മൊബൈല്‍ ഫോണില്‍ സംസാരിച്ചു നടന്ന യുവാവ് കിണറ്റില്‍ വീണു മരിച്ചു; അപകടം കൂട്ടുകാരുമായി ഒത്തുകൂടിയതിന് പിന്നാലെ

മൊബൈല്‍ ഫോണില്‍ സംസാരിച്ചു നടന്ന യുവാവ് സംരക്ഷണഭിത്തിയില്ലാത്ത കിണറ്റില്‍ വീണ് മരിച്ചു. നേമം പുന്നമംഗലം ഭാസ്‌കരാലയത്തില്‍ രാഹുല്‍ കൃഷ്ണ(ചന്തു-26)യാണ് മരിച്ചത്. ചൊവ്വാഴ്ച രാത്രി എട്ടുമണിയോടെയായിരുന്നു സംഭവം. കാലടിയില്‍ കൂട്ടുകാരുമായി ഒത്തുകൂടിയ ചന്തു കോള്‍ വന്നപ്പോള്‍ ഫോണെടുത്ത് കിണറിനടുത്തേക്ക് നടക്കുകയായിരുന്നു. ഇതിനിടെയാണ് കിണറ്റില്‍ വീണത്. ബഹളം കേട്ട് കൂട്ടുകാര്‍ ഓടിയെത്തിയപ്പോഴേക്കും ചന്തു കിണറിനകത്ത് പെട്ടുപോയിരുന്നു. പിന്നീട് ഫയര്‍ഫോഴ്സ് എത്തിയാണ് മൃതദേഹം പുറത്തെടുത്തത്. അച്ഛന്‍: രാധാകൃഷ്ണന്‍. അമ്മ: ജയകുമാരി. സഹോദരി: രഞ്ജി കൃഷ്ണ.

Leave a Reply

Your email address will not be published. Required fields are marked *

You cannot copy content of this page