കാസര്കോട്: വില്പനക്കെത്തിയ എം.ഡി.എംഎയുമായി മൂന്നുപേര് അറസ്റ്റില്. കയ്യാര് സ്വദേശി മുഹമ്മദ് അലി(27), മുഖാരികണ്ടം സ്വദേശി ഉബൈദ്(22), കയ്യാര് കൂടാര് മെര്ക്കള സ്വദേശി അബ്ദുല് റഹ്മാന്(23) എന്നിലരാണ് അറസ്റ്റിലായത്. ഞായറാഴ്ച രാവിലെ മുഖാരികണ്ടത്തില് കുമ്പള എസ്.ഐ ഉമേശനും സംഘവുമാണ് പ്രതികളെ പിടികൂടിയത്. 3.8 ഗ്രാം എം.ഡി.എംഎ ആണ് ഇവരുടെ കൈവശം ഉണ്ടായിരുന്നത്. ഇവര് സഞ്ചരിച്ച ആള്ട്ടോ കാറും പൊലീസ് കസ്റ്റഡിയിലെടുത്തു. പ്രതികളെ തിങ്കളാഴ്ച കാസര്കോട് കോടതിയില് ഹാജരാക്കും.