പത്തനംതിട്ട: കെഎസ്ആര്ടിസി ബസിനുള്ളില് പതിനേഴുകാരന് നേരെ ലൈംഗികാതിക്രമം. സംഭവത്തില് 42കാരന് പിടിയിലായി. പത്തനംതിട്ട സ്വദേശി പി കെ ഷിജു (42) ആണ് തിരുവല്ല പൊലീസിന്റെ പിടിയിലായത്. തിരുവനന്തപുരത്ത് നിന്നും കോട്ടയത്തേക്ക് പോവുകയായിരുന്ന സൂപ്പര്ഫാസ്റ്റില് ആണ് സംഭവം. കഴിഞ്ഞ ദിവസം വൈകിട്ട് നാല് മണിയോടെ ആയൂരില് നിന്ന് ബസില് കയറി കോട്ടയത്തേക്ക് പോവുകയായിരുന്ന ഹയര് സെക്കണ്ടറി വിദ്യാര്ത്ഥിയെയാണ് ഷിജു ഉപദ്രവിച്ചത്. അടൂരില് നിന്നും ബസില് കയറിയ ഇയാള് വിദ്യാര്ത്ഥിയെ നോട്ടമിട്ടിരുന്നു. പിന്നിട് വിദ്യാര്ഥിക്കൊപ്പം ഒരേ സീറ്റില് ഇരുന്നു യാത്ര ചെയ്യുകയായിരുന്നു. ബസ് പുറപ്പെട്ട് അല്പ സമയം കഴിഞ്ഞപ്പോള് മുതല് ഷിജു വിദ്യാര്ത്ഥിക്ക് നേരെ ലൈംഗികാതിക്രമം ആരംഭിച്ചു. ഇയാളുടെ പ്രവൃത്തികള് സഹിക്കാനാവാതെ വന്നതോടെ ചെങ്ങന്നൂരിന് സമീപം വെച്ച് വിദ്യാര്ത്ഥി ബഹളം വച്ചു. ഇതോടെ ബസില് നിന്ന് ഇറങ്ങി രക്ഷപ്പെടാന് ശ്രമിച്ച ഷിജുവിനെ ബസ് ജീവനക്കാരും മറ്റ് യാത്രക്കാരും ചേര്ന്ന് തടഞ്ഞുവെച്ചു. തുടര്ന്ന് ബസ് തിരുവല്ല കെഎസ്ആര്ടിസി സ്റ്റാന്ഡില് എത്തിച്ച് പൊലീസിന് കൈമാറി.
കാമുകിയെ വിവാഹം കഴിക്കാന് സുഹൃത്തിനെ സഹായിച്ചതിന് ഉപ്പളയിലെ ഓട്ടോ ഡ്രൈവറെ കുത്തിക്കൊന്ന കേസ്: ഒന്നാം പ്രതിക്ക് ജീവപര്യന്തം തടവ്
Thursday, 19 September 2024, 14:44
