കോഴിക്കോട്: പ്രായപൂർത്തിയാകാത്ത കുട്ടിയെ പീഡിപ്പിച്ച കേസിൽ കഴിഞ്ഞ ദിവസം അറസ്റ്റിലായ പ്രതിയുടെ വീടിന് നേരെ ബോംബേറ്.വടകര കോട്ടക്കടവ് സ്വദേശി അബ്ദുൾ റസാഖിന്റെ വീടിന് നേരെയാണ് ആക്രമണം ഉണ്ടായത്.ആക്രമണത്തിൽ വീടിന്റെ ചില്ലുകൾ തകർന്നു.രാവിലെയാണ് വീടിന് നേരെ ബോംബേറുണ്ടായത്.കഴിഞ്ഞ ദിവസമാണ് പത്തുവയസ്സുകാരിയെ പീഡിപ്പിച്ചതിന് ഇയാളെ അറസ്റ്റ് ചെയ്തത്.വീട്ടിലേക്ക് കുട്ടിയെ വിളിച്ചു വരുത്തി പീഡിപ്പിച്ച ശേഷം മിഠായി വാങ്ങാൻ 10 രൂപ നൽകുകയും വിവരം പുറത്തുപറയരുതെന്ന് ഭീഷണിപ്പെടുത്തുകയുമായിരുന്നു.പീഡന സമയം ഇയാളുടെ ഭാര്യയും മറ്റുള്ളവരും പുറത്ത് പോയിരുന്നു. വീട്ടിലെത്തിയ കുട്ടി വിവരം മാതാപിതാക്കളോട് പറയുകയായിരുന്നു.തുടർന്ന് പൊലീസ് പോക്സോ കേസ് ചുമത്തി പ്രതിയെ അറസ്റ്റു ചെയ്തു.വീട് ആക്രമിച്ച സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്
