കടയില്‍ നിന്ന് മൊബൈല്‍ ഫോണ്‍ മോഷ്ടിച്ച സി.സി.ടി.വി ദൃശ്യങ്ങള്‍ സാമൂഹിക മാധ്യമങ്ങളില്‍ പ്രചരിച്ചതോടെ മോഷ്ടാവ് ഫോണ്‍ തിരിച്ചേല്‍പ്പിച്ച് മാപ്പുപറഞ്ഞു. ഞായറാഴ്ച ഉച്ചയോടെയാണ് കണ്ണൂര്‍ നഗരത്തിലെ ഗാലക്‌സി ബേക്കറിയില്‍ നിന്ന് മൊബൈല്‍ ഫോണ്‍ മോഷ്ടിക്കപ്പെട്ടത്. ഇതേ തുടര്‍ന്ന് ഉടമ മോഷണത്തിന്റെ സി.സി.ടി.വി ദൃശ്യങ്ങള്‍ സാമൂഹിക മാധ്യമങ്ങളില്‍ പ്രചരിപ്പിക്കുകയായിരുന്നു. ആളിന്റെ മുഖം വ്യക്തമാകുന്ന ദൃശ്യമായിരുന്നു വാട്‌സാപുകളില്‍ പ്രചരിച്ചത്. ദൃശ്യം തന്റെ മൊബൈലിലും എത്തിയതോടെ സംഗതി പന്തിയല്ലന്ന് കണ്ട് കള്ളന്‍ വീണ്ടും കടയിലെത്തുകയായിരുന്നു. കടയില്‍ ആള്‍ക്കാര്‍ പോയ ശേഷം മോഷ്ടാവ് ഫോണ്‍ തിരികെ നല്‍കി കടയുടമയോട് മാപ്പ് ചോദിച്ചു. ഫോണ്‍ തിരിച്ചേല്‍പിച്ചതിനാല്‍ ഉടമ പൊലീസിലും പരാതി നല്‍കിയില്ല.
നെല്ലിക്കുന്നില് പാര്ക്ക് ചെയ്ത കാറിന് മുകളില് മതിലിടിഞ്ഞ് വീണു തകര്ന്നു; ആളപായമില്ല
Friday, 26 July 2024, 14:51
