കണ്ണൂർ:കണ്ണൂരില്‍ കഞ്ചാവും കഞ്ചാവ് ഓയിലുമായി യുവാവും യുവതിയും അറസ്റ്റില്‍. താണ കസാനക്കോട്ടയിലെ ഫാരിസ് വില്ലയില്‍ സല്‍മാൻ ഫാരിസ് (23), കതിരൂർ നന്ദിയത്ത് വീട്ടില്‍ കാഞ്ചി ബാവ (38) എന്നിവരാണ് പിടിയിലായത്.രണ്ടരക്കിലോ കഞ്ചാവും ഒരുലിറ്റർ കഞ്ചാവ് ഓയിലും ഇവരില്‍ നിന്ന് പിടികൂടി.
      ബെംഗളൂരൂവില്‍നിന്ന് ബസ് മാർഗമാണ് കഞ്ചാവ് കണ്ണൂരിലെത്തിച്ചത്. രഹസ്യവിവരത്തിന്റെ അടിസ്ഥാനത്തില്‍ പ്രതികളെ കണ്ണൂർ പഴയ ബസ് സ്റ്റാൻഡില്‍ വെച്ച്‌ പിടിക്കുകയായിരുന്നു. കണ്ണൂർ കേന്ദ്രീകരിച്ച്‌ നടത്തുന്ന മയക്കുമരുന്ന് സംഘത്തിലെ അംഗങ്ങളാണ് പിടിയിലായതെന്ന് പോലീസ് പറഞ്ഞു.കണ്ണൂർ എ.സി.പി. കെ.വി. വേണുഗോപാല്‍, ടൗണ്‍ പോലീസ് ഇൻസ്പെക്ടർ കെ.സി. സുഭാഷ് ബാബു, എസ്.ഐ. സവ്യസാചി എന്നിവരുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.