ലോക്കോ പൈലറ്റില്ലാതെ 70 കിലോമീറ്ററിലധികം ട്രെയിന് ഓടിയ സംഭവത്തില് ഒഴിവായത് വന് ദുരന്തം. ജമ്മു കശ്മീരിലെ കത്വാ സ്റ്റേഷനില് നിര്ത്തിയിട്ടിരുന്ന ചരക്ക് ട്രെയിന് ആണ് ജമ്മുകശ്മീര് മുതല് പഞ്ചാബ് വരെ ലോക്കോ പൈലറ്റ് ഇല്ലാതെ ഓടിയത്. സംഭവത്തില് ജമ്മുകശ്മീര് ഡിവിഷണല് ട്രാഫിക് മാനേജര് അന്വേഷണത്തിന് ഉത്തരവിട്ടു. ഇതിന്റെ അടിസ്ഥാനത്തില് റെയില്വേ അന്വേഷണം ആരംഭിച്ചു. ഇന്ന് രാവിലെ 7.10 ഓടെയാണ് സംഭവം നടന്നതെന്ന് നാട്ടുകാര് പറഞ്ഞു. ജമ്മുവിലെ കത്വയില് 14806 ആര് എന്ന ഗുഡ്സ് ട്രെയിന് ലോക്കോ പൈലറ്റ് നിര്ത്തിയിടുകയായിരുന്നു. പിന്നീട് ഡ്രൈവര് ട്രെയിനില് നിന്ന് ഇറങ്ങി ഹാന്ഡ് ബ്രേക്ക് ഇടാതെ ചായ കുടിക്കാന് പോയി. അതിനിടെ, ട്രെയിന് പെട്ടെന്ന് നീങ്ങുകയും, ഒടുവില് വേഗത കൂട്ടി ഓടാന് തുടങ്ങുകയുമായിരുന്നു. ഒരു ഘട്ടത്തില് ട്രെയിന് മണിക്കൂറില് നൂറ് കിലോമീറ്റര് വേഗതയിലാണ് ട്രെയിന് ഓടിയതെന്നാണ് റിപ്പോര്ട്ട്. ഏറെ പണിപ്പെട്ടാണ് ഉച്ചി ഭസ്സിയില് ട്രെയിന് നിര്ത്തിച്ചത്. വിവിധ സ്റ്റേഷനിലൂടെ ട്രെയിന് അതിവേഗത്തില് കടന്നുപോകുന്നതിന്റെ വീഡിയോ സോഷ്യല് മീഡിയയില് വൈറലാണ്.
.
