കണ്ണൂർ: കണ്ണൂര് രാജ്യാന്തര വിമാനത്താവളത്തില് നിന്ന് ലക്ഷങ്ങള് വിലമതിക്കുന്ന 12 കിലോ കുങ്കുമപ്പൂവ് എയര്പോര്ട്ട് പൊലീസ് പിടികൂടി. ദുബായിയില് നിന്ന് എയര് ഇന്ത്യ എക്സ്പ്രസ് വിമാനത്തില് തിങ്കളാഴ്ച രാവിലെ വന്ന യാത്രികനായ കര്ണാടക കുടക് സ്വദേശി നിസാര് ബൈഡഗോട്ട അബൂബക്കറില് നിന്നാണ് കുങ്കുമപ്പൂവ് പിടികൂടിയത്.
കസ്റ്റംസ് പരിശോധനയ്ക്ക് ശേഷം അന്താരാഷ്ട്ര അറൈവല് ഏരിയയ്ക്ക് പുറത്തുവന്നപ്പോഴായിരുന്നു പൊലീസിന്റെ പരിശോധന. ചെക്ക് ഇന് ബാഗേജിനുള്ളില് ഒളിപ്പിച്ച നിലയിലായിരുന്നു കുങ്കുമപ്പൂവ്.
എയര്പോര്ട്ട് പൊലീസ് ഇന്സ്പെക്ടര് എം.സി. അഭിലാഷ്, എ.എസ്.ഐ സന്ദീപ്, സീനിയര് സിവില് പൊലീസ് ഓഫീസര് ലിജിന്, ഷമീര് എന്നിവരാണ് കുങ്കുമപ്പൂവ് പിടികൂടിയത്.
![](https://mlozaudj56ft.i.optimole.com/w:1373/h:773/q:mauto/f:best/https://malayalam.karavaldaily.com/wp-content/uploads/2024/07/asfhdba65454.jpg)