തൃശ്ശൂർ: തൃശൂർ മുല്ലശേരിയില് ഭാരത് അരി വില്പ്പന പൊലീസ് തടഞ്ഞു. മുല്ലശേരി പഞ്ചായത്തില് ഉപതെരഞ്ഞെടുപ്പ് നടക്കുന്ന പശ്ചാത്തലത്തിലാണ് അരി വിതരണം തടഞ്ഞത്.ഏഴാം വാർഡില് വ്യാഴാഴ്ചയാണ് ഉപതിരഞ്ഞെടുപ്പ് നടക്കുന്നത്. അരി വിതരണം തെരഞ്ഞെടുപ്പ് പെരുമാറ്റ ചട്ട ലംഘനമാണെന്ന് പൊലീസ് അറിയിച്ചു. സംഭവത്തില് ബിജെപി പ്രവർത്തകരും പൊലീസും തമ്മില് വാക് തർക്കമുണ്ടായി.കേന്ദ്ര സർക്കാർ പുറത്തിറക്കിയ ഭാരത് അരിയെച്ചൊല്ലി തൃശൂരില് രാഷ്ട്രീയപ്പോര് നിലനില്ക്കുന്നതിനിടെയാണ് അരി വില്പ്പന പൊലീസ് തടഞ്ഞത്. നാഫെഡ് അടക്കമുള്ള കേന്ദ്ര ഏജൻസികൾ ആണ് അരി വിതരണത്തിന് എത്തിക്കുന്നത്.
