Monday, February 26, 2024
Latest:

വീണ്ടും സ്വർണ വേട്ട; കണ്ണൂര്‍ വിമാനത്താവളത്തില്‍ നിന്നും കടത്തുകയായിരുന്ന ഒരു കോടിയോളം രൂപയുടെ സ്വര്‍ണവുമായി കാഞ്ഞങ്ങാട് സ്വദേശി അറസ്റ്റില്‍

കണ്ണൂര്‍: കണ്ണൂര്‍ രാജ്യാന്തര വിമാനത്താവളത്തില്‍ നിന്നും വീണ്ടും സ്വര്‍ണം പിടികൂടി. 99ലക്ഷം രൂപ വിലവരുന്ന സ്വര്‍ണമാണ് പിടികൂടിയത്. ഞായറാഴ്ച രാവിലെ ഷാര്‍ജയില്‍ നിന്നെത്തിയ കാഞ്ഞങ്ങാട് സ്വദേശിയായ ഹിസാമുദ്ദീനില്‍ നിന്നാണ് സ്വര്‍ണം പിടികൂടിയത്. ഡി. ആര്‍. ഐയും കസ്റ്റംസും നടത്തിയ പരിശോധനയിലാണ് സ്വര്‍ണം പിടികൂടിയത്. കസ്റ്റംസ് അസി.കമ്മിഷണര്‍മാരായ ഇ.വിശിവരാമന്‍, ടി. എന്‍ സുനില്‍, സൂപ്രണ്ടുമാരായ സൂരജ്കുമാര്‍, ദീപക് കുമാര്‍, എസ്. പ്രണയ് തുടങ്ങിയവര്‍പരിശോധനയില്‍ പങ്കെടുത്തു. കഴിഞ്ഞ ദിവസം വടകര സ്വദേശിയായ യുവാവില്‍ നിന്നും കസ്റ്റംസ് റെയ്ഡില്‍ 63 ലക്ഷത്തിന്റെ സ്വര്‍ണം കടത്തുന്നതിനിടെ പിടിയിലായിരുന്നു. വരും ദിവസങ്ങളിലും റെയ്ഡു ശക്തമാക്കുമെന്ന് കസ്റ്റംസ് അറിയിച്ചു.

Leave a Reply

Your email address will not be published. Required fields are marked *

You cannot copy content of this page