കാസര്‍കോട്: റോഡ് മുറിച്ചു കടക്കവേ കാറിടിച്ച് ഗുരുതരമായി പരിക്കേറ്റ് ചികില്‍സയിലായിരുന്ന 16 കാരന്‍ മരിച്ചു. കുഞ്ചത്തൂര്‍ ഊമണ്ണ് കൊലക്കെ ഹൗസിലെ രഘുനാഥ് ആള്‍വയുടെ മകന്‍ സുമന്ത് ആര്‍ ആള്‍വ(16) ആണ് മരിച്ചത്. മിനിയാന്ന് വൈകീട്ട് മാടയില്‍ ബസിറങ്ങി റോഡ് മുറിച്ചുകടക്കുന്നതിനിടയിലായിരുന്നു കാറിടിച്ചത്. ഉടന്‍ തന്നെ മംഗളൂരു ആശുപത്രിയില്‍ എത്തിച്ചിരുന്നു. അപകടത്തില്‍ പ്രതിഷേധിച്ച് നാട്ടുകാര്‍ ഇന്നു വൈകീട്ട് കുഞ്ചത്തൂരില്‍ റോഡ് ഉപരോധിച്ചു. കാസര്‍കോട് സ്വദേശിയുടെ കെ.എല്‍ 14-യു 6534 ഇന്നോവ കാറാണ് അപകടമുണ്ടാക്കിയതെന്ന് മഞ്ചേശ്വരം പൊലിസ് അറിയിച്ചു. പൊലിസ് അന്വേഷണം ആരംഭിച്ചിട്ടുണ്ട്.