാപാര സ്ഥാപനം നടത്തുന്ന യുവതിയെ സ്വന്തം കടയ്ക്കുള്ളില് തൂങ്ങി മരിച്ച നിലയില് കണ്ടെത്തി. ആലപ്പുഴ ചേര്ത്തലയിലാണ് സംഭവം. എക്സറേ കവലയ്ക്ക് സമീപത്തുള്ള ലാദെല്ല എന്ന വസ്ത്ര വ്യാപാര സ്ഥാപനത്തിന്റെ ഉടമ രാജിയെയാണ് കടയ്ക്കുള്ളില് മരിച്ച നിലയില് കണ്ടത്. തണ്ണീർമുക്കം ഇരുപത്തൊന്നാം വാർഡില് റാം മഹേഷിന്റെ ഭാര്യയാണ്. കുടുംബവഴക്കിനെതുടര്ന്ന് ഇന്നലെ രാത്രി രാജി തുണിക്കടയിലെത്തി ജീവനൊടുക്കിയതാണെന്നാണ് സൂചന. ബാംഗ്ലൂരില് വിദ്യാർത്ഥിയായ മീര ഏക മകളാണ്. യുവതി വീട്ടിലെത്താത്തിനെതുടര്ന്ന് ഭര്ത്താവ് മഹേഷ് നടത്തിയ തിരച്ചിലിലാണ് കടയ്ക്കുള്ളില് തൂങ്ങി മരിച്ച നിലയില് കണ്ടെത്തിയത്. പൊലീസ് എത്തി തുടര് നടപടി സ്വീകരിച്ചു. ഇന്ക്വസ്റ്റ് നടപടികള്ക്കുശേഷം മൃതദേഹം ആലപ്പുഴ മെഡിക്കല് കോളേജ് ആശുപത്രി മോർച്ചറിയിലേയ്ക്ക് മാറ്റി. പോസ്റ്റ്മോര്ട്ടത്തിനുശേഷം മൃതദേഹം ബന്ധുക്കള്ക്ക് വിട്ടുനല്കും.
പ്രൊഫ. സിഎച്ച് യൂസഫ് ബാഡൂര് അന്തരിച്ചു
Tuesday, 16 June 2026, 10:07
