കൊച്ചി:കളമശേരിയില് ഭക്ഷ്യവിഷബാധയെ തുടര്ന്ന് പത്തുപേരെ ആശുപത്രിയില് പ്രവേശിപ്പിച്ചു. പാതിരാ കോഴി എന്ന ഹോട്ടലില് നിന്ന് കുഴിമന്തി കഴിച്ചവര്ക്കാണ് ശാരീരിക ബുദ്ധിമുട്ട് അനുഭവപ്പെട്ടത് എന്നാണ് വിവരം.ഇവരെ എറണാകുളം ജനറല് ആശുപത്രിയില് പ്രവേശിപ്പിച്ചു.
ഇന്നലെ രാത്രി കുഴിമന്തി കഴിച്ചവര്ക്കാണ് ശാരീരികാസ്വാസ്ഥ്യം അനുഭവപ്പെട്ടത്. വയറിളക്കവും ഛര്ദ്ദിയുമാണ് അനുഭവപ്പെട്ടത്. പത്തുപേരും എറണാകുളം ജനറല് ആശുപത്രിയില് ചികിത്സയിലാണ്. ഇവരുടെ ആരുടെയും ആരോഗ്യനില ഗുരുതരമല്ല.പാതിരാ കോഴിയില് നിന്ന് ഭക്ഷണം കഴിച്ചവര്ക്ക് കൂട്ടത്തോടെ ശാരീരിക ബുദ്ധിമുട്ട് അനുഭവപ്പെട്ടതോടെയാണ് ഭക്ഷ്യവിഷബാധ സംശയിച്ച് അധികൃതര് തുടര്നടപടികള് സ്വീകരിച്ചത്.സംഭവത്തില് ആരോഗ്യവകുപ്പും പൊലീസും അന്വേഷണം ആരംഭിച്ചിട്ടുണ്ട്.
