ന്യൂഡൽഹി:അമ്മയുടെ ലിവിങ് ടുഗെതര് പങ്കാളി 14 വയസുകാരിയെ ബലാത്സംഗം ചെയ്തെന്ന് പരാതി. നോര്ത്ത് ഡല്ഹിയിലെ ബുറാരി പൊലീസ് സ്റ്റേഷന് പരിധിയിലാണ് സംഭവം.29 വയസുകാരനായ പ്രതിക്കെതിരെ ബലാത്സംഗം, പോക്സോ ഉള്പ്പെടെയുള്ള വകുപ്പുകള് ചുമത്തി കേസെടുത്ത് അറസ്റ്റ് ചെയ്ത് റിമാന്ഡ് ചെയ്തു.
ഗാസിയാബാദിലെ ലോനി സ്വദേശിയായ അങ്കിത് യാദവ് എന്നയാളാണ് അറസ്റ്റിലായത്. കുട്ടിയുടെ അമ്മ തന്നെയാണ് പൊലീസില് പരാതി നല്കിയത്. ആദ്യ വിവാഹത്തിൽ ഇവർക്ക് മൂന്ന് മക്കളുണ്ട്. എട്ട് വര്ഷം മുമ്പ് ഭര്ത്താവുമായി പിരിയുകയും പിന്നീട് അങ്കിത് യാദവുമായി ലിവിങ് ടുഗെതര് ബന്ധത്തിലാവുകയും ചെയ്തു. അറസ്റ്റിലായ അങ്കിത് ബസ് ഡ്രൈവറായി ജോലി ചെയ്യുകയായിരുന്നു.
ജൂലൈ 23നാണ് കേസിന് ആസ്പദമായ സംഭവം നടന്നത്. അമ്മ ആശുപത്രിയില് പോയിരുന്ന സമയത്ത് മൂന്ന് കുട്ടികള് മാത്രമായിരുന്നു വീട്ടിലുണ്ടായിരുന്നത്. ഈ സാഹചര്യം ദുരുപയോഗം ചെയ്ത അങ്കിത്, പ്രായപൂര്ത്തിയാവാത്ത കുട്ടിയെ ബലാത്സംഗം ചെയ്യുകയായിരുന്നു. കുട്ടിയെ ഭീഷണിപ്പെടുത്തിയയാണ് പീഡിപ്പിച്ചത്. പ്രതി മുൻപും പീഡിപ്പിച്ചിട്ടുണ്ടെന്ന് കേസ് അന്വേഷിച്ച മുതിര്ന്ന പൊലീസ് ഉദ്യോഗസ്ഥന് പറഞ്ഞു.
