കാസർകോട്: കര്ണ്ണാടക നിര്മ്മിത പാക്കറ്റ് ചാരായവുമായി പിടിയിലായ യുവാവിനെ എക്സൈസ് സംഘത്തെ ആക്രമിച്ച് മോചിപ്പിക്കുവാന് ശ്രമം. തടയുന്നതിനിടെ എക്സൈസ് ഉദ്യോഗസ്ഥനു പരിക്കേറ്റു. തിങ്കളാഴ്ച വൈകുന്നേരം പെര്മുദെ ജംഗ്ഷനിലാണ് സംഭവം. രഹസ്യ വിവരത്തെ തുടര്ന്നാണ് കുമ്പള എക്സൈസ് പ്രിവന്റീവ് ഓഫീസര് രാജീവന് ഐ.ബി പ്രിവന്റീവ് ഓഫീസര് കെ.ഷിജു എന്നിവരുടെ നേതൃത്വത്തില് എക്സൈസ് സംഘം എത്തിയത്. പ്രദേശത്ത് 5.2 ലിറ്റര് കര്ണ്ണാടക മദ്യം പ്ലാസ്റ്റിക്ക് കവറിലാക്കി നില്ക്കുകയായിരുന്ന കയ്യാര്, പെരിയടുക്കയിലെ പി.സന്ദേശി(25) നെ ഇവിടെ വച്ച് കാണുകയും ഇയാളെ കസ്റ്റഡിയിലെടുക്കുകയും ചെയ്തു. അപ്പോൾ കിരണ് കുമാര് എന്നയാള് സ്ഥലത്തെത്തി തടയുകയും മോചിപ്പിക്കാന് ശ്രമിക്കുകയും ചെയ്തതെന്നാണ് എക്സ്സൈസ് സംഘം വ്യക്തമാക്കുന്നത്.തുടര്ന്നുണ്ടായ ഉന്തും തള്ളലിലുമാണ് എക്സൈസ് ഉദ്യോഗസ്ഥന് പരിക്കേറ്റത്. അക്രമം നടത്തിയ കിരണ് കുമാറിനെതിരെ എക്സൈസ് പ്രിവന്റീവ് ഓഫീസര് കുമ്പള പൊലീസില് പരാതി നല്കി.
യുവാവ് കിടപ്പുമുറിയില് തൂങ്ങി മരിച്ച നിലയില്
Tuesday, 21 April 2026, 11:19
