കാസർകോട്: കുമ്പള പച്ചമ്പളയില്‍ പുലിയിറങ്ങിയതായി സംശയം. പുലിയുടെ സിസിടിവിയുടെ ദൃശ്യങ്ങള്‍ പുറത്തുവന്നതോടെ ജനം ഭീതിയിലായി. പച്ചമ്പള, കാണ്ടലിലെ അബ്‌ദുള്ള ബേരിക്കയുടെ വീട്ടില്‍ സ്ഥാപിച്ചിട്ടുള്ള സി സി ടി വി ക്യാമറയിലാണ്‌ ദൃശ്യങ്ങള്‍ പതിഞ്ഞത്‌.ഇക്കാര്യം മംഗല്‍പ്പാടി പഞ്ചായത്ത്‌ അംഗം മജീദ്‌ പച്ചമ്പള, പൊലീസ് ഫോറസ്റ്റ്‌-വില്ലേജ്‌ അധികൃതരെ അറിയിച്ചു. നേരത്തെയും പച്ചമ്പള ഭാഗങ്ങളില്‍ പുലിയിറങ്ങിയതായി സംശയം ഉണ്ടായിരുന്നുവെങ്കിലും വ്യക്തമായ ചിത്രം ലഭിക്കുന്നത്‌ ഇപ്പോഴാണ്. ദൃശ്യം പ്രചരിപ്പിച്ചതോടെ നാട്ടുകാര്‍ക്കിടയില്‍ ഉണ്ടായ ഭീതി ഒഴിവാക്കാന്‍ നടപടി ആരംഭിക്കണമെന്ന്‌ ആവശ്യം ശക്തമായിട്ടുണ്ട്‌.
നാലുദിവസം മുമ്പ് ബംഗളൂരുവിൽ നിന്ന് വീട്ടിലെത്തിയ ഇലക്ട്രീഷ്യൻ തൂങ്ങി മരിച്ച നിലയിൽ
Monday, 19 August 2024, 18:10
