തിരുവനന്തപുരം: തലസ്ഥാനത്ത് തെരുവുയുദ്ധം. പ്രതിഷേധങ്ങള്ക്ക് നേരെയുള്ള പൊലീസ് അതിക്രമത്തിനെതിരെ കോണ്ഗ്രസ് പ്രഖ്യാപിച്ച ഡിജിപി ഓഫീസിലേക്കുള്ള മാര്ച്ചിലാണ് സംഘര്ഷമുണ്ടായത്. മാര്ച്ചിനിടെ നവകേരള സദസിന്റെ ബാനറുകള് കോണ്ഗ്രസ് പ്രവര്ത്തകര് വ്യാപകമായി നശിപ്പിച്ചു. പൊലീസിന് നേരെ കല്ലെറുമുണ്ടായി. പ്രവര്ത്തകര് അക്രമാസക്തരായതോടെ പിരിച്ചുവിടാന് പൊലീസ് ജലപീരങ്കിയും കണ്ണീര് വാതകവും പ്രയോഗിച്ചു. മാര്ച്ച് സംഘര്ഷത്തിലേക്ക് നീങ്ങിയതോടെ പ്രതിപക്ഷ നേതാവ് വിഡി സതീശന് പ്രസംഗം പാതിവഴിയില് അവസാനിക്കേണ്ടിവന്നു. ദേഹാസ്വാസ്ഥ്യം അനുഭവപ്പെട്ട കെ സുധാകരന് അടക്കമുള്ള നേതാക്കളെ ആശുപത്രിയിലേക്ക് മാറ്റി. വനിതാപ്രവര്ത്തകര്ക്കും ചില മാധ്യമപ്രവര്ത്തകര്ക്കും ദേഹാസ്വാസ്ഥ്യമുണ്ടായി. പ്രതിപക്ഷ നേതാവ് സംസാരിക്കുന്നതിനിടെയാണ് സംഘര്ഷമുണ്ടായത്. ഒരുസംഘം കോണ്ഗ്രസ് പ്രവര്ത്തകര് പൊലീസിന് നേരെ കല്ലെറിഞ്ഞതോടെയാണ് പൊലീസ് ജലപീരങ്കി പ്രയോഗിച്ചത്. കെ സുധാകരനും എം എം ഹസ്സനും ഉള്പ്പെടെയുള്ള നേതാക്കളെ പ്രവര്ത്തകര് വാഹനത്തില് കയറ്റി സ്ഥലത്തുനിന്ന് മാറ്റി. യാതൊരു പ്രകോപനവുമില്ലാതെയാണ് പൊലീസ് നടപടിയെന്നാണ് നേതാക്കള് ആരോപിക്കുന്നത്. കൂടുതല് കോണ്ഗ്രസ് പ്രവര്ത്തകര് സ്ഥലത്ത് സംഘടിച്ച് പ്രതിഷേധിക്കുകയാണ്.
ഓട്ടോയില് കടത്തിയ എം ഡി എം എയുമായി അജാനൂര്, കാസര്കോട് സ്വദേശികള് കുമ്പളയിൽ അറസ്റ്റില്
Tuesday, 16 June 2026, 15:38
