നവവധുവിനെ വീട്ടില്‍ മരിച്ചനിലയില്‍ കണ്ടെത്തി
തൃക്കരിപ്പൂര്‍: നവവധുവിനെ വീട്ടില്‍ മരിച്ചനിലയില്‍ കണ്ടെത്തി. വനിതാലീഗ് നേതാവും മുന്‍ തൃക്കരിപ്പൂര്‍ പഞ്ചായത്തംഗവുമായ ഉടുമ്പുംന്തല പുനത്തില്‍ ഹൗസില്‍ ഷഹര്‍ബാന്റെ മകള്‍ ഷിഫാനത്ത്(21)നെയാണ് തൂങ്ങി മരിച്ചനിലയില്‍ കണ്ടെത്തിയത്. ചൊവ്വാഴ്ച വൈകീട്ട് വീടിന്റെ രണ്ടാംനിലയിലുള്ള മുറിയിലാണ് ഷിഫാനത്തിനെ ഫാനില്‍ കെട്ടിതൂങ്ങിയ നിലയില്‍ കണ്ടത്. മാതാവിന്റെ നിലവിളികേട്ട് ഓടിയെത്തിയ അയല്‍ക്കാര്‍ ഉടന്‍ ആശുപത്രിയിലേക്കെത്തിച്ചെങ്കിലും മരണപ്പെട്ടിരുന്നു. ഏതാനും മാസം മുമ്പാണ് ഷിഫാനത്തിന്റെ വിവാഹം നടന്നത്. ചന്തേര പൊലീസ് ഇന്‍ക്വസ്റ്റ് നടത്തിയശേഷം മൃതദേഹം പോസ്റ്റുമോര്‍ട്ടത്തിനായി പരിയാരത്തെ കണ്ണൂര്‍ ഗവണ്‍മെന്റ് മെഡിക്കല്‍ കോളേജ് ആശുപത്രിയിലേക്ക് മാറ്റി.
